0 خليك مستقل وريح دماغك

أحب أتكلم معاكم شوية نحو إستقلال الحزبي .....
بمعني أن تكون رئيس قرارتك وأفكارك.
فالواقع المرير يقول أن المعارضة حتي الأن لم تكن مجدية بالمعني المنتظر منها في الساحة السياسية. وليس من همومها الوطن كما أخذنا في معتقدتنا وعرفنا.
 فكل يهوي الشهرة والمجد. 
فكانت لي تجربة في حزب وحركة من فترة دعوت إلي أحد إجتماعتهم في مدينة قريبة مني.

سنتكلم عن الحزب أولا: 
كنت أحب الحزب جدا من الخارج وقررت الإنضمام له 
ولكن عندما دخلت إلي الواقع أو المطبخ السياسي للحزب من الداخل فما وجدت غير حروب فكريه وأكثر من رئيس يجمع حوله أكثر من مؤيد وتابع له.
علي أقرب الأمثله ما نراه في حزب الغد أشهر الأحزاب لتعدد الرؤساء وأختلاف المؤيدين فكل يؤيد رئيس.
نذكر حزب الغد علي سبيل المثال وليس المهاجمه فأنا أكن الأحترام لأستاذ أيمن نور ولفكره ..


أما الحركة فكانت حركة شباب 6 أبريل فهم فعلا شباب يحبون البلد ويعملون دائما ولا يكلون علي الرغم من أني أحيانا أختلف فكرا معهم ولكن الحقيقة تقال....

وسمعت كثير عن حركات ترغب الشهر فقط وليس لهم واقع غير أنهم يتمنون سماع مصيبه علشان ينزلوا يقولوا أحنا أهه معاكم .....
 
لا تقولي عداله ولا ظلم ولا أحرار أيه وأبصر أيه
كله كلام فاضي أصحابها غير مؤهلين بل أنهم منساقين فقط وهذا واضح من تصرفاتهم.
ونسأل الله لنا ولهم الهدايه وحب مصلحه الوطن..

فنفسي أري يوما شعب مستقل فكرا وأفكارا يصنع تاريخ من جديد
ليس كل همه ذكر تاريخ أجداد ماتوا منذ ألاف السنين.


ففكره الأستقلال لابد أن تعود مره أخري لأن كثره الأحزاب وتعددها عامل زي المركب اللي بأكثر من رئيس ونعلم نهايتها جميعا الغرق...................

فهذا هو حال المعارضه المصريه الأن 
وفي النهاية أتمني أن تكون مستقل إيجابي بمعني  أن يكون هدفك الوحيد الحفاظ علي بلدك ونصيبك في المال العام والدفاع عن حقوقك ومعرفه أيضا واجباتك.
ولا تكون مستقل سلبي بعيد عن المشاركات السياسية .
فلابد أن تكون إيجابي .
وأبعد عن الحروب الدائره في الأحزاب كي لا تشعر بكرهك لبلدك فتنحي عنها جانبا




وخليك مستقل وريح دماغك لحين ظهور ما يستحق الإنضمام.....





تحياتي 
محمود السيد

تابع القراءة

0 حواري مع معالي وزير الزراعه

أولا:أحب نتكلم في كلام وزير الزراعة بخصوص صعوبة وضع تسعيره جبرية

للمنتجات اللي أسعارها بتزيد بجنون أو بمعني أصح التجار تستهبل

أحب أعرفكم يعني أية تسعيره جبرية يعني تدخل حكومي يوقف المهزلة دي من التحكم في رفع الأسعار اللي كل شوية بيزيد بسبب و بغير سبب .

طيب لازم أعرفكم حاجة أسمها سعر التوازن وده عبارة عن كمية المعروضة هي نفسها المطلوبة بالسوق (ك )

عند السعر (س ت).

فلو الحكومة وضعت سعر جبري أقل من سعر التوازن

يعني مثال :

س ت = 10  ( سعر التوازن )

فوضعت سعر جبري = 8

يترتب عليه ساعتها أن الكميه المطلوبة أكبر من المعروضة في السوق يعني عجــــــــــــــــــــز

وساعتها مش هن كون عملنا غير مصيبة مش حل وهي حصل تقطيع علي المنتج لأنه هي كون شاحح في السوق ومش موجود والمفروض نرفع سعر الجبري إلي أن يوصل لسعر التوازن ثاني.

طيب يعني لو كان سعر الجبري أكبر من سعر التوازن أية اللي هي حصل ؟؟

ساعتها العكس هي حصل أن المعروض كثير والطلب قليل وينزلوا السعر ثاني إلي سعر التو زان وترجع ريمه لعادتها القديمة.

طيب دوختنا معاك فين الحل ؟

عندك 3 حلول واللي هما ماشين بيهم في المجتمع المصري :

1-   أن المتاجر توزع المنتج بناء علي اللي يوصل الأول وساعتها هت لاقي الكوسة شغالة والمعارف كمان تشتغل.

2-   أن أصحاب المتاجر يحددا من يأخذ المنتج ومن لا ساعتها نفس المشكلة الكوسة والمعارف.

ونظرا الطريقتين الأولي والثانية وعدم عدالتهما في التوزيع فتلجأ الحكومة لنظام جديد اللي هو التموين والكوبونات علي الرغم من أن أصحاب الإكراميات تستغل برده

ولكن مهما كانت الطرق لابد من ظهور سوق الاحتكار السوء السود ه يعني ويباع فيها بأسعار غير قانونية ويساعد علي ظهور مثل هذه الأسواق :

1-صعوبة مراقبه البيع في أي مجتمع يعني زينا كده العملية سلطه ببطه.

2-أنانية بعض الأفراد من ناحية أخري يعني أنا مالي وعايز أأكل عيالي وأكسب زى معظم شعبنا

وساعتها نشوف  فئة محدود تثري والأخرى ويزداد ثراؤها بمعدلات فلكيه يعني زى بلدنا بالظبط.

طيب في سؤال لازم نسأله لنفسنا وبكل صراحة وعلمية نجاوب علية ؟

هل معني ظهور السوق السوداء فشل تحقيق حد أعلي للسعر

دة بقه يتوقف علي ماهية الغرض الذي من أجله الحكومة بتفرض فيه السعر الجبري

يعني إذا كان الهدف

·       خفض الأسعار.

·       عدالة توزيع المنتجات .

ساعتها ظهور السوق السوداء معناه عدم تحقيق الأهداف  اللي أحنا ذكرناها

أما بقه لو كان هدف معالي الوزير

 * الحد من إنتاج منتج وتحويل الموارد بناعته لمنتج ثاني ضروري الاستهلاك

ففي هذه الحالة تكون السياسة التي أتبعتها الدولة ناجحة رغم شعور البعض بعدالتها.

وطبعا الواضح من كلامي أن الحكومة أما بتيجي تنزل تسعرية جبرية بتنزيلها من أجل تخفيض أسعار أو بعيد الشعر عدالة توزيع وده في الهوا

عشان كده أنا عايز أوصل ليكم في النهاية خوف معا ليه من ظهور سوق سوداء بس معا ليه ما ظهر ش السبب

أن دة فشل الحكومة في تحقيق الأهداف ..

وفي النهاية لابد من قيام الحكومة الموقرة بمراقبه الأسعار في مختلف المنتجات فهي ضرورية في كل دولة ديمقراطية .

أيضا لابد من زيادة الإنتاج فهو كفيل بتثبيت الأسعار وعدم السماح لها بالارتفاع السريع علي أضعف التقدير

تابع القراءة

0 يعني أيه مقاااااااطعه

أولا أحب أوضح ليكم :
ما هو قانون العرض وقانون الطلب
وأيه هي العلاقة بين السعر والكمية في كل من القانونين

اولا : قانون الطلب...
هناك علاقه عكسيه بين السعر و الكمية
أي أن بزياده أحدهما ينقص الأخر والعكس صحيح..................

ثانيا : قانون العرض...
نجد أن العلاقة بين السعر و الكميه في قانون العرض علاقه طرديه
أي أن بزياده أحدهما يزيد الأخر والعكس أيضا صحيح....


تمام تعالوا نركز شويه علي زياده السعر وأيه اللي سيحصل بقه أما السعر يزيد
أولا :
علي المستهلك المفروض أن القبول علي السلعة دي أو المنتج ده يقل
ولكن في سياسه الشعب المصري يقولك ايه اللي يزيد سعره اشتري منه كثير لأنه لسه هيزيد وده يزيد من جشع المنتجين في زياده الأسعار أكتر وزياده المعروض منه في السوق
وذلك لتحقق الأرباح من المنتج

 ثانيا :
علي المنتج (أصحاب السلع أي ملاك السلع )
تجد بعض المنتجين بغيروا إنتاجهم من سلعهم  ونشاطهم ويحولوا نشاطهم علي السلع اللي أسعارها بتزيد والإقبال عليها يزيد وكمان الأرباح شغاله الله ينور


فكده أوضحنا أثر زياده الأسعار علي كل من المنتج والمستهلك الغبي ((((سوري يعني ))))


وبعد ما عرفنا العلاقة بين السعر والكمية في قانوني العرض والطلب

عايز تقول لينا أيه يعني من الأخر

أيه هي الدروس المستفاده من الموضوع ده زي ما علمتنا الكتب المدرسية بعد كل موضوع بنأخذ الدروس المستفاده


بص يا سيدي منك له الدروس المستفادة أنك تعرف فقه المقاطعة في حاله زيادة أسعار أحد المنتجات زي
( اللحمة _ الفراخ _ الطماطم............وغيرهم كتير )

غير يا ريس ومش تشتريها خالص
هيجي واحد يقولي يا عم دي سلع أساسيه يعني مش ينفع أستغني عنها
لا تقدر يا حبيبي اللحمة مش رئيسيه ولا حاجه الفراخ كذلك

أما الطماطم هات صلصلة يا ريس وبلاش منها  والله أنا سمعت  ربه بيت في حوار في الشارع مع أحدي البرامج بتقولنا انا مش بطبخ الأكل اللي فيه طماطم ولأني ماليش في الطبخ بس أتصرف وقاطع .............................

والحكومة عماله تقولكم إقتصاد مفتوح لأ يا راجل وأنا أقول الطراوه دي جايه منين
وعرض وطلب والحوارات دي والشعب بيصدق


كده بقه مش مخلي في نفسك حاجه وعرفتك يعني ايه العرض والطلب

أما الاقتصاد المفتوح بإختصار يعني فتح باب الصادرات والواردات علي مصرعيه يعني صدر واستورد اللي انت صدرته تاني

ههههههههه ده في مصر بس

ما علينا عرفتوا بقه اما تلاقوا سعر زاد ولا حاجه تعملوا ايه
قاطع علي طوووووول من غير تفكير


فالمقاطعة هي الحل أخي و أختي و أمي وأبي

ساعتها هيحصل تراجع عند المنتجين لأننا كلنا اما نقاطع ساعتها مخزونه من المنتج ده سيزيد في السوق وبالتالي هيكن معرض للتلف
وخصوصا لو كان من السلع القابلة للتلف وأيضا سريعه التلف زي الطماطم من الجو
ساعتها هيفكر ألف مره من أنه يزيد أسعار او حاجه
إذا القرار في أيدي وأيدك

قاااااااااااااااااااااااااااااطع

وأنا والله اللحمة بعتبرها من المحرمات وما بتدخل بيتي غير من العيد للعيد وهكذا الفراخ فين وفين أما بسمح ليهم في البيت يشتروا
باريت كلنا نستفاد من الموضوع ده ونطبقه
إن شاء الله إنتظروا الموضوع القادم عن التسعيرة لجبريه اللي إقترحوها علي الوزير بخصوص إرتفاع الأسعار


المقاطعه هي الحل


محمود السيد
ناشط إيجابي

تابع القراءة

0 شعب صحي الصبح قال عايز اتغير‏

 

سأقص عليكم مشكله لا تختلف عن مشكلتنا الحالية من حيث الظروف وكل شئ
شعب كان يعاني من مشاكل كثيره من فساد ومن تكدس ومن تدهور في كل شئ

اولا نحدد المشاكل التي كانت تواجهه هذه الدولة :
1- ضعف موارد الطبيعية.
2-عدم وجود كفاءات وقدرات بشريه.
3-ظروف الاحتلال الياباني.
4-ظروف حرب الإنقسامات للتي تعرض لها البلاد
علي ما أظن لا يوجد إختلاف بينا
إلا في حاله الإحتلال

وأيضا كانت هذه الدولة دوله متخلفه ذات كثافة سكانيه عاليه تعاني من ندره راس المال وتعاني من مشاكل جرب انقسامات بالاضافة الي الاحتلال الياباني لها بعد زورا الاحتلال بدأ التفكير في تنميه البلاد ..........

وكان الطريق الي ذلك هو :

التأكيد علي مفهوم حتميه التغير بمعني ضرورة تغير الاوضاع الحالية إلي الاحسن

أي ان كانت هناك العزيمة موجوده في الشعب

إلي الأن لا نختلف في شئ عن التجربة المصرية

فنحن كشعب مصر العزيمة موجوده وكلنا نحتاج إلي هذا التغير

وأيضا ان من مشاكل التغير في الدول النامية ان يقابلها معارضه من السكان ولكن في هذه التجربة كان يقابل موافقه من السكان علي حتميه التغير وعدم مقاومته وإرتكزت علي:

ضرورة نشر التعليم وانتشاره بين القاعدة العريضة من الأفراد والتأكد علي ان التعليم هو مفتاح التقدم

نلاحظ هنا أن الاختلاف بدأ يظهر في شئ سأوضحه ولكن أرجوا ان تكون اكتشفته

إهتمت هذه التجربة ايضا بالتعليم الفني والانفتاح الاقتصادي ودعوه الي الاستئمار الاجنبي في البلاد وإقامة المصانع فيها بالمستثمر الاجنبي

وقد تحققت هذه الاهداف

تعرفوا لماذا لأن التغير كان ليس فقط حلم الشعب وحده إنا حلم الحكومة

نعم حلم الحكومة ولكن الحكومة الكورية وليست المصرية

هذه تجربه كوريا الجنوبية لسنه 1950

وأصبحت كوريا ألان من أقوي الدولة الصناعية في العالم

وكان دور الحكومة هو :

1-تعديل السياسة الاقتصادية بحيث تأخذ اسلوب انفتاح اقتصادي
2-تطوير مستويات التعليم بحيث تتماشي مع التغير الحاصل.
3-اعلان سياسه قوميه للدوله بخصوص التعليم والانتاج.
4-قامت بوضع خطط للتنميه الاقتصادية والاجتماعية.


يعني التغير في وجهه نظري يساوي

50% رغبه شعب + 50% رغبه حكومة
إن لم تكن رغبه إحداهما أكتر من الاخري

نتمني ان نستفيد من هذه التجربة اللتي لا تختلف عنا شئ الا في الحكومة اللي ان شاء الله سنغيرها قريبا

............................

محمود السيد

ناشط إيجابي

تابع القراءة

0 اياك تقول عايز أأكل عيالي واالحل وانا مالي

ما اتقولش انا مالي
انا عايز أأكل عيالي
ماهما ان مأكلوش
هيموتي زي عيالي
يوم ما قولت انا مالي
ضيعت حق عيالي
اه يا عيالي


-----------------

ياريتهم موجودين
وفي الزمان عايشين
بياخدوا بأيدهم
لقمتهم الهنيه
بألف هنيه يا وليه
العيال جعانين

ومن الهم شاربين
ده جهد كبير عليهم
في طابور العيش راميهم
من مبارح بالليل ناسيهم   
اصل الطابور كبير و
ياما في الطابور مساكين
بايتين ومضروبين
وفي الاخر برغيفين طالعين

وبتقول انا مالي

-----------------

والمياه ملوثه
بالمجاري مشهيصه
والطعم مالوا مثيل
والريحة زي الفل

لسه بتقول انا مالي

الاراضي بتتباع
والوزير تباع
تعرفوا لحساب مين البياع
للواد التباع

بتقول انا مالي
-----------------
الحوادث منتطوره
عي السكك مأفوره
والجثث اشلاء
والسليم اهه فاق
في الانعاش بيقول
يارتني كنت اشلاء 
-----------------

من الاهمال في المستشفيات
والممرضات نايمات
والقذاره هناك
اصلها ببلاش
والحساب مجاني
وكلهم انا مالي

هااااااااااااااه لسه بتقول انا مالي

محمود السيد

تابع القراءة

0 حواري مع صوت الحق....................

يا صوت الحق ليه ساكت ونايم
يا صوت الحق مكفياك نهب وتكاتك
واخدها من مكان لمكان
والظلم أهه قام وخلا الكل ثابت
مكفياك أجدادنا ضاعوا 

مش بس باعوا

القضية من زمان 

بس بقه ارحمنا ودافع
عن ظلم في احضانا رعرع وطال
من خوف لخوف ضاجع

--------------------------
يا شبابنا صح صح وفوق
صوت الحق ماله دفوع 

تحركه طول ما انت بايع
ليه تبيع وتوافق

علي التطبيع طول ما الحل

في أيدك وممانع
يا شبابي وبن بلدي وبن جيلي
خد بيدي ووقف اللي ضايع
من سلبيه وخوف لفقر

ودفوع تخلينا نقول 

للظلم لا والف لا

--------------------------

قوم يا ابويه

قوم يا خالي 

قوم يا عمي
انتوا السبب في الخوف

كفياك
تقضيها يا بني هو انا مالي
زمانا في أيدنا نخليه احلا زمان
بس محتاجين مشاركه 

بين جيلين
جيلك وجيلي
لأما هيبقي 

امتدادك وامتدادي للظلم طاطي
وساعتها هنقول علي الدنيا السلام


مستني مشاركه الجيلين

محمود السيد

ناشط إيجابي

تابع القراءة