0 محمود السيـــــد يكتب : شرح مبســط لفشــل جعل العمله الرسميـــه لقناه السويس بالجنيــــه المصري

إنتشرت في الفترات السابقه مطالب بجعل العمله الرسميـــه لقناه السويس بالجنيــه المصري مفكرين يعني أن ده هيرفع من قيمه الجنيه المصري ....!! إزاي يعني ( من وجهه نظرهم ) 


إن الطلب علي الجنيه هيزيد من خلال السفن الماره يعني بالعربي الفصيح كل ما تجي سفينه تعدي من قناه السويس يقوللها هاتي أرجعي إشتري الجنيه المصري وبالتالي حسب نظريه العرض والطلب ... الإقبال علي الجنيه المصري هيزيد فالبتالي يرتفع قيمته مقابل العملات الأخري .!!


أولا لعمليه مش بالبساطه دي ليه بقه ..... علشان تخلي الجنيه المصري من العملات المتداوله في العالم زي اليوروا والدولار والين لابد أن يحصل تصويت من قبل أعضاء صندوق النقد الدولي واللي درس صندوق النقد الدولي هيعرف أن دول الكبار المسيطره عليه نتيجه حصصهم الكبيره وهما ( أمريكا _ أنجلترا_ فرنسا _ روسيا ...............(


وبالتالي التصويت مش هيكون لصالح الجنيه المصري دي أول الطرق القانونيه وبدليل هو احنا مهما فتحنا ومهما كان الإقبال علي قناه السويس هل هيكون زي الإقبال علي العمله الصينيه مثلا !!


يعني مثلا دلوقتي هو في حد ما بيشتغلش في الصيني ..... ده بيقولوا فيه فلوس صيني يعني لو كده كان زمان العمله الصينيه اللي والله ما أعرفها ايه ... تحولت لعمله قوميـــه  ودي مسببه مشاكل مستمره بينها وبين أمريـــكا وصندوق النقد وكل مره يجيبوا الحاج صميده علشان يفصل بينهم ولكن انتوا عارفين أمريكا دايما سايقه دور الأب الناصح  :)




ثانيا :طيب مبروك علينا التصويت نجح وأصبح الجنيه هو عمله رسميه وكل اللي هيعدي من قناه السويس هيدفع العمله الرسميه المصريه الجنيـــــــــــــــــــــه


تفتكروا المفروض أفرح ولا ايه .... دي مصيبه عارفين ليه


صلوا بينا علي النبي دلوقتي الناس بتيجي تعدي من علي قناه السويس يقوم يبصلهم الحاج محمد بكل كبر وتعالي روح يا خواجه إشتري الجنيه المصري وتعالا أعديــــك !!


ممتاز ولكن دلوقتي رصيدنا من العمله الصعبـــه هيكون ايه مصيره أما يكون أكبر الموارد اللي بتدخل العمله الصعبه لينا بنحولها للجنيه المصري ؟


يا سيدي اياكش تولع عمله صعبه ايه يا أستاذ بقولك الطلب علي الجنيه المصري هيزيد انت ايه قذافي !!
هو يقصد يقولك انت غبي :)




طيب يا حاج محمد دلوقتي فيه حاجه اسمها القاعده النقديه ... يعني مثلا الدهب قاعدته النقديه الدولار والبترول اليوروا تقريبا 


يعني علشان تشتري الدهب لازم يكون معاك دولار وعلشان تشتري بترول لازم يكون معاك يرووا


طيب يا عم الأستاذ انا مش هلبس الوليه بتاعتي دهب ومش فارق معايه !! المهم الجنيه سعره يسمع ويبقي عليه الطلب


طيب دلوقتي يا حاج محمد الدولار يعتبر من العملات الرسميه في العالم وفقا للصندوق الدولي يعني علشان تشتري اي حاجه لازم عمله صعبه فهمت بقه يا ريس !


أها طيب وايه المشكله يا سي الأستاذ ما تروح تشتري هو انا حايشك !!


أيوه كده بقه هو ده الخيط التاني يا حاج في حاله تطبيق الجنيه المصري العمله الرسميه لقناه السويس ده هيقلل ومن مخزونك من العمله الصعبه لأن قناه السويس كانت من أهم مصادر الدخل في العمله الصعبه فهمت ؟


وأما تحب تجيب عمله صعبه تشتري بيها وارداتك لابد أن تقع تحت طيله مكاتب الإستثمار وتجاره العمله في شراء العملات الصعبه ويديولك بالسعر اللي علي مزاج أبوهم لأن ما فيش عليهم رقابه في تحديد الأسعار لأن الحاجه دي وفقا للعرض والطلب وانتي معاليك في دوله مستورده وليس مصدره فالبتالي هيكون الإقبال علي شراء الدولاور عالي قوي وبالتالي سعره يزيد ...


يبقي بالعربي كده اللي هتكسبه من فرق بيع الجنيه المصري هتخسره في شراء الدولار


وكده في النهايه معاك السبيبن الأساسين والمهم في فشل تطبيق العمله الرسميه لقناه السويس بالجنيه المصري


الأول : التصويت في الصندوق مش هيكون لصالح الجنيه المصري وأنه يصبح عمله رسميه في التداول
الثاني : إحتياجك للعمله الصعبه وبالتالي هتخسر كتير قوي من شراءك الدولار من التجار زي ما وضحت من قبل .


وبعدين يا حج هو حد عاقل يقفل باب رزق جايله وبيجب ليه عمله صعبه برده :)



رأي د.حازم الببلاوي
مستشار صندوق النقد العربي في أبوظبي
نائب رئيس الوزراء ووزير الماليه في حكومه شرف

ولذلك، فإن الاقتراح بدفع الرسوم بالجنيه المصرى لا يحقق الفائدة المدعى بها لأنه لن يزيد من الحصيلة الإجمالية للعملات الأجنبية، بل وقد تترتب عليه أضرار على الاقتصاد برفع تكلفة الدولار على الدولة لتمويل ما تستورده الدولة من مواد تموينية أو أساسية. وهو أيضا أسلوب غير عملى قد يتطلب زيادة الرسوم بشكل مستمر لحماية لقيمة العائدات عند انخفاض قيمة الجنيه. وأخيرا فإنه قد تسهل من عمليات هروب رءوس الأموال إلى الخارج. فهو بذلك اقتراح غير مفيد وغير عملى ويمكن أن يكون ضارا. والله أعلم.


ده مقال للدكتور حازم ماذا يحدث لو.. جعلنا رسوم المرور فى قناة السويس بالجنيه المصرى




محمــــــود السيــــــــــد


رئيس رابطه مصابي ثوره 25 يناير
01511765984

تابع القراءة

0 كشف بأسماء المصابين الذين لم يتسلموا الشيكــات

كشف بأسماء المصابين الذين لم يتسلموا الشيكــات بمحافظه القاهره ( مرحله أولي )

( 2 )

( 3 )

( 4 )

( 5 )

كشف بأسماء المصابين الذين لم يتسلموا الشيكــات في محافظه الجيزه


( 1 )
 

( 2 )

تحديـــث:

انت مصاب او تعرف مصاب أدخل هنـــــــــــا

دي صفحه لمصابي الثوره للتواصل دووس هنــــــــــــــــا 

 سؤال وجواب في ذهن كل مصاب  هنـــــــــــــــا

جدول شيكات المصابين في المحافظات هنـــــــا 

للتواصل مع المنسقيــن في المحافظات 

مؤسس الرابطه ( منسق المنصوره ) محمود السيــد            01511765984


منسق إسكندريه   أحمـــد السيـــــد                                    0174014597       

منسق دميـــــاط    إيهاب الغباشي                                     0118211103  


منسق بورسعيـــد   حسين موسي                                           0125527817         


منسق البحيـــره  و دمنهور    علي محمد                             0162170444   

ملحوظه : 


بالنسبــه لباقي المحافظات التي لم يتم إختيار منسقين إلي الأن أو عقد إجتماعات يمكنكم التواصل مع مؤسس ورئيس الرابطه محمود السيد لحل مشاكلكم وإستفسراتكم 

 

مع تحيات رابطه مصابي ثوره  25 يناير 

01511765984

تابع القراءة

0 جداول صرف شيكات مصابي الثوره للمحافظات غدا ... أرجوا النشــــر

إستكمال صرف شيكات مصابي الثوره في المحافظات التاليــــه : غدا 

الجدول الأول :

 ( الإسكندريــه -  السويــس )

علي جميع المصابين في محافظات الإسكندريه والسويـــس اللي مصرفوش النهارده معاهم فرصه غدا بإذن الله يصرفوا لأن الجمعه والسبت هيكونوا أجازه .........

--------------------------------------------------------------

إبتداء من الغد بإذن الله بتاريخ 11/8/2011 سيتم صرف شيكات مصابي الثوره .... في جميع محافظات مصر في الأماكن التاليه :

الجدول الثاني :

( الغربيه -  المنوفيه - كفر الشيخ - البحيره - الدقهليـــه - الشرقيـــه ) 

الجدول الثالث :

( دميـاط - بورسعيد - الإسماعيليه - شمال سيناء - الفيوم - بني سويف - المنيـا - أسيوط  - الوادي الجديد - سوهاج - قنا - الأقصر

 

الجدول الرابع :

( البحر الأحمر - أسوان )

إن شاء الله غدا بتاريخ 11 سيتم صرف الشكيات لمصابي الثوره في المحافظات السابق ذكرها في الجدول الثاني فعلي جميع المصابين سرعه التوجهه في المواعيد المحدده في الأماكن المحدده لصرف المستحقات .................

للتواصل مع المنسقيــن في المحافظات 

مؤسس الرابطه ( منسق المنصوره ) محمود السيــد            01511765984


منسق إسكندريه   أحمـــد السيـــــد                                    0174014597       

منسق دميـــــاط    إيهاب الغباشي                                     0118211103  


منسق بورسعيـــد   حسين موسي                                     0125527817         






ملحوظه : 


بالنسبــه لباقي المحافظات التي لم يتم إختيار منسقين إلي الأن أو عقد إجتماعات يمكنكم التواصل مع مؤسس ورئيس الرابطه محمود السيد لحل مشاكلكم وإستفسراتكم 

مع تحيات رابطه مصابي ثوره  25 يناير 

01511765984

تحديـــــــــث 

انت مصاب او تعرف مصاب أدخل هنـــــــــــا

دي صفحه لمصابي الثوره للتواصل دووس هنــــــــــــــــا 

 سؤال وجواب في ذهن كل مصاب  هنـــــــــــــــا

تابع القراءة

0 أخي الناشط أختي الناشطه ............................. خنقتوا ميتين أبــونــا

أخي الناشط إختي الناشطه خنقتوا ميتين أبونا قريبا هيكون شعار من الشعب المصري الغلبان اللي لحد دلوقتي سياتدكم مش عارفين تقريبا أنهم إلي الأن هم الفئه الأكبر صاحبه التضحيه والفئه الأكبر اللتي لم تستفيد من الثوره إلي الأن .


منذ نجاح الثوره وفئه ليست بقليله من الشعب البسيط بدأت في كره الثوره وليس لكونهم محبين لسياده المخلوع أو أولاد جنابه أو سفيره أحلامه إنما لأن مصالحهم تعطلت من كثره البلطجه اللي من الطبيعي تظهر في حاله إنسحاب الشرطه وأيضا غلاء الأسعار اللي كل يوم بيزيد بسبب كثره الطلب وقله المعروض من المنتجات .. 

يا ولاد السكر بقه ب 6 جنيه و كيلوا الرز ب 6.30 . وغيره من أسعار السلع الأساسيه اللي بتزيد .

ده  أصحاب البيوت يقولك احنا بعد الثوره لا للفساد وأرفعوا الإيجارات وتقولوا أيه العلاقه !!

لازم نتحرك ونشعر الناس بتواجدنا وبطل شغل الفاضين ده والبطاله بنظام اللي يصحي الصبح بدري يعملوا جمعه وللأسف اللي في الميدان بيكون معظمهم جاي يلقي نظره علي اللي بيحصل ويشارك فيه يعني مش سيادتك اللي داعيــه ..


وأنقرضتوا يوم جمعه الإسلامين وشعرتوا بأنكم نقطه في فضاء وإعلنتم الإنسحاب بدون ظهور ولا عتاب .

نزلتوا يوم العباسيه ومات من مات وإصيب من أصيب وده ليسوا في رقبه صاحب الفتنه وهو من عمل علي الوقيعه بين أهالي العباسيه وبين النشطاء وإنما لداعي اليوم لأنه يعلم أنه توجد فتنه في إنتظاره . 


وطلعتوا وقولتوا البلطجيــه اعتدوا علينا إنما اللي اعتدوا عليكم هم أهالي المنطقه ولو حتي كان فيهم بلطجيــه فكانوا من المنطقه بنظام أحمي منطقتك ..


أخي الناشط إختي الناشطه أراكم دائما تسعون لدور المضحي دائما ودور الضعيف ودور المحب ودور الفدائي ودور الخفيف :)

التدوينه دي مش بهاجم بيها الناشط أو الناشطه ولكن بنقل ليهم صوت الفئه الصامته الكبيره الغلابه اللي بتقابلني كتير وبشوفها زي زيكم والناس التعبانه قوي وبدأت تكفر بالثوره فقط من أجل الجوع لأن ثمارها لم يحصدهاغير فئه معينه .


كفاكم مظاهرات تقتل يوميا شبابنا وزهور وعطر المجتمع وتحدث فتنه في النهايه بين فئات الشعب ولأول مره أري المصري يصارع المصري .

بأي ذنب قتل هذا الشاب وفي رقبه ميــن ؟؟

قتل في مظاهره الخاطئه من البدايه التي قامه بها أحد النشطاء وسار إلي المجلس العسكري من العباسيه وكان أحد ضحاياها هذا الشاب وأصيب في رأسه من حجر طوب أسقط من أعلي المنازل وأصيب بنزيف في المخ .


أرجوكم أعيدوا النظر في تصرفاتكم وأنظروا فيما بينكم ستجدوا من يروج لحزبه ولحركته و لأهداف يحملها تحت كيان أو منظمه ولا يعلوا عليها رايه بلاده ..


لا أشكك في وطنيتكم ولا في حبكم لبلدكم ولكن نريد أفعال علي ذلك فإلي الأن ما نراه ما هي غير مراهقات سياسيه لا تقدم ولا تأخر وتسليط علي الأخطاء بدون تقديم حلول من باب حب الظهور فقط وأعلموا جيدا أن الفئه الصامته والأغلبيه وهي من أبناء الشعب المصري أصحاب التضحيات صاحبت النصيب الأكبر كما وضحت لكم من قبل بدأت تجيب أخرها .


وأن خرجوا في مسيره جياع من أرتفاع الأسعار وتردي الأحوال وحاله البلبله وعدم الإستقرار فأعتقد ما فيش راجل هيقدر يقف أماهم لأنه ساعتها هيكون مش عاقل هيحطن . 

لأن الغل في الصدور أقوي من أي سلاح والإنتقام وسيله قويه جدا جدا جدا فأحذروا .


وأتمني أن أري مليونيه تدعوا لتطبيق مشروع ممر مصر للتمنيه بتاع د.الباز

أومليونيه لدعم الإنتاج أو مليونيه لدعم سوق الإنتاج أو مليونيه لدعم مدينه زويل للعلم

أو مليونيه لدعم علاج المصابين اللي مترمين إلي الأن

أو مليونيه لدعم المنتج المصري أو مليونيه لدعم السياحه أو غيييييييييييييييييييييييييييييييييييره من المليونيات اللي بيعود عائدها علي جموع الشعب ويحسوا فعلا أنكم عايزين تخدمدوا البلد .


وكفاكم مليونيات سياسيه لا تعود بنفع غير علي فئه بسيطه جدا جدا من الشعب .


وبالنسبه لمسيــــره 10 رمضان / يوم نصر أكتوبر .... مسيره ستفقد الأقليـــه ( النشطاء والنخبـه ) تعاطف الأغلبيــه ( الشعب المصري .


لأنه ليس من الطبيعي أن أخرج في يوم كرامه مش هقول الجيش يا سيدي والمجلس العسكري والكلام اللي بيضايق معاليك ده يوم نصره وكرامه الفلاحين والعمال يوم إنتصارهم علي إسرائيل تجي سيادتك تخرج تنكد علينا في اليوم ده ؟؟

دي تبقي أيه بقه ؟؟؟


كفاكم دكتاوريه في الأراء كفاكم إنتهاز والمتاجره بدم الشهداء والمصابين أنا مصاب لم يفعل لي شئ حتي اللي بيسموا نفسهم ثوار ونشطاء كلهم تجار علي أرواح الشهداء والمصابين .


في النهايه كلنا مش نازلين يوم 10 رمضان هنفضل في البيت نشوف الأغاني الحلوه اللي تفرحنا بالنصر ونفرح فيه وفي العدو .
عايز تعمل مسيره سميها إحتفاليه ينزل معاك في كل الشعب وروح حي الجيش وأديله تعظيم سلام


وكفايه تفرقه وتقسيم في أبناء الشعب تعالوا علي ترابيزه واحده ونتكلم حب مبارك زي ما انت عايز وانا هطلب بمحاكمه مبارك زي ما انا عايز وفي النهايه كلنا هنثق في القضاء .

بقه الثوره اتعملت علشان اشوف أبناء الشعب كده !!!!

وكمان دي ماسكه طوبه علشان تحدف بيها مصري أو مصريه زيها !!

كله كوم والصوره دي كوم تاني أم الشهيد بتنضرب من أنصار مبارك لعنه الله علي الظالمين :(

ليه نشوف الشعب المصري منقسم كده عايزين نبني عراق جديده ولا ايه  !!

كفايه فلفسه علي الشعب وكفايه بقه ديكتاتوريه في الأراء وكفايه وقيعه بين أبناء الشعب وكفايه تحريض علي الجيش وكفايه وكفايه 

عايزن شوف أفعال علي أرض الواقع تدعوا لحب أبناء الشعب وتدعوا للإجتماع علي مائده واحده ..

وأعلموا جيدا أن رد فعل الجيش وبأكد مش المجلس العسكري يوم 10 رمضان في المسيره دي هيكون قاسي جدا جدا جدا جدا والشعب ساعتها مش هيتعاطف معاكم ومش بعيد ينزلوا يقبضوا عليكم معاهم في الشوارع والميادين 

كفايه نكد اللهي يصلح حالكم كلنا بنحب الوطن ....

وأعملوا من أجل بناء البلاد وليس من أجل الحديث عن الماضي .. فكم حكومه تغيرت وكم مسؤل تغير وما زلنا كما نحن لن نتغير 

في إنتظار هجومكم قصدي تعليقاتكم :(

تابع القراءة

0 إليــكم راحــــــــــه البال .....أفادكم الله

من يعرفني جيدا ويعلم مبادئي وأهدافي في نشر التوعيــه يتذكر تدوينه لي من حوالي سنه عن تجربه كوريا الجنوبيه وتحدثت أنذاك عن ظروف دوله لا تختلف عن ظروفنا من حيث الكثافه السكانيه ونقص الموارد وإنتشار الفساد و... غيره من المشاكل التي تقف 
أمام عجله التنميه ...

ولكن قرر الشعب أن يصبح شئ وتوحد مع الحكومه لتصبح تجربه كوريا الجنوبيه كما نشاهدا الأن ...

لذلك الشعب المصري الأن يمر بعاصفه نفسيه لم يشدها من قبل بفئاته المختلفه 

الأولي : الثوار وزعلانين من تأخر مطالب الثوره إلي الأن

الثانيه : أنا أسف يا ريس حزينه من محاكمه أبوهم مبارك !

الثالثه : الإسلامين يخشون من تأثير العلميانين والليبرالين علي هويه مصر الإسلاميه 

الرابعه : الناس الغلابه زهقانه ومستنيه تحصد نتيجه الثوره ....

الخامسه : أصحاب المصالح الخاصه والمحلات اللي الثوره عطلت البيع والشراء عليهم ..

السادسه : أسر الشهداء والمصابين في إنتظار محاكمات عادله ..


والجميع يمر بعاصفه نفسيه لا يسبق لها مثيل والتشكيك والتخوين أصبح عاده وربما يتحول لعباده قريبا !!


لو رجعلنا بظهرنا للوراء من إندلاع الثوره من حواللي 6 شهور إلي الأن فتره مرت بمراحل عديده من تغير حكومات ووزراء ومحافظين ما بين ما لاقي القبول وأخرين لاقوا الرفض .......


لذلك إليكم راحه البال فعلينا جميعا أن نعمل ونجتهد لأن لو قولنا الثوره لم تنجح بعد فده مش سببه بس عدم تنفيذ مطالب الثوره اللي بتتأخر في التحقيق ولكن أيضا لأن فئه كبيره من الشعب المصري إلي الأن ما زالت علي العادات القديمه وهي الإستغلال والسلبيه وغيره من ما تم إرثه من نظام إستمر 30 عام .

فالأن أعتقد كما قال الفريق سامي عنان اليوم وبالأمس إنتظروا ثوره جياع لو إستمر الأمر في ذلك ..لأن فئه الغلابه لسه ما شافتش حاجه من الثوره غير للأسف الجانب المظلم منها واللي هو طبيعي يعني قله الإنتاج وزياده المطلوب وقله المعروض وبالتالي الأسعار تزيد !!!!!!!!!! فالناس دي خلقها قرب يضيق ..


وبالنسبه لميدان التحرير بالأمس وفضه ....بعد إعلان حوالي 30 حركه وحزب سياسي تعليق الإعتصام لإعطاء فرصه للعسكر الكام يوم والحكومه في شهر رمضان وتشوف ايه اللي هيتم وكمان لو ما حصلش نرج تاني التحرير ..


دخل الجيش فضه بطريقه كلنا نختلف عليها ونرفضها ولكن الغريب في المشهدأن أصحاب المحالات كبروا وهللوا وأهالي المنطقه وده منشور في جميع الفيدوهات .. للأسف الثوار للي تحولوا لدكتاتورين رفضوا الكلام ده وبدأوا في التخوين ..


يعمني انا كنت في التحرير أول إمبارح وكنت بشتري فعلا من أحدي الفرش والمحالات حاجات فبتكلم معاه البياعين وأصحاب المحالات ايه رايك في الإعتصام وأكيد عاملك حركه وشغل !!!!!!!!
قالي يا عم ربنا يخلصنا منهم الحركه واقفه وياريت يجوا يمشوهم مش عارفين نبيع ولا نشتري ولا نأكل البيت !!


هما دول الفئه الغلابه للي نخشاها ونعلم جيدا إن لو خرجت ثوره جياع وقتها مش هتلاقي 20 مليون زي ما خرجنا هتلاقي 50 -60 مليون أقل حاجه لأني حوالي 3/4 الشعب المصري دخله أقلي من 2 دولار يوميا وتحت خط الفقر ما يقرب من 40 % ..


لذلك لابد من التعقل والعمل لأن الجميع الأن أصبح يخشي الحديث في مثل هذه الأمور ولكن يخشي من التخوين وأصبح للأسف كل من تحاوره إذا إختلفت معه يخونك ويثور عليك ..


لذلك فتحضرني مقوله لي

ما دمنــا لا نحترم أراء أغلبيتنا لن نحــافظ علي أراء وحقوق أقليتنـا ................ 

ولابد من إظهار دور الشعب وتغير عاداته وتقاليده فالأن تغيرت الحكومه والوزرات وسقط النظام إن لم يسقط بالكامل ولكن ما زال الشعب مستمر في عاداته المورثه .

نعلم أنها تركه ثقيله الوزن ولكن لابد من التخلص منها في إسرع وقت للإذدهار بحال البلاد وإنجاح الثوره

أتمني لكم ولنا راحه البال

تابع القراءة

4 ثوره 25 يناير ثوره البلطجيـــــه والحراميـــه

25 يناير لم تكن ثوره شباب ثائر ضد نظام فاسد إنما كانت ثوره شباب عاطل فاضي هايف ضد نظام بني مصر علي مدار 30 عام وعالج وأعطي كل ما يملك فداءا للوطن ولشعبها .........

وكانت مطالب هذا الشباب الفاضي الثائر في بدايه الثوره النظر لهم ولأوضاعهم وإسقاط وزير التعذيب العادلي ولكن تجاهل النظام المنشغل بإصلاح حال البلاد ولم يعطي لهم بال مما جعل نهايته علي أيدي هؤلاء الثوار البلطجيــه وونتيجه للتعنت في الظهور والتجاوب مع هؤلاء البلطجيه صعد سقف المطالب إلي :

• إسقاط النظام بالكامل .
• رفع مستويات المعيشه من خلال الحد الأدني للأجور .
• محاسبه ومحاكمه الفاسدين والقتله اللي قتلوا لبلطجيه .
• القضاء علي الفساد المتفشي في المجالس المحليه من خلال حلها .
• توقف وإنهاء حاله التلاعب بالإقتصاد المصري من خلال شويه مراهقين رجال أعمال ومحاكمتهم .
• محاكمه قتله الثوار والمصابين وكل من تم تعذبيه في السجون المصريه علي أيدي جنود العادلي .

وغيره كتير من مطالب الفئويه للعيال البلطجيـــه دي اللي خرجوا لإسقاط أسيادهم و النظام للي بينام يحلم براحه شعبه .

قبل ما تتنرفز وتاخد نفسك أكثر من مره لتتحامل علي نفسك وتشوف أخره كلامي  التيت ده ايه نعالها نحسبها ونشوف هل هي كانت فعلا ثوره بلطجيه ولا ثوره ثوار شرفاء :؟

بعد نجاح ثوره 25 يناير تم تهريب إلي خارج البلاد اللألاف من سبائك الدهب ومنها ما تم القبض عليه قبل تهريبه إلي خارج
تم الإفراج عن مساجين والبلطجيه وإلي الأن هم طلقاء يسيروا الرعب والإنفلات الأمني بين أفراد الشعب بأوامر من وزير الداخليه السابق العادلي والذي تم تكمله المسيره بعده وأطلق المساجين الجنائين والمعلومه دي حصلت عليها من وكيل نيابه .

تم نقل محلات الإقامه للفاسدين إلي أماكن أخري هذا ما جنته الثوره .

تم إهمال الشهداء والمصابين بعد حوالي 100 يوم من نجاح الثوره ولم يعالج مصاب إلي الأن علي نفقه الدوله او صرف تعويضات لهم إلا بعد عناء وإثاره الموضوع في الإعلام وإظهار حالات تم إنشاء جميعه للمصابين برقم 607 ولم يتكلم عنها الإعلام إلي الأن ربنا يسهل ويتكلموا :)

إرتفاع رواتب من قتلوا الثوار من أبناء الداخليه القتله وترقيتهم !!!!!!!!

ها لسه بتقول عليها ثوره شرفاء دي عامله زي المولد وصاحبه غايب .
من جني ثمار الثوره هم البلطجيه والحراميه المستغلين للبلاد وأحوالها

إلي الأن لم تتحق مطالب الثوره الشرعيه الحقيقه ولأبنائها وشهداءها ومصابين المجد

تحديث :

ده موضوعي من يومين ولكن طبعا ما تم حفظ محضري من يومين ضد عصام شرف لتجاهله ملف المصابين وضد رئيس مصلحه الطب الشرعي لعدم الأهميــــــــــــــــــــــــــــــه !!!!!!!!!!!!!!!!

هو فيه أهميه أكثر من مصابين الثوره والشهداء

تم اليوم إخلاء سبيل المتهمين بتعجيزي وتعجيز مصابين المنصوره وقتل الثوار يبقي ثوره بلطجيه ولا لأ ؟؟؟؟؟؟؟؟

تابع القراءة

0 معــــادله البرادعي

شعب إيجابي + حكومه وطنيه أو ( مناضل وطني ) = تحقيق تنميه إجتماعيــه قوميــه

هي دي معادله تطوير حال أي بلد ناميه مورادها شبه منعدمه فيها كثافه سكانيه قله الإستثمارات الأجنبيه وكذلك الوطنيه 

لذلك سأجمع لكم بحث مصغر بين تجربتين جمعت بين أطراف المعادله السابقه بحيث ضمنت أحداهما الشعب الإيجابي بنسبه أكبر من الأخري والثانيه ضمنت مناضل وليس حكومه ...............

إذا إلي الأن لم أري أمام عيني من تجربه تنميه جمعت طرفي المعادله السابقه ولكن ما زالت مصر هي أم الدنيا وصاحبت الإبداعات الجديده والمنفرده .....

 أولا تجربه كوريا الجنوبيه في الخمسينيات وبالتحديد 1950 كانت تعاني من مشاكل عديده : 

• 1- ضعف موارد الطبيعية.
  2- عدم وجود كفاءات وقدرات بشريه.
  3- ظروف الاحتلال الياباني.
  4- ظروف حرب الإنقسامات للتي تعرض لها البلاد .

  ورغم تلك المشاكل التي واجهت البلاد في ذالك الوقت كان الشعب الكوري يملك رغبه في التغيروالنهوض بحال البلاد إلي الأقوم و الأفضل من خلال التأكيد علي مفهوم حتميه التغير بمعني ضرورة تغير الاوضاع الحالية إلي الاحسن .

  وأكملت الحكومه الطرف الثاني من المعادله ولكن لم تكن بالصوره الكبيره المرجوه في ذاك الوقت فكانت الرغبه موجوده بالفعل لدي الحكومه الكوريه في التغير وتضامنت مع الرغبه الموجوده لدي الشعب وكونا طرف المعادله وحققا النجاح الباهر الملحوظ في مكانه كوريا العالميــه .

  وكان دور الحكومة هو :
  
  1- تعديل السياسة الاقتصادية بحيث تأخذ اسلوب انفتاح اقتصادي
  2- تطوير مستويات التعليم بحيث تتماشي مع التغير الحاصل.
  3- اعلان سياسه قوميه للدوله بخصوص التعليم والانتاج.
  4- قامت بوضع خطط للتنميه الاقتصادية والاجتماعية.
  

 _________________________________________________  ( 1 )

وبكده تتحق المعادله في تحقيق التنميه الإجتماعيه القوميـه لو كانت الحكومه موجوده وده الإثبات رقم ( 1 )

طيب هل يمكن لمناضل وطني يحرك الساكن ويكون ليه دور في تحقيق التنميه القوميه ده أكيـــــــــــــد وبالتجارب .

كان فيه مناضل ثوري وطني أسمه مهاتما غاندي وهو هندي سافر إلي بريطانيا لدراسه القانون عام 1882 وعاش بعيدا عن الهند موطنه الأساسي 8 سنوات وعاد ولكن خيبه الأمل لأنه فوجئ ليس للمحاماه مستقبل في بلاده ......................

لذلك قرر لسفر إلي جنوب أفريقيا ليجد معيشة له وفقا لما درس وعرف وسافر عام 1893 ليعمل أن ذاك مدافعا عن حقوق الزراع والضعفاء ...............

وكان صاحب علم المقاومه السلميه ومن صورها العصيان المدني والمقاطعه والقبول بالسجن وعدم الخوف واللاعنف أيضا في سياسته لا تعني السلبيه ولكن حفاظا علي أمن البلاد .

وكان إستخدامه للعلم ذلك دفاعا عن المستضعفين من الهنود تجاه المستعمرات البريطانيه ...

وأيضا من ضمن مهامه إعاده الثقه للجاليه الهنديه في الخارج ...وتأسيس حزب أيضا للإهتمام بالعامل الهندي .

عاد إلي الهند عام 1915 ولم يسلم من القيل والقال والتشكيك في وطنيته والطعن في مصداقيته ونضاله الوطني وبعد تقسيم الهند إلي الهنود والأقليه المسلمه ناد وطالب بضروره إحترام الأقليه المسلمه وكان ذلك سببا لوفاته بطلق متشدد هندي عام 1948 عن عمرا يناهز 79 ................

وكذلك المناضل المهاتير محمد الماليزي الذي جعل من ماليزيا جنه ونهض بحالها فهو أيضا سافر إلي الخارج لدراسه الطب في إحدي الجامعات الأمريكيه الشهيره هارفرد تقريبا .

نحن ألان أمام تجربه مشابها تمام لد. البرادعي الذي عاد إلي مصر في فبراير الماضي وكانت جميع مواقفه السياسيه لا تختلف عن المهاتما غاندي وكذلك نال قسطا من التشكيك في وطنيته وشرفه أيضا ..............

_________________________________________________________ ( 2 )

إذا نحن أمام إثبات رياضي بحت من ( 1) و ( 2 ) نصل إلي أن مصر الأن بحاجه ملحه لشخص في حجم د.برادعي للخروج والنهضه بالبلاد بإذن الله وتحقيق طرفي المعادله السابقه لتحقيق تنميه إجتماعيه قوميه

وستكون المعادله كالتالي  :

الشعب المصري الإيجابي + د. البرادعي = تنميه إقتصاديه وإجتماعيه قوميه 

ملحوظه : 

لقراءه تجربه كوريا الجنوبيا بإستفاضه هنـــــــــــا

والإستفاده من تجربه ماليزيا هنـــــــــــــا

التعرف علي مهاتير محمد هنــــــــــا

تابع القراءة

2 مهاتير محمد نجاح بلا حدود

رئيس وزراء ماليزيا السابق ومن أعظم القادة السياسيين والاقتصاديين في آسيا، استطاع تغيير وجه ماليزيا وتمكن من أن ينهض بها تنموياً ويجعلها في مصاف الدول الاقتصادية المتقدمة، حيث تمكن من الانتقال بها من مجرد دولة زراعية تعتمد على تصدير السلع البسيطة إلى دولة صناعية متقدمة، فأصبح الفكر التنموي للزعيم الماليزي مهاتير محمد مثلاً يحتذي به العديد من القادة والسياسيين والاقتصاديين في جميع أنحاء العالم.

ولد مهاتير محمد في ديسمبر عام 1925م بولاية كيداه بماليزيا، وتلقى دراسته بكلية السلطان عبد الحميد، ثم درس الطب بكلية " المالاي " بسنغافورة والتي كانت تعرف بكلية الملك إدوارد السابع الطبية، وقام بدراسة الشؤون الدولية بجامعة هارفارد بالولايات المتحدة الأمريكية عام 1967م.

حياته العملية

قام السيد مهاتير بعد تخرجه بالعمل بالطب في عيادته الخاصة والتي كان يقوم بعلاج الفقراء بها مجاناً، كما عمل كضابط طبيب بسلاح الخدمات الطبية، عرف مهاتير باتجاهاته السياسية، فعرف بانتمائه لتنظيم اتحاد الملايو حيث تدرج فيه من عضو المجلس الأعلى لتنظيم اتحاد الملايو الوطني، ثم نائب رئيس له، ثم بعد ذلك رئيس له عام 1981، شغل عدد من المناصب منها: عين مندوب ماليزيا بالأمم المتحدة 1963، عضو برلمان منتخب عن منطقة كوتا سيتار، عضو مجلس الشيوخ، عضو برلمان منتخب عن منطقة كوبانج باسو، رئيس مجلس التعليم العالي الأول ورئيس مجلس الجامعة الوطنية في السبعينات، ثم وزيراً للتربية والتعليم من عام 1974 حتى 1981، نائب رئيس الوزراء ووزير التجارة والصناعة، رئيس الوزراء ووزير الشؤون الداخلية 1981 .

مهاتير محمد رئيساً للوزراء

ولى مهاتير محمد رئاسة الوزراء عام 1981م، حيث وصلت ماليزيا في عهده إلى ذروة مجدها وارتفع نصيب دخل الفرد فيها ارتفاعاً كبيراً، كما تم تقليص حجم البطالة فيها بشكل ملحوظ ، استطاع من خلال منصبه أن يتجه بالبلاد نحو نهضة اقتصادية عالية حيث حقق نسب عالية جدا في معدل النمو الاقتصادي للبلاد، ورسم الخطط بحيث تصبح بلاده بحلول عام 2020 بلد على درجة عالية من التقدم الصناعي . 
 

اعتمد مهاتير في فكره للتقدم بالبلاد على ركائز أساسية ويعد أولها بل في مقدمتها الوحدة بين فئات الشعب حيث إن سكان ماليزيا ينقسموا إلى السكان الأصليين وهم المالايا ويمثلون أكثر من نصف سكان ماليزيا، وقسم آخر من الصينيين والهنود وأقليات أخرى، وأيضاً توجد الديانة الأساسية وهي الإسلام بالإضافة للديانات الأخرى مثل البوذية والهندوسية "ولقد نص الدستور الماليزي على أن الدين الرسمي للدولة هو الإسلام مع ضمان الحقوق الدينية للأقليات الدينية الأخرى "،  لذلك لزم التوحد بين جميع الأطراف لتسير البلاد كلها من أجل الاتجاه نحو هدف واحد والعمل وفق منظومة تتكاتف فيها جميع الفئات، والركيزة الثانية في خطة التنمية تمثلت في البحث عن دولة مناسبة تقوم بعملية الدعم لماليزيا في تجربتها نحو التقدم والتنمية وكانت هذه الدولة هي اليابان التي أصبحت من أكبر حلفاء ماليزيا في مشروعها نحو التنمية والتقدم، وثالثاًُ العمل على جذب الاستثمار نحو ماليزيا وتوجيه الأنظار إليها، كما قام مهاتيربإدخال التكنولوجيا الحديثة والتدريب عليها حتى يتم الانتقال بالبلاد سريعاً إلى مرحلة أخرى أكثر تقدماً وأيضاً لتحقيق إمكانيات التواصل مع العالم الخارجي.    

الفكر التنموي لمهاتير

تبنى مهاتير محمد المنهج التنموي ودفع بالمالايا نحو النهضة التنموية من خلال توفير مستويات عالية من التعليم والتكنولوجيا لهم، كما دفع بهم لتعلم اللغة الإنجليزية، وقام بإرسال البعثات التعليمية للخارج وتواصل مع الجامعات الأجنبية، حاول بكل جهده في إطار سياسته الاقتصادية بتجهيز المواطن الماليزي بكافة الوسائل العلمية والتكنولوجية لكي يستطيع الانفتاح والتواصل مع العالم الخارجي والتعرف على الثقافات المختلفة، ثم بعد ذلك الدفع به إلى سوق العمل من أجل زيادة الإنتاج وخفض مستوى البطالة بين أفراد الشعب، حيث كان يهدف لتفعيل الجزء الأكبر من المجتمع الأمر الذي يعود على ارتفاع مستوى التنمية الاقتصادية للبلاد في نهاية الأمر، واستطاع أن يحول ماليزيا من دولة زراعية يعتمد اقتصادها على تصدير السلع الزراعية والمواد الأولية البسيطة مثل المطاط والقصدير وغيرها إلى دولة صناعية متقدمة، حيث شارك القطاع الصناعي والخدمي في اقتصادها بنسبة 90 %، وأصبحت معظم السيارات التي توجد بها صناعة ماليزية خالصة، وزاد نصيب دخل الفرد زيادة ملحوظة فأصبحت واحدة من أنجح الدول الصناعية في جنوب آسيا، كما أدى هذا التحول إلى تقوية المركز المالي للدولة ككل.

وأصبحت تجربة ماليزيا في النهضة الصناعية التي قامت بها تحت رعاية مهاتير محمد مثل تحتذي به الدول، ومادة للدراسة من قبل الاقتصاديين.

 

تعرض الزعيم الماليزي مهاتير محمد للعديد من الانتقادات على مدار حياته السياسية حيث وصفه البعض  بالديكتاتور ولكن جاء قرار استقالته وهو في قمة مجده لينسف هذا المعتقد حيث لم يستأثر بالحكم على الرغم من النجاح الساحق الذي حققه أثناء حكمه للبلاد، وظل مثيراً للجدل من قبل الغرب نظراً لتصريحاته اللاذعة الشديدة اللهجة دائماً.

وكانت أكثر هذه التصريحات جرأة وإثارة لغضب الغرب تلك التي كانت في القمة الإسلامية التي عقدت في ماليزيا حيث انتقد اليهود بشدة في كلمته التي ألقاها حيث أشار لسيطرتهم على القرار الدولي وقيامهم بإشعال نيران الحرب ضد المسلمين.

 

مؤلفات له وعنه

قام مهاتير محمد بتأليف كتاب " معضلة الملايو" عام 1970م، وهو الكتاب الذي أثار ضجة وقام فيه بانتقاد الشعب المالاوي واتهمه بالكسل ودعا فيه الشعب لثورة صناعية تنقل ماليزيا من إطار الدول الزراعية المتخلفة إلى دولة ذات نهضة اقتصادية عالية، ولقد تم منع الكتاب من قبل منظمة المالايو القومية المتحدة ولكنه استطاع أن يتجاوز هذا وبدأ يظهر كشخصية سياسية لها فكر مختلف حتى وصل لرئاسة الوزراء عام 1981م.

كما قام بتأليف عدد آخر من الكتب منها كتاب " صوت ماليزيا"، و"صوت آسيا – زعيمان أسيويان يناقشان أمور القرن المقبل" هذا الكتاب الذي قام بالمشاركة بتأليفه مع السياسي الياباني شينتارو اشيهار.

وقد قام عدد من المؤلفين والكتاب بتناول حياة الزعيم الماليزي مهاتير محمد والتجربة الماليزية سواء في مقالتهم أو كتبهم نذكر منهم الكاتب والصحفي الفلسطيني الدكتور عبد الرحيم عبد الواحد والذي قام بتأليف كتاب عنوانه " مهاتير محمد .. عاقل في زمن الجنون " حيث يستعرض فيه التجربة الماليزية والظروف التي عاشتها وكيفية تغلبها على الأزمات التي واجهتها، كما ركز في الكتاب على شخصية مهاتير محمد وفلسفته ورؤيته الاقتصادية والسياسية والإسلامية خلال فترة رئاسته للوزراء. 

 

اعتزال الحياة السياسية

قرر الزعيم الماليزي الانسحاب من السلطة وهو في قمة مجده بعد أن استطاع نقل البلاد إلى مرحلة جديدة متقدمة من النهضة الاقتصادية، وبعد قيامه برئاسة الوزراء لمدة 22عاماً، وكان زعيم حزب الأغلبية في البرلمان الماليزي، فقد قرر اعتزال الحياة السياسية عام 2003 بعد أن أثبت للعالم إمكانية قيام دولة إسلامية بالنهوض اقتصادياً بالاعتماد على شعبها والوحدة والتآلف بين جميع أفراده بمختلف ديانتهم وأعراقهم، قام مهاتير محمد بتسليم مقاليد البلاد لخليفته عبد الله أحمد بدوي وهو في قمة نجاحه، وأصبح بعد ذلك الرجل الاقتصادي الحكيم والذي يعد منهجه السياسي والتنموي مرجع للعديد من السياسيين والقادة في بلاده وفي جميع أنحاء العالم .

تابع القراءة

0 باركولي قررت أفتح مشروعي المنتظر" محل الإئتلاف للإستيراد والتصدير " .

كل شاب فينا بيكون عندوا حلم إما وظيفه حكوميه مرموقه مشهوره في الدوله أو في قطاع خاص يتقدم ليه نفس الحقوق في القطاع العام من تأمين وميزات خاصه تانيه أفضل أو أنه يسافر للخارج دوله عربيه أو أجنبيه وفي النهايه لو كل ده ما حصلش بيبدأ بقه يسلم للواقع ومش يحبط ويفتح مشروع علي قده كده صغيره وربنا بيكرمه بعد كده بقه بزباين تكبره ليه ويكبر المشروع وبقه ومين عارف بيقولوا بتاع شركه toshiba كان بيبيع إمشاط علي الكبري وشوفوا بقه عامل إزاي دلوقت ...

المهم أخدكم معايه بقه في مشروعي المنتظر من زمان بقه ومستني الفرصه اللي تخليني أقدر أفتحه وأضمن له مكسب مضمون يعني أشوف كده السوق أيه نظامه شبعان من الطلب ولا عايز كمان فيه فجوه تسويقيه الحاجات دي يا عم أمال فكركم ايه انا مدقق وفاهم في كل حاجه ومتربص للفرصه دي من زمان.

بعد الصلاه علي النبي كده جت الفرصه العظيمه دي وفيه طلب والناس عطشانه قوي للإئتلاف قولت بس هو ده بقه مشروع حياتي فقررت إفتح المحل بقه وأتشهر وأطلع في كل حته كده ويطلعلي إعلانات وصورتي بقه في كل الجرايد والمواقع وأعيش بقه ...........

وتوكلت علي الله فتحت المشورع أعوذ بالله إزاي أذكر إسم ربنا في النصب ده قصدي في المشروع ده يعني وأكل عيش وأأكل الصبيه اللي معايه في المشروع أمال فكركم أيه يعني هو المشروع ده هيفتح بيتي انا بس بالعكس هيفتح بيوت كتير يا جدعان.

المهم بقه بعد ما الموضوع سخن والمشروع كبر وبقه فيه زباين كتير وشغيله بقه قررت أفتح له مقرات في كل محافظه زي كتنانكي ده ولا اسمه ايه اللي بياكلوا منه العيال بتوع ميدان التحرير وفتحت في كل محافظات مصر ومراكزها كمان والعمليه زي القشطه والمكاسب نازله تلف بقه تبرعات و تطوعات وشغل عال العال بقه وتكيفيات ومكاتب وإشي مقابلات في التلفزيونات و الجرايد

وسي الأستاذ صاحب محلات الإئتلاف راح وسي الإستاذ صاحب محل الإئتلاف جه وإشي بيانات بخصوص الإطعمه الفاسده الملفقه لينا و تجاهل الزبون اللي عملت علشانه محلات الإئتلاف في كل مكان ومحافظه وقال أيه بيقولك الزباين اللي في المحاظات أياها اللي كانت إتسممت قبل كده من محلات البعده ما عملناش ليهم معاملات خاصه في الأسعار وقال أيه بيقولك ليهم مطالب ومش بنسأل فيهم ......

والله أنا بتكلم مع مسؤلي المحلات في المحافظات أيه الحكايه قالولي  الرد اللي في الفيديوا ده

خلاص بصراحه ما ليش كلمه بقه أصل الغنائم بتاع محلات الإئتلاف كتيره قوي وبصراحه انا هكبر مخي انا كمان والعمليه بقت لوز كده و أخذنا مقر في الوزاره علشان نتابع الزباين اللي عايزه حاجه وبكده نبقي ضربنا عصفورين بحجر الظاهر قدام الناس إننا بنساعد الزباين بتوعنا في المحلات في كل محافظه والحاجه التانيه هو فيه حد هيجيلنا برده مقر رئاسه الوزاره ويسيبوه برده يا راجل كبر مخك......

وأتمني في النهايه تكون سلسله محلات الإئتلاف للإستيراد والتصدير عجباكم وإنتظروا فروعنا في القري قريبا

في الحقيقه دي كانت رساله مني انا مش من صاحب الإئتلاف دي رساله مني أنا زبون من الزباين للمحل وأعتقد صوتي ورسالتي مفهومه واللبيب بالإشاره يفهم .


محمود السيد 

مصاب من مصابي ثوره 25 يناير المشردين

تابع القراءة

8 فيديو خطير جدا عن فتنة إمبابة لازم تسمعوه

دي رساله هامه جدا بخصوص الفتنه وخصوص ملف المصابين اللي الله أعلم مش عارفين هيروح علي فين وكمان رساله للإئتلاف الثورجي الحلو أبو عيون جريئه ونخلص منه بقه 
أسمعوه وشيروووووووووووووووه وسمعوووووووووني واتحفوني بتعليقاتكم .........

الرساله دي مني أنا ليكم يا شعبي يا حبيبي يا بن الحلال 

تابع القراءة