0 الحلقه السابــعه : يوميات سرحان

إعتذار واجب النشر :

قبل البدء في الحلقه السابعه من يوميات سرحان أشكر كل المتابعين المنتظرين للحلقات الجديده وأعلن إعتذاري عن توقفي عن الإستمرار في كتابه حلقات جديده لظروف خارجه عن إرادتي .

حيث توقفت عن الكتابه عن حلقات جديده منذ 3 مارس 2012  الماضي أي قبل سفري لألمانيا لإستكمال العلاج من إصابتي في ثوره يناير .

وذلك لأني عدت إلي مصر منذ أيام أخذت قسط من الراحه وبدأت بإذن لله في الكتابه مره أخري .



الحلقه السابعه : 


كالعاده يبدأ يوما ليس بجديد في حياه سرحان ففي بدايه يومه يبدأ بصلاه الصبح كعاده المصريين ويتناول الإفطار ومن ثم يخرج لعمله مره أخري .

سرحان لأول مره يخرج ليجد يوما ليس بجديد كالعاده يتراوح ما بين مواصلاته للذهاب للعمل أو الإستماع لحديث الأطفال والنساء والرجال في الاتوبيس ما بين طالب وموظف وأم و عامل يشكوا هموم الدنيا بعضهم بعض قبل البدء في العمل ومن ثم يسير منطقه ثم يصل لمكان عمله المتغيير وفقا لطبيعه عمله في مستلزمات البناء فدائما تتغير مع تغير الزبون !!

أي صاحب البنايه مكان العمل الجديد الذي يبدأ يومه أمامه وينتهي به أن يعود إلي العمل وكما يظهر لمتابعي اليوميات فهو يومه محصور في أشياء تكرر وليس بجديد .


ولكن اليوم بدا له شئ بجديد لم يكن متعودا ليراه فوجد تأخير ملحوظ في وقت الأتوبيس رقم " 105 " الذي يعتاد به للذهاب يوميا للعمل أو إلي أقرب مكان للعمل .

وهنا بدأ في إستماع ما يستمعه يوميا أثناء طريقه للعمل من بين طلاب وأبناء وأباء وعمال وموظفين ولكن هذه المره ليست بداخل الإتوبيس في أثناء السير بهم كالمعتاد إنما بدأ في الإستماع في محطه الاتوبيس .

وكان الحوار اليوم أيضا جديد ليس فقط في تغير المكان المعتاد الإستماع فيه لمثل هذه الموضوعات إنما بدأ في سماع لهجه جديده بين جميع الفئات فكان في الأيام الماضيه يستمع لكل فئه وعمرها . فكان الطالب والتلميذ يكرر يومه في المدرسه أو الجامعه او موقف له حدث بالفعل في الفصل او الكليه أو الجامعه .

الموظف والموظفه والعامل بالتأكيد يشكوا من ضيق الحياه وتعامل صاحب العمل الذي يذداد إستعباد لهم ويقتص من قوت يومهم ويمص في دمائهم وبالتأكيد كانت هذه أقرب لحكايات لقلبه لأنه مثله مثلهم عامل فنسي أنه طالبا لكثره مخالطته بالعمال والموظفين وقليل جدا ما يختلص بالتلاميذ زملائه .

الشعب كله الأن بجميع فئاته يتحدثوا في السياسه وعلي المرأي والمسمع وفي الشارع !! كان هذا صعب جدا الحدوث ولكن في تسلسل الأحداث كانت قد حدثت إحتجاجات في الشوارع علي النظام الحاكم التي أدت في النهايه لسقوطه و نقلت السلطه إلي الجيش للتحكم في الأمور لحين إنتداب رئيس شعبي بالإقتراع و مجالس النيابيه والإنتخابيه 

لم تكن المفاجأه لديه سماعه لأطفال وتلاميذ في مراحل مبكره جدا للحديث عن السياسه والحديث بمثل هذه اللغه التي من الواضح أكبر بكثير من سنونهم ولكنه لإيمانه بهذا الشعب المقهور المظلوم وإمكانياته لم يفاجأ إنما فوجئ للحديث في العلن وفي الشوارع عن ديكتاتور وظلمه بدون خوف .

هنا بدأت مرحله جديده تسلم فيها الجيش قلاده الامور الجميع فرح وهلل لها وأستقبل نزول الجيش وتسلم المناطق المدنيه بالحب والزهور .

بعد تأخر لموعد الأتوبيس قرابه 15 دقيقه وصل وتحرك بهم ليبدأ طريقه المعتاد للذهاب للعمل ولكن أيضا لم يكل كمثل كل يوم !!

أنتظروا الحلقه القادمه لمعرفه المزيد 


تحياتي 

                                                                                                                                      

محمود السيد 

الحلقات السابقه :

مقدمه يوميات سرحان

الحلقه الأولي 

الحلقه الثانيــه

الحلقه الثالثه 

الحلقه الرابعه

الحلقه الخامسه

الحلقه السادسه 

تابع القراءة

3 الحلقه السادســـه : يوميــات سرحان

في نهايه يومه الملئ بالأحداث ما بين العمل والمذاكره ومساعده إخوته احيانا في ما يصعب عليهم ومتابعه اخبار الدنيا ومشاهده برامج التوك شو بيكون يومه ملئ بالتعب والإرهاق .


حان وأقترب وقت النوم والراحه لبدء يوم جديد أشبه بسابقه مع بعض الأحداث الجديده , أعتاد علي دخول غرفته قبل موعد نومه بساعه أو ساعتين أحيانا إن أتيح له ذلك ما بين التصفح والقراءه والأطلاع علي بعض أمهات الكتب في العلوم المختلفه ما بين التنميه البشريه وعلم النفس والعلموم الأخري المشوقه والمسليه .


ولكن كان لا يستمتع أو بمعني أكثر دقه لا يستفيد بكثيــر من قراءه كتب التنميه البشريه !! موقف غريب فكيف لشخص لا يستفاد من قراءه هذه الكتب الرائعه فكل سطر فيه بمعلومه بل كل كلمه فيه بمغزي .


فيه عباره بتقولك فاقد الشئ لا يعطيه يعني فاقد الإحساس مثلا مهما تضرب فيه مش هيجيب معاه نتيجه هو أصلا مش بيحس !!


فطبيعي مكتسب الشئ من الطبيعي ليه مش يكون متفاجئ من قراءه مثلا معلومه تقوله أن العمل الجماعي هو سبب نجاح أي مشروع لأنه من الطبيعي يعمل ذلك عمليا فكانت حياه سرحان رغم حرمانه من فتره شبابه وعدم تفرغه للدراسته وبالعربي يعني مش عايش سنه زي صحابه إلا انه كان بيستفيد ويتعلم من خبرات عمله .


فطبيعي له ما يقراه في علوم التنميه البشريه كان ينفذه تلقائيا في حياته العمليه لأن في الأصل والأساس كاتبوا هذه العلوم يستحونها ليس من خيالهم إنمما من تجاربهم ولكم في ذلك عبره  للدكتوره الراحل إبراهيم الفقي فكيف تحول من عامل في أحدي الفنادق في كندا إلي مديرها ثم إلي أحد أكبر خبراء التنميــه البشريه .


وكان يغوص أيضا في بعض الكتب الدينيه الثابته في العقيده مثل كتاب الأصول الثلاثه وغيرهم من الاساسيه في شرع الله ويختم بأيات من كتاب الله ليكون اخر ما قرأه لسانه وسمعته إذنه هي ايات الله الكريم وبعض من أذكار المساء ويستلقي علي ظهره وينام لا يشعر من كثر يومه الشاق وتنتهي طقوس سرحان قبل نومه


نلقاكم ف الحلقات القادمه 

محمود السيد 

الحلقات السابقه :

مقدمه يوميات سرحان

الحلقه الأولي 

الحلقه الثانيــه

الحلقه الثالثه 

الحلقه الرابعه

الحلقه الخامسه

تابع القراءة

1 محمود السيد يكتب : الثلاثه يشتغلوننـا

دعونا نتذكر سويا عندما قامت الثوره وتسلسلت أحداثها واحده تلو الأخري ..... فرحنا جميعا بالبيان رقم 1 للمجلس العسكري بدون القائد العسكري لهم مبارك أن ذاك وقولنا كده بالفم المليان يا فرج النبي معقول ده إنقلاب عسكري !! ويومها قال عمر سليمان نائب مبارك وقتها أن الحل هو إنقلاب عسكري القادم والأقرب كل ده ما كنش بيعدي علينا كده بالساهل وركبناهم علي بعض ووصلنا ان خلاص مبارك نهايته قربت كده !!

ويوم التنحي 11 فبراير يوم ما يتنسيش طبعا وسلم السلطه للمجلس العسكري والجيش ووقتها قولتنا الرجاله معانا من البدايه ونزلت الدبابات واتصورنا جمبها وفرحنا إلي أن كشر الذئب عن أنيابه وتحول من أخ حميم صديق ووالد رحيم إلي أم مفترسه تأكل أبنائها !!

من فض الإعتصام في شهر مارس والقبض علي ظباط إبريل مع الإختلاف معهم ومع تصرفهم وكذلك أحداث ماسبيروا ومجلس الوزراء وشارع محمد محمود وده كنت بنفسي شاهد عليه ودونته هنا في المدونه بالصور والفيديوهات وبدا الإحباط ينتشر ويسود هل إنقلب العسكر علينا ولبسونا اللامؤاخذه الخاذوق وضحكوا علينا وطبقوا المثل اللي بيقول يا مأمن للعسكر ع الثوره يا مأمن للحاجه علي المصروف !!

ومش ننسا جميعا طبعا مشاورات العسكري وديموقراطيه اللي بتتم في القوانين وعرضها والإستفتاء طبعا بينفذوها بحذافيرها بس بين بعضيهم والشعب عليه ينفذ فقط وعملوا إستفتاء مارس وقسمونا إثنين ولبسونا ف الحيط وف الأخر طبقوا اللي عايزينه !!

الماده 28 المصيبه اللي مش عايزين يغيروها دي اللي بتقول أن إنتخابات الرئاسه غير قابله للطعن فيها انتوا ليه خايفين !! مش تقلقوا مرتضي منصور مش هيترشح انا عارف هو تاعبكم علشان خلفيته في الطعون في نادي الزمالك الراجل خلاص اكتفي بخساره البرلمان :)) 

والنهارده المجلس بيختلف وعايز يعمل إستفتاء عليه شعبي طيب هتقولوا ايه المره دي المسلم يقول نعم والكافر يقول لأ والمجلس يطبق كالعاده اللي هو عايزه !!

والسجون العسكريه اللي حطوا فيه 17 ألف عسكري ومازلوا مستمرين لولا الضغوط عليهم يعني ف الاخر المجلس العسكري طلع بيشتغلنا وهو اصلا من جواه مش معترف بالثوره الظاهر كده وانا عن نفسي الفجري من خلال تعامل أصدقائي المقربين والموثوق فيهم حضروا اللقاءات يقولوا أن لغته ليس بها إعتراف بالثوره من الموظيف في صندوق المصابين تخلي عن وظيفتها بسبب هذا الشخص علي حد وصفه انا عن نفسي لم اتعامل معه ورفضت إجتماع تم مبادرته من مكتبه بعد أزمه محمد محمود ولكن لم اهتم .


نيجي بقه ع البلوه الثانيه اللي فقت مرارتنا كل يوم ورا الثاني وهو مجلس الشعب اللي كان املنا عليه عالي وقولنا خلاص مجلش الشعب هيأدب العسكري ويعرفه يقف عند حده وجه سياده النائب أكرم الشاعر يدعوا للقصاص من قتله الشهداء وإز بهم بعد ذلك يقولوا ما فيش خرطوش ويطلع رئيس المجلس ييقولك بلغني وزير الداخليه انهم ما ضروبوش خرطوش !!!

ما هو لازم حد يموتلكم او يتقتل ويتصاب علشان تعرفوا ان الله حق زي شهاده الأخ المحترم محمد الهلباوي اللي ماسك حمله ابو اسماعيل في اسكندريه فاكرين تعليقه علي البنت المسحوله الشريفه اللي حذائها برقاب الجميع وأول ما اخته اتخطفت قال انا اسف حسيت وجربت وعيشت اللحظات

واليوم أري مجلس الشعب يقول أن الأدب الإنجليزي قد يكون دخيل علينا من الخارج من أجل ترك أصولنا ويطالبوا بإلغاء تدريسه كلغه ثانيه

ومن قبل راي بعض الأعضاء الموقرين ان أن الثوار بياخدوا ترامدول ووجبتين !! ما هو اللي انا اعرفه انا الرجاله في الشارع وسايبين الجماعه في البيت :))

ما علينا يا عم الحاج دول اللي ماسكين البلد دلوقتي خلينا ننافقهم شويه وناكل عيش ف البلد دي :)

وطلع مجلس الشعب فشنك وبيشتغلنا هو كمان في واقع والناس في واقع اخر وهيخلوا الناس اللي بنتحايل عليهم يامنوا بالثوره لأنهم ناس غلابه وإلي الأن مش شايفين من الثور غير فواتير بتتدفع علي قفاهم هيكرهوا ويطلعوا يقولوا إحنا أسفين يا مبارك :(

كده طلع مجلس العسكري والشعب بيشتغلونا تفتكروا بقه مين الثالث اللي بيشتغلنا !!! مستني تعليقاتكم ونقاشكم في الطرف الثالث اللي كلنا عايزين نعرفه :))

تابع القراءة

0 إنسحاب موفق د.برداعي

عندما أستقبلت شباب الحريه د.برادعي في العام القبل الماضي ف فبراير تحديدا تدفق حوله الكثير مما تعلقوا بأخر قشه لإنهاء جبروت وحكم مبارك وكان يدعونا لذلك الكثير من الأسباب ومنها أن د.برادعي شخصيه دوليه لا يجرأ النظام السابق علي المساس به كما فعلوا من قبل ب د.أيمن نور وغيره من المعارضين الشرفاء الذين حملوا علي عاتقهم قضيه الوطن .


وألتف حوله الكثير من الأفكار منهم من هو شيوعي ومنهم من هو إسلامي ومنهم من هو ليبرالي ومنهم من هو بسيط ينادي الحريه وليس له مطامع أخري  .


وبدأت التصريحات بأن النزول سيكون مره واحده للشارع تنهي فيه نظام مبارك وأعوانه وبالفعل كانت أرداه قويه من شبب جيلي لا يعرف معني للهزيمه وقدمنا الكثير للوطن أنذاك ولم ترهبنا دوله لعواجيز ولا دوله الظلم بأصواتها الشريره المنبثقه من مدافعها فاليوم مبارك وأعوانه ف السجن والبقيته تأتي بإذن الله ولكن دعوني أعلق لكم ع إنسحاب د.برادعي ولمأ أراه إنسحاب موفق


وذلك لعده أسباب :

• بعد نتيجه الإنتخابات البرلمانيه وإكتساح قوي للإسلامين .

• أن الرئيس اقادم سيكون إما ذو شعبيه كبيره ف الشارع أو مدعوم من الإسلامين الأكثر تنظيم وتواجد ف الشارع وهاذين السببين لا يتمتع بهم د.برادعي فالأول يتحمل نسبه كبيره منه فشل حملته وإنقسامات كثيره داخلها والثاني أنه من المستحيل أن يدعم الإسلامين د.برادعي .

• إنضمام الكثير من المشوهين للحريه والليبراليه إلي حمله البرادعي فمجرد المناده بالبرداعي رئيس فهذا يضره أكثر ما يفيده أمثال العاهره علياء المهدي وغيره من الشذوذين والمنادين بهذا الفكر لذلك أري في حملته النسبه الكبيره من فشل البرادعي ف التواجد بين الناس وأتساع شعبيته .

• بلال فضل : البرادعي انسحب لأنه سياسي محنك لو كان يدرك أن فرص نجاحه ضخمة لما انسحب. بلاش نغالط بعض. ده مش قرار ثوري.ده قرار سياسي صح :) .

 وف النهايه الثوره ليست مملوك لشخص بعينه أو جماعه بعينها إنما هي ملك للشعب والشباب بأكمله .


فدخول البرادعي معترك الإنتخابات السياسيه لا تحزنوا سيكون نفس مصير توفيق عكاشه ف النهايه لم يحظي بأصوات عديده وسيكون ورقه غير رابحه لذك أتفق مع بلال فضل ف وصفه لقرار البرادعي بقرار سياسي وليس قرار ثوري .. وفق الله لجميع وولي من أصلح

تابع القراءة

3 الثوره تنهار بييد ثوارها !!!

هو فيه أيه يا شباب لم تعد تتظاهر وتتفاخر بكونك ثائر من ثوار 25 يناير إلي أن تنهال عليك السباب والألفاظ يا من خربتوا البلاد يا من سرقتوا البلاد يا من قسمتوا الشرطه يا من هجمتوا علي الأقسام  ..... وفي النهايه أدي الثوار وأدي الثورجيه وأدي اللي أخدناه من الثوره !!!

وكأنك كنت عايش في باريس أو كندا أو أمريكا و غيرها من الدول المتقدمه !!

هذه عبارات نسمعها جميعا يوميا بل كل ساعه بل كل لحظه عندما يكتشفك الأخرون بأنك من شباب 25 اللي شاركوا في إنهاء نظام فاشل سرق الكثير من البلاد ونهب خيراتها وأهلها وسرطن الغذاء وقتل الأطفال بالأميه التي نشرها من خلال خروجهم مجبرين من مدارسهم لمساعده أسرهم علي إستحمال مشاق الحياه والتكاليف الذائده وغيرها من هموم لحياه اليوميه التي نمر بها جميـعا .


ما بتسألش نفسك سؤال وتقول هو في أيه !! .. الناس دي كانت إمبارح لسه فرحانين بالثوره أول ما نجحت بإسقاط أول أقطاب النظام السابق أيه للي حصل لده كله .

هل فعلا كرهنا الناس ف الثوره زي ما بيقولوا ؟
هل فعلا الثوره تغيرت مساراتها من أهداف عامه إلي أهداف خاصه ؟
هل فعلا سيطرت ع الثوره جماعات أو أحزاب لم تكن من الأساس مشاكرين فيها أو داعمه لها من البدايه ؟


كل هذه الأفكار والأسأله تدور ف رأسك وتحتاج إلي إجابه .....

إليكم بعض النقاط الهامه ف هذه المسأله .

• يجب علي الثوار وأبناء الشعب المخلصين المشاركين ف الثوره من البدايه العمل علي توعيه الناس بجو الثوارت !!يعني يفهموا إن ما يحدث الأن من تعطل بعض الإنتاج و إرتفاع بعض الأسعار راجع إلي بعض الإنتهازين من أبناء النظام السابق مازالوا مسيطرين ع بعض المنشأات الحيويه والسيطره عليها من جانب شرفاء يحتاج لدعم من أفراد الشعب .

•  يجب علينا أيضا توعيـــه أفراد الشعب بمخاطر ما يسموا بالفلول القائمين ع الثوره المضاده وهم أصحاب هذه الإشاعات من إنفلات أمن ومش هتلاقي تاكل بكره والعجله واقفه !!.

• يجب علينا تقبل الحوار بصدر رحب دون النرفزه أو التعصب وتمالك أعصابك فأكسب تعاطف من حولك ودعمهم لقضيتك خيرا من أن تكون صاحب قضيه وتخسر الأخرين دي نقطه هامه ف نجاح كثير من الحوارات .

•  يجب علينا أيضا تصحيح مسار الثوره من مطالب سياسيه بحته إلي مطالب شعبيه أو إعاده التوازن بينهما .

• يجب علي الحاكم ( مجلس العسكري ) أيضا تسليم السلطه ف أقرب وقت لرئيس مدني يجتمع عليه الشعب من خلال صندوق إنتخابات .

•  يجب علي الأحزاب تفعيل المصلحه العامه علي المصلحه الخاصه من كراسي وزاريه أو برلمانيه تنهي بالبلاد ف فتنه .

فيجب علينا جميعا أن نعمل سويه علي عدم إجهاض الثوره ولكن هذه المره سيجهضها من قاموا بها فلا تستغرب أم تلاقي حد من اللي كان ثائر معاك بالأمس هو من يختلف معك اليوم .. الموضوع وكل ما فيه هو أن الحكايه أن صاحبك مرض بالفرجه علي التلفزيون المصري !!!

يعني كل العصبيه دي وتكتم ف نفسك وتسأله انت شوفت ده فين يقولك التلفزيون المصري :((( بتبقي عايز تقوم تلكمله بس ده بيني وبينك أوعي تقوم تعمل كده ... الموضوع محتاج حنكه إداره حوار لصالحك .

يعني علي سبيل المثال : 

اليوم كنت ف زياره أحد مدرسين كليتي ف المنصوره وكان يوجد حوار حول أحداث محمد محمود وإعتداء الأمن وما شابه ذلك في التحرير فكان لي لشرف أني اعتصمت معاهم أيام بسيطه  ولكن تواجدت يوميا بإستمرار ف الميدان وعيشت الأحداث لحظه بلحظه منذ إندلاعها وقلت بها شهادتي هنــــا ولكن هذا الدكتور كانوا من المؤيدين للثوره من قبل قيامها ولا أشكك ف وطنيته وحبه لمصر وحرصه عليها ولكن عندما وجدت منه حده ف النقاش سألاته أنت بتشوف الكلام ده فين ف التلفزيون المصري !!!

قالي أه .... هنا بقه كان لابد من التوضيح بالصور والشهاده الصحيحه بصفتي واحد ممن حضروا الأحداث وغالبها ووضحت ليه ان المصابين دول بتوع محمد محمود معظمهم أطباء وصيادله وده حقيقي روح وشوف القصر العيني الفرنساوي وبدأت ف تغير المسار اللي واخده عن شباب ورجال محمد محمود ..

هل التحرير يتواجد فيه بلطجيــه !!! أيوه ليه لأ انت تحت ايدك 50 ألف واقفين أزاي تقعد تسيطر عليهم أكيد لأ ولكن بيطهر الميدان أول بأول

في النهايه شايف الشفره ف إداره هذه المعركه الجداليه هي فن الحوار وإنك توصل ليه المعلومه الصحيحه ونخشي ف النهايه أن تنهار الثوره علي يد ثوارها .


التوعيـــــــــــــــــــــــه هي الحـــل .

الصفحه الرسميه محمود السيد 

 الحسابي الشخصي ع الفيس بوك

 

تابع القراءة

0 لا لخلــط الجيــش بالمجلـس

عندما تجدني بكل قسوه وعنف أوجهه النقد اللزيع شديد اللهجه للمشير حسين طنطاوي لأنه فاجأنا يوم تخريج دفعه جديده من أكاديميه الشرطه وكان أول ظهور له أنهم جميعا أجمعوا علي عدم إطلاق رصاصه واحده تجاه الشعب المصري يعني بالعربي كده بيقولك أحنا حمينا الثوره والثوار من القمع والهتك بيهم زي ما عمل فيهم العادلي وجنوده الله ياخدهم .


وإذ فجأه يطلع علينا بعد شهادته ف محاكمه مبارك بأنه لم تصدر لهم أي أوامر بضرب المتظاهرين من مبارك أو غيره !!!


المشير المشير بيرد علي المشير الشاهد !!! وفجأه ظهر فيديوا ليه في الأكاديميه وقتها أنه قال كده ولكن كان يزاع لأول مره !!


وعندما يتهاون المشير في محاكمه عادله لقتله الشهداء ومصابي ثوره 25 يناير ولا نريد أخد العاطل ف الباطل ومحاكمات ثوريه بل نريد محاكمات عادله وفقا للدلائل والشهادات الموجوده بدون الضغط ع اي طرف .


عندما يتهاون أيضا في محاكمه الفاسدين ومبارك وأعوانه وسرعه القبض عليهم إلا بعد رغبات شعبيه شديده ومظاهرات كثيره !!


وعندما يتأخر الإهتمام  برعايه مصابي الثوره وأسر شهداءها إلي الأن !!


وعندما يترك النظام القديم كما هو مسيطر علي الوظائف الحكوميه من خلال المجالس المحليه وغيره بدون حلها !!


وعندما نجده لا يفتح تحقيق لواقعه ماسبيروا ليكشف لنا من هو السبب الحقيقي ويترك أصحاب الفتن من قساوسه و مشايخ لم يقدموا للمحاكمه !!


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


وعندما تجدني أوجهه نفس الإنتقاد شديد اللهجه للسيد اللواء الفنجري صاحب تحيـــه الشهداء الشهيره التي أسلجت صدورنا جميعا
لأنها توحي بإعترافهم بأرواح الشهداء النقيه الطاهره عندما يخرج علينا مهددا لنا ومشيرا بأصبعه !!!


وعندما تجدني أوجهه له اللوم الشديد بصفته نائب رئيس صندوق رعايه أسر شهداء ومصابي اثوره ويتأخر في تحقيق الحياه الكريمه والمناسبه لعلاج المصابين معاشات للحالات الحرجه  منهم من شلل و كفف وغيره وسفر الحالات للخارج إلي الأن بعد مرور ما يقرب من 10 أشهر  !


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
 وأقولك ثاني  رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني أيضا أوجهه نفس اللوم شديد اللهجه لملك الإشاعات اللواء الرويني عندما يخرج علينا متهما شباب نقي ومحترم شارك بخبرته المعقوله السياسيه في الثوره المصريه من حيث التغضيه و المشاركه كأي مصري يحب البلد دون الزعامه لأن الثوره قامت بشعبها وليس بحركه او حزب ويتهم بالعماله ويعود ويطالبوا الحركه بإجتماع مع المؤسسه العسكريه ودعوتهم للقاءات السياسيه !!


وعندما تجدني أوجهه له كل اللوم بما سببه من إحداث فتنه ووقيعه بين أبناء الشعب في واقعه العباسيه زهق فيها الأرواح وقال لأهالي العباسيه أحزروا من الشباب جايين يولعوا في بلدكم وكل الحكايه كانت مسيره سلميه لوزاره الدفاع إتفقنا معها أو إختلفنا .




لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الثالثه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني للمره الرابعه أوجهه نفس اللوم شديد اللهجه وللازع للواء ممدوح شاهين ترزي القانون بتاعهم عندما يقولك الدستور ما سقطش ورجع سقطه ورجع دخل تعديلات وبعدها أعلن إعلان دستوري يعني مالوش لازمه الإستفتاء من الأساس وعندما يقولك المجلس لا يصنع دستور ولا يشرف عليه ودلوقتي بيصنعوا وعندما يقولك 6شهور وهنطير ونسيب البلد لمجلس مدني واتاريهم مشرفين ل إبريل 2012 ..


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الرابعه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


أرجوكم لا تخلطوا بالمجلس والجيش ... الجيش المصري العظيم له منا كل الإحترام .




وإليكم هذه العباره إنها خارج المساق ولكن أريد منها التشبيه

إن انتشار ( الكفر )في العالم يحمل نصف أوزاره ( متدينون ) بغضوا الله إلى خلقه بسوء صنيعهم وسوء كلامهم

قالها العلامه محمد الغزالي يقصد بها أن من نسب نفسه للدين يسؤه في نفس الوقت لذلك هذه دعوه منه لعدم نسب أفعال الأخرين من لمتدينين إلي الدين وأقولها لا تنسبوا غباء المجلس العسكري إلي الجيش .


وعندما رأي أول رئيس مصري اللواء محمد نجيب بعدم دخول الجيش في السياسه كانت النتيجه عزله وإجباره علي التنحي .

وإليكم بعض المقولات التاريــخيه تعزيزا عن الفصل بين الجيش والسياسه

المشير محمد عبدالغني الجمسي وزير الحربية (الدفاع) المصري السابق:

إن الرجل العسكري لا يصلح للعمل السياسي قط، وإن سبب هزيمتنا عام 1967 هو اشتغال وانشغال رجال الجيش بالألاعيب في ميدان السياسة؛ فلم يجدوا ما يقدمونه في ميدان المعركة

من أقوال الفريق سعد الدين الشاذلي رحمه الله:

"ليس هناك خلاف حول حتمية تبعية القيادة العسكرية للقيادة السياسية، حيث أن الحرب هي امتداد للسياسة بوسائل أخرى. وفي الدول الديموقراطية تكون القيادة السياسية منتخبة بواسطة الشعب، وبالتالي فهي تمثل الشعب وتعمل على تحقيق أهدافه، في حين أن القيادة العسكرية غير منتخبة وبالتالي يجب إخضاعها لإشراف القيادة السياسية"

كتاب: مذكرات حرب أكتوبر

من أقوال اللواء محمد نجيب في كتابه: كنت رئيسا لمصر:

":لقد خرج الجيش من الثكنات، وانتشر في كل المصالح والوزارات المدنية فوقعت الكارثة التي لا نزال نعاني منها إلي الآن في مصر,, كان كل ضابط من ضباط القيادة يريد أن يكون قويا فأصبح لكل منهم "شلة" وكانت هذه الشلة غالبا من المنافقين الذين لم يلعبوا دورا لا في التحضير للثورة ولا في القيام بها"

يوم 18/11 كلنا نازلين نقول لألألألألألألألأ للإستمرار المجلس العسكري في الحكم لأنه ما بيعملش حاجه لينا من أهداف الثوره تعالوا نتفق علي مجلس مدني ونرشح شخصيات ونقول زي ما الراحل السادات قالها بعد وفاه عبد الناصر وطرح إسمه للإستفتاء الشعبي كرئيس جمهوريه لو رفض أول إسم نرشح ثاني وثالث ورابع لعند ما يشمل كل الفئات الشعبيه بكل طوائفها ونعمل بقه من أجل بناء البلد وتنميتها ويظهر لينا ثمار الثوره اللي هما مصرين علي جعل الفئات والطبقات البسيطه لكرهها .

يوم 18/11 هيكون إسترداد الثوره بإذن وإستكمالها من العسكر اللي سرقها مش حماها !!
هينزل الإسلامين علشان المبادي الفوق دستوريه
هينزل المصابين وأهالي الشهداء علشان حقوقهم في العلاج مهدوره .
هينزل لا للمحاكمات العسكريه علشان ال 15 ألف المحبوسين من المدنين
هينزل أطباء التحرير علشان الفساد الموجود في وزاره الصحه
... هينزل من رجاله 6 أبريل المخلصين للبلد دي علشان يتضامنوا
هينزل الليبرالين والعلمانين علشان يقولوا لا لحكم العسكر
هينزل أصحاب الثوره من أبناء الشعب لحمايه ثورتهم
هينزل شرطه العادلي علشان يطحنوا من الثوار ( العادلي بس المحترمين لأ )

يوم من أجل مصر لابد من كسبه جميعا ... انا نازل يوم 18/11 وهعتصم لو كلنا أجمعنا ع كده وانت موقفك ايــه

التوعيــــــــــــــــــــــــــــــه هي الحــــــــــــل



محمود السيـد


fb.facebook

تابع القراءة

2 الحلقه الخامســه : يوميــات سرحـان

بعد الحوار القصير الذي دار بين سرحان ووالدته ليسألها عن سبب نزولها للبحث عن مصدر رزق من خلال تاجر في المنطقه يستأجر النساء يوم السوق ليبيعوا بضاعته ولهم نسبــه في ذلك .


فأنتهي الحوار بينهما عندما عاد من لعمل ونظر لها وسألها أخذت في البكاء ليس لعملها فليس في العمل عيب ولكن لأنه لم يعش سنه كباقي أصحابه وكمرحله سنه حيث أنه شال الهم بدري ( علي حد وصفها ) ولكنه كان راض علي ذلك ودائما يحمد الله .


فبدأ يستريح من العمل ويخلع ملابسـه ويأخذ حمام ع السريع ويأخذ وجبه الغداء والعشاء مدمجيــن ف بعض وبعدها يبدأ يقلب في كتبه ويشوف مناهجه ويكلم أصدقاءه ع اللي بيخدوه ووصلوا لفين وكده .


كان ليه صديق مقرب منه جدا يتصل بيه يدردش معاه شويه حوالين الكليه وأحداثها وأحداث الدفعه وأيه أخر المستجدات والدكاتره والمواد ولدنيا والمواقف ... كان بيحب يتابع أول بأول ويطمن علي صحابه وياخد يكلموا في مواقف في شغله ومواقف في كليه وبيشغل نفسه يعني علشان مش يمل .


ويحاول قدر الإستطاعه يكون متابع مع الدكاتره أول يكونوا سابقينه بشويه مش كتير علشان مش يهرب منه المناهج وخصوصا أن كان نده مواد كثير .


ومواد العملي زي الرياضيات واللي فيها مسائل كان بيستمع بيها قوي أما مواد النظريه كان بيرتبها ويظبط محاضرتها وتتذاكر مره واحده قبل الإمتحانات علشان مش تطير لأنكم عارفين التعليم في الجامعات كان عامل زي اللزقه ترميه وتطلع تجري وتنساه 


ويفضل يدردش فيهم بقه ويشوف الدنيا ماشيه إزاي وياخد المحاضرات وينقل وكان بيحب يتابع أول بأول علشان يعرف المواد اللي هو ضعيف فيها اللي هو كويس فيها ويركز ويعيش كأنه في الجامعه بالظبط وكان صاحبه ده بيمده أول بأول قدر الإستطاعه .


ورغم كل ده كان برده بيدي لإخواته الصغيرين من وقته ده علشان يساعدهم في حل الواجب وكمان يشرحلهم اللي واقف معاهم لأنهم مش بياخدوا دروس وكان بيحاول يخليهم يعتدموا ع نفسهم زيه كده بالظبط ويحضروا حصصهم كامله في المدرسه قدر الإستطاعه أي نعم ما كانش ده بيتم كثير علشان انتوا عارفين معظم الطلبه بيعتمدوا علي الدروس والمدرسه بتكونف فسحه ليهم والمدرسين كمان عايزين الكل يروح عندهم في الدروس . 


ولكن كان بيعودهم إنهم يعتمدوا علي نفسهم قدر الإستطاعه ويذاكروا ويحضروا الحصص وكان ربنا مبارك ليهم وكان مستواهم كويس وبينجحوا بدرجات كويسه .

وكان كمان بياخد جوله في التلفزيون ما بين برامج التوك شو والأفلام والبرامج التنمويه رغم كل التعب والإجهاد الفكري بسبب متابعته للكليه ومزاكره لأخواته الصغيرين ومساعدتهم بس كان صاحب فكر ومثقف ومتابع لكل الأمور حواليـه وقارئ جيد للأحداث وكان بيحب قراءه الكتب كده يوم الأجازه ويقرا في تاريخ الزعماء .


كان يومه يوم رجل أعمال ملئ بالأحداث والأفعال الشاقه ما بين العمل والمزاكره ومتابعه إخوته والحديث مع والدته ومتابعه البرامج التلفزيونيه والترفيه عن نفسه فما كان ينقصه غير نوت ومديره أعمال تنسق له مواعيــده ولكن بدون أجر أو تعطيه أجر علي ذلك لأنها ستتعمل منه إداره الوقت لم تعلمها من قبل ولا في دراستها تي لو كانت حاصله علي الدكتوراه

سرحان كان مواطن مصري بسيط من الله عليه بالبركه في كل شئ في الوقت والصحه والجهد والعمل والرزق .


وبكده يخلص يوم سرحان ويبدأ في التجهيز للنوم من خلال طقس معيـن نقوله بقه في الحلقه القادمه ..


دمتم بخيـــــر




محمود السيـد


fb.facebook

الحلقات السابقه :

مقدمه يوميات سرحان

الحلقه الأولي 

 

الحلقه الثانيــه

الحلقه الثالثه 

الحلقه الرابعه

تابع القراءة

1 الحلقه الرابـعه - يوميـات سرحـان

عندما وصل سرحان لمحل عمله والقي السلام علي المعلم وعلي من وصل من أصدقائه العمال ... بدأ في تغير ملابسه بملابس العمل وعندما وصل الجميل بدأوا في الإتكال علي الله والعمل .


هو طبيعه عمله في المقاولات وزي ما قولنا قبل كده هو بيحب يستغل القوه البنيه اللي ربنا وهبه إياها للحصول علي راتب كويس يكفيه ويكفي اسرته ويقدر يدخر كمان لزواج وتجهيز إخوته البنات وتحمل تكاليف دراستهم كمان .

ولكن عندما رأي والدته في السوق وهو بتحاول كسب رزقها أيضا عرف أن الحياه غاليه وأن ما يتركه لها لا يكفيـها فقرر أن يزود جهده علشان يعلي راتبه وبالتالي يكفي مصاريفهم ووالدته لا تحتاج للعمل .


هو طبيعه عمله صبي مونه يعني بيقف تحت إيد الصنايعي اللي بيبني ويناوله المونه ( الأسمنت مع الرمل ) ودي طبعا مجهده جدا لأنه بيطلع سلالم خشب وينزل وهكذا شايل بقه طالع نازل بس دائما بيحمد ربه علي نعمه قوه البنيه اللي ربنا منحه أياها ولكنه كان بيحب عمله ده وكان طموح رغم ما يعانيه من ضيق الظروف اللي بيمر بيها .


كان ينظر لعالم العمل بتاعه بتركيز زي ما بيقول لابد من فصل نفسك عن الدنيا أثناء العمل لأن بتكون شغال علي سقالات مرتفعه لو ما ركزتش هتلاقي نفسك واقع علي جدور رقبتك . 


وكان يعجبه حياه النحل التي يراها أمامه بين العمال الصنايعيه كله مركز في عمله وكله بيكمل كله وهكذا في بناء أي صرح كبير تراه أماكم في الأماكن المرتفعه وعمارات وغيره من البيوت .


كان طبيعه عمله يبدأ من التاسعه صباحا وينتهي الساعه 6 المغرب يفصلهم ساعه راحـه لتناول لغداء وشرب الشاي والراحه الجسديه .


كان أثناء الراحه الخاصه به يتناول كوب من الشاي ويتغدي لوحده .. كان دائما يحب أن يكون بمفرده ليس لأنه متقعد أو حاجه أو تكبر ولكن هذه هي شخصيته .

يحب أن يقوم بدور المراقب دائما للاحداث من أمامه ويسجل إستفادته من كل موقف أمامه يراه .... وأثناء تناوله للغداء والشاي بتاعه رأي موقف يكاد يجعله ينبهر منه من أحدي العاملات معهم من النساء .


طبعا كان فيه شغال معاهم برده ستات بيرفعوا الرمل ويشتغلوا شغل لا يتحمله أي راجل .. كان بيستغرب مش علشان شايف ست شغاله ولكن ليه يجبرها أنها تشتغل شغل متعب زي ده !! وفين زوجها ؟

حاول كده يتابع الحوار بين إحدي الإمرأتين ووجد أنهما لزوجين لا يعملان ويعيشان علي عمل زوجاتهم !!!!!


كان يستغرب انه يكون في رجاله كده يعيشوا عال علي ستاتهم زي ما بيقول وبيوصف ولكن ما صدقش غير اما شاف بعينه وأخد يفكر هل هيكون مصير أولاد هؤلاء النساء نفس مصيره في العمل والخروح لمساعده أسرته !!!

كان دائما يحمد الله علي حياته ولم يكن يائسا منها أو حزين أو متقنط من رحمه الله بل دائما كان يؤمن بأن الله لن يتركه وأنه مخبيله الخير زي وصفه وهو بيتبسم ويقول كده .

إنتهي وقت الراحه وبدأوا في إستعاده النشاط مره أخري للعمل ويكاد عملهم لا يخلوا من الهزار والغناء لمصابره بعضهم البعض ولكن زي ما قولنا سرحان بطبيعته لا يحب الإختلاط لأنه يعتبر الوحيـد الجامعي صاحب الفكر وسط العمل ولذلك كان صاحب العمل يحبه دائما ويعامله معامله خاصه .


وما إن قارب العمل علي الإنتهاء ويجهز كل واحد إنه يلم عدته ويعينها في مكانها ويسلمها للمعلم بتاعه ويغير لبسه ويتكل علي الله يروح .


وهكذا ينتهي عمل سرحان ما بين العمل والإجتهاد وساعه الراحه ولتأمل والإستفاده من طريقه العمل في بناء سرح عالي ينسب في النهايه لعمل جماعي وليس لفرد !!

فكان دائما حريص علي التعلم مما يراه أمام عينه وكثير الملاحظات لنفسه ولغيره , وعندما عاد للمنزل وجد والدته علي حرج منه لأنه راها في السوق تبحث عن رزقها !!


ولكنه للمره الثانيه تبسم في وجهها وقبل يدها وقال لها أعدك إني هحاول أزود من طاقتي وأبقي صنايعي في عملي علشان راتبي يزيد وأكفيكي من الخروج للبحث عن باب رزق يسد ليكي ما تحتاجيه .


فأنخرطت في البكاء وقالت له سامحني لم نجعلك تعيش سنك مثل باقي أصدقائك فكبرت بدري وشيلت الهم قبل الأوان .


قال لها إدعيلي وإن شاء الله ربنا هيعوضني خير إن شاء الله .


ما إن تركها وبدأ يسامر إخوته الصغيرات ويقلب في كتبهم الدراسيه ويبحث عما يجدوه صعب ويفهمه ليهم فكان سرحان
أخا , أبا , عائلا , وصديق , وكل شئ لإخوته وأسرته ووالدته :)

دمتم بخيـــر


نلقاكم في الحلقات القادمه من يوميات سرحان 

مقدمه يوميات سرحان

الحلقه الأولي 

 

الحلقه الثانيــه

الحلقه الثالثه 

محمود السيـــــــــــــــــد

تابع القراءة

1 لماذا تخـاف يا سياده المشيــر !!

في مثل هذا اليوم من العام الماضي من شهر فبراير لعام 2010 سألت نفسي سؤال وشاركت فيه بعض أصدقائي علي مدونتي وجروب معا ضد السلبيه أن ذاك اللي كان متنفس لكثير من أصدقائي علي الفيس بوك حول حال مصر والسلبيه المنتشره وقتها لماذا تخاف يا سياده الرئيس !!


ووجهت كلام إلي المخلوع مبارك وقتها وسألته ليه كل الإحتياطات دي ... حاطط نفسك رئيس لكل حاجه القائد الأعلي للشرطه والداخليه والشعب وكل حاجه وكان وقتها لا قانون بيهم ولا قضاء يلم يعني ممكن تاخد أحكام قضائيه زي ما أنت عايز وفي النهايه المجلس سيد قراره !!
وكان عامل الداخليه الجيش الخاص بيه ... علشان مش اطول عليكم واقلب عليكم العادلي وأيامه وكل واحد يفتكر الإقلام اللي أخدها سواء في أمن الدوله ولا في الشارع ولا رخصه اتسحبت منك عنوه من أمين مالوش لازمه وأجج مشاعرك وتكسر الشاشه !!

لأ وفرها لأخر المقال وإكسرها مره واحده أو إخبط في اللي جنبك مراتك عيالك صاحبك اي حد او حتي اللي علي الجهاز اللي جنبك في السايبر هيحصل ايه يعني ... علقه تفوت ولا حد يموت.


بسأل النهارده في مثل هذا اليوم اللي سألت فيه مبارك ليه بتخاف وبعدها بكام شهر إتسجن يمكن الدايره تلف علي صاحبنا :) ,, اللهم أحفظنا .


طل علينا معالي نائب رئيس الوزراء السلمي بيه من أبناء الوفد بوثيقه دستوريه الصلاه علي النبي كده الراجل ده بيقولنا الشعب ده فوضني عنه بالكلام اللذيذ ده .؟


ونشوف البند ده يقول ايه ؟

الدولة وحدها هى التى تنشئ القوات المسلحة، وهى ملك للشعب، مهمتها حماية البلاد وسلامة أراضيها وأمنها والحفاظ على وحدتها وحماية الشرعية الدستورية ولا يجوز لأية هيئة أو جماعة أو حزب إنشاء تشكيلات عسكرية أو شبه عسكرية.

يعني بالعربي كده يا فكيك لو نويتم علي ثوره ثانيه ولا ثالثه هتلاقي في إستقبالكم مش الشرطه بقه المره دي لألألألألألألألألألألألأ هنلاقي الجيش لأنه هو المنوط بحمايه الشرعيه الدستوريه للحاكم بأمره الأن وهو سياده اللواء المشير طنطاوي :)


ولو فكرت تعمل تجمعات او معسكرات هينفخوك بحجه تشكيلات عسكريه ويجيبوك واقف في مكان فاضي بتفكر او بتفضض للبحر يقولك اللواء الرويني ملك الإشاعات وإبنه زوبايدر شايفينه يا شعب مصر والله ما حدش فاهم حاجه :)) دلوقتي هيأمر البحر ويطلع منه الإسلحه بتاعته :))


البند الثاني في المقال :


ويختص المجلس الأعلى للقوات المسلحة دون غيره بالنظر فى كل ما يتعلق بالشئون الخاصة بالقوات المسلحة ومناقشة بنود ميزانيتها على أن يتم إدراجها رقماً واحداً فى موازنة الدولة، كما يختص دون غيره بالموافقة على أى تشريع يتعلق بالقوات المسلحة قبل إصداره.

كلام سليم ما هو برده ما فيش معارض او شاب هيطلع يعتصم علشان يقولك هو الجيش بيعمل ايه هنا في المكان ده وبيدرب ليه !!! 
وبرده بالنسبه لميزانيه الجيش دي يعني ممكن اختلف واتفق ؟

أنا بصراحه مش عارفه هي هضر فيه ايه لو إتناقشت بندوها مثلا بشكل علني في مجلس الشعب :( يمكن من مصلحتنا ماشي ليه لأ ؟
ما دام رئيس الدوله هيكون القائد الأعلي ليهم ويعرف ايه اللي بيحصل ولا هيكون طرطور ومش هيرفع عينه فيهم ؟

ما هو برده حته مدنيه دي راعباهم تقريبا إزاي أدي تعظيم سلام لشخص مدني ويبقي رئيسي ناهيني ونافخني تفتكروا الجيش بيأمن نفسه وعايز يعمل دوله داخل دوله ؟؟
 
طيب حته بيقولك سريه وهتتعرض في البند الأول في ميزانيه الدوله إزاي ؟؟؟ هيحطوا الخانه دي مكتوب عليها ايه في الموازنه مبلغ علي طول يعني ولا سريه ولا ايه بالظيط عايزين مثال علي ده ؟؟

ولو المجلس مثلا حب يشرع حاجه بخصوص القوات المسلحه من فساد او غيره لازم يوافق عليها هما الأول ؟؟ طب وده إسمه كلام يعني مبارك برده هنقوله علشان نشرع عليك حاجه لازم توافق

ده إستخفاف بعقول الشعب وتكبير للمشاكل وبيخلق دوله للجيش يسيطر عليها الجينرالات !!!!!!!!!!!1

وبكده الصراحه من الواضح فعلا نيتهم لتسيلم السلطه لمدني فعلا وتسلميها وخلاص ولكن لرئيس دوله هيكون طرطور في أيدهم هما مقاليد الأمور ومش كفايه إنه هيكون في قلبه الرعب بسبب الإطاحه بمن قبله ونهايته السجن والحبس وأي مظاهره تخرج هتلاقيه طالع يطل علينا ببيان  

في النهايه بوجهه رسالتي للسيد المشير طنطاوي ليه الخوف ده !!! ظنناك حامي للثوره فعلا وبعد كده قولت ما فيش أوامر جاتلنا بضرب الميادين والمتظاهرين أمال ليه حميته الثوره ومن مين بالظبط ؟

وكمان بتقولوا فيه وقيعه في الشعب وعايزين يدخلونا في صدام مع الجيش وكلنا قولناها للمره المليون زي ما نتم قولتوا مش هنفتح النار علي أبناءنا ولكن بتفتحوا إحيانا هنقولها لم نرضي أن ندخل في صراع مع قواتنا المسلحه لأنهم أهلنا وإخواتنا ولو ده حصل هيكون العاقبه وخيـــمه ولكن إسمحلي أقولك في النهايه أري غباء مبارك يتكرر في تقميع الشعب من محاكمات عسكريه للثوار وترك المفسدون في الأرض والبلطجيه .

ووضع رجال القوات المسلحه فوق القانون اللي كان واخده قبلها مبارك وهو دلوقتي في السجن !! 

ده حتي يا سياده المشير أجلتم تكريم المصابين وأهالي الشهداء إلي عيد ميلاد فخامتك نفس طريقه مبارك وفي الأخر سمتوه يوم من أجل مصر ولا جبتوا سيره المصابين ولا الشهداء هو ايه النظام مش معترفين بينا ولا ايه ؟؟



نتمني ألا يسوقكم غبائكم للضياع بالبلاد إلي أحداث لا يحمد عقباها .

وفي نهايه مقالي زي لمره اللي فاتت من السنه برده اللي فاتت أقول المره دي مش ربنا يستر عليه من مبارك وأعوانه ولكن من المحاكمه العسكريه ويقولك بيقول عبارات مناوؤه :))


التوعيــــــــــــــــــــــــــه هي الحـــــــــــــــل


محمود السيــــــــد

تابع القراءة

0 الحلقـــه الثالثه : يوميـــات سرحــان

في نهايه الحلقه السابقه بعد الموقف اللي رأه سرحان بين ظابط الجيش المتقاعد والمرأه العجوز التي تطالب بتطبيق العداله في تقاسم بلاء الحكومه من إهمال للمناطق العشوائيه وإنتشار الأمراض والأوبئه وغيره من مفاسد الحكومه .


ولم يكن مندهش في الموقف غير من هذا الظابط المتقاعد الذي وقف يتعنت لإمراه عجوز أن تتحمل وحدها هذه المياه الملوثه الخارجه من البكابورت المندلع أماهم .


ولكنه أطمئن من موقف الشباب اللي أجبروا هذا الرجل علي قبول الوضع بتهديده بمرضه النفسي الناجم عن الكبت داخل المؤسسه العسكريه التي قضي فيها حياته تنفيذا للأوامر ومرض العظمه وغيره وطبقوا جميعا العداله في تقسيم الأذي الناجم عليهما السيده والظابط المتاقعد ليس بالقوه إنما بالإتحاد وكان هذا الموقف يتمني أن يراه سرحان في مواجهه الحكومه الفاسده ويتمني أن يري هذا اليوم بل ويشارك فيه .


وعندما قرر السير متجهه لعمله لأن متبقي عليه 5 دقائق علي العمل وهو دائما يحافظ علي الوصول في ميعاده ومنتظم في ذلك وهذا ما سنراه من شهاده صاحب العمل بذلك .


وجد موقف أيضا أثناء سيره للعمل جعله يندهش ولكن بقوه ووقف ليتأكد مما رأه , وعندما إقترب من السيده تأكد ما كان يلاحظه من بعد .


إنها والدته وحولها قفص به طيور تستعد لعرض بضاعتها بما فيـه علي الماره والجمهور في السوق .. وعندما إقترب منها خشت منه وإنخرط وجهها في الإحمرار ولكن ما قام به غير التبسم في وجها وعلم جيدا سبب وجودها هنا وقام بتقبيــل يدها وقال لها حديثنا في البيت يا أمي بإذن الله .


وقرر الإستمرار في طريقه للوصول للعمل الذي كان علي بعد الأمتار القليله من لقاء والدته . ولكنه أظهر لأمه غير ما بداخله وأخذ يتسائل ؟؟


متي وصلت وكيف ولماذا ؟


فمتي وصلت فهي خرجت بعده مباشره حيث أنها كانت تنتظر خروجه للعمل وبعد ذلك تخرج في التجمع الذي يقوم به نساء المنطقه علي عربيه بيكم تحملهم لمكان السوق ويجلسوا يعرضوا البضاعه ويبيعوا ويسترزقوا وكل بائعه لها نسبه علي ذلك .


ولكنه سأل نفسه إزاي وصلت قبلي وأنا لسه متصل بيها منذ قليل عندما تذكر مصروف أخوته البنات وطلب منها تركه لهم ؟


ولماذا ؟؟ هو كان مفكر أن ما يتركه لها من جزء كبير من مرتبه لها بيقضي البيت ومصارفيه ؟


ولكنه أظهر لها عكس ما بداخله ولم يكن حزين أيضا عما علمه أن والدته تخرج بعض الأحيان لكسب رزكها لأنه لم يكن كمثل الشباب الجامعي الذي يتفاخر بعمل والده بكذا أو كذا أو يتهرب من ماضيـه وأصله ليس كذلك إنما هو شاب مكافح بسيط يتفاخر بأسرته وتربيته الكريمه التي ترباها .


فأخذ في طريقه لإستكمال الوصول للعمله ولكن علي عاتقه حمل ثقيل لم يكن يعمل أن مفارقه والده أصيبته بالحمل والورث الثقيل هذا كله علي عاتقه ولكنه تأكد من ذلك ليوم عندما رأي والدته تخرج لمضاعفه رزقهم وأن ما يتركه لم يكن كافي لهم وهي لم تظهر له ذلك بل كل ما ترززقه لهم هو الرضا علي قضاء الله وقدره .


وعندما دخل سرحان عمله ألقي سلامه علي الحاج صاحب العمل وأصدقائه من وصلوا معه ورد عليه صاحب العمل ... دائما بتوصل في مواعيــدك يابني ربنا يرضي عليك ويرزقك بالحلال !!
حتي صاحب العمل كان يحبه ويبتوسم فيه الخير لصغر سنه و أنه لم يكن يعيش كباقي أصحابه هذا السن من فرفشه ومرح وغيره ويدخل سرحان علشان يغير ملابسه ويرتدي ملابس العمل ويتوكل علي ربه ويبدأ عمله 




وده اللي هنكمله في الحلقه القادمه من طبيعه عمله 




دمتم بخيـــر 


محمود السيــــــــــــد

مقدمه يوميات سرحان

الحلقه الأولي 

 

الحلقه الثانيــه

تابع القراءة