السلفيه نقطه .............. من أول السطر لوأد نار فهمي هويدي

الواحد أما بيكون بيكتب جمله ومضمونها فكره وعايز يربط فكره تانيه جديده بيعمل ايه أكيد بيحط نقطه وننزل سطر جديد .
ده للي كان مفروض تعمله السلفيه ولا تسمح لأحد أن يتصيد لها في الأخطاء أو تكون شاغله , ثوره 25 يناير ونجاحها كانت هي نقطه جديده للسلفيه وإنطلاق وتحرر ليها لأننا كلنا عارفين أن من أكثر الناس تأذي بالنظام اسابق وأمن الدوله هما السلفيه وكان عليهم تحجيم شديد جدا من قبل أمن الدوله في كل حاجه وظائف خطب والله بتوصل في الزواج كمان ,,,,,,,,,,,,,

أنا تمنيت أنها تكون نقطه جديده للسلفيه من حيث المشاركه في الواقع الأليم , المشاركه في نشر الوعي الديني الأساسي مش هقول حفظ القرأن أقسم بالله الناس ما تعرف إسم النبي ايه ثلاثي أو زوجاته أو أولاده صلي الله عليه وسلم فداه نفسي ورحي و أمي وأبي ....

كان نفسي أشوف update للشباب لسلفي والفكر السلفي المنغلق ينفتح علي الناس ويدرس مشاكلهم ونشوفهم في الشارع .

  عندي شويه إقتراحات للسلفيه .

• إنشاء موقع للشباب السلفي ينشر فيه توعيه أساسيه للوضوء والطهاره و التعريف بالنبي والله للمسلمين أيوه يا جدعان .
• جانب فيه إجتماعي يخص مشاكل الشباب في فترات المراهقه .
• جانب فيه نفسي يسمع مشاكل الشباب ويحلها معاهم أفضل ما ياخد الراي من ليبرالي متطرف يدعي للحريه المطلقه .
• تعريف للفكر السلفي وعلي رأي الإخوان إسمع منا ولا تسمع عنا .
• نفسي ألاقي مره علي اليوتيوب فيديوهات لشباب سلفي زي فيديوهات السياسه كده وكلها حاجات مش مكلفه بيتكلم فيها عن غزوات النبي مثلا عن نسب النبي عن مشاكل الشباب عن هموم الناس .

ساعتها نقطع الشك بالبقين ولا نترك الفرصه للقيل والقال زي المقال المخزي من شخص مفكر إسلامي زي د. فهمي هويدي اليوم في الشروق سياته زعلان جدا جدا من تصرفات السلفيه عن كامليا شحاته وبيقول ليه هي فارقه معاهم هما بس .
أرد عليه وأقوله سيادتك كامليا شحاته مش فارقه مع الإسلام نفسه ولكن هي قضيه دوله تبني الديمقوقراطيه في عصرها الجديد فلابد للجميع إحترام القانون فيها سواء كان مسلم مرتد للمسيحيه أو مسيحي تأسلم .. وكمان قضيه كامليا شحاته تخص كل مسلم غيور علي دينه وقضيه أغلبيه الشعب المصري الواعي ولو سياتك شايف أنها قضيه أقليه زي السلفيه فلا تعطيها الإهتمام هيسخنوا شويه ويناموا ايه المشكله وما حدش هيعبرهم ولكن سيادتك تعلم وكلنا نعلم جيدا مدي ثقه الشعب المصري في السلفيه لأنهم أمناء أهل ثقه ونحسبهم كذلك بإذن الله .

وبجد أنا مش فاهم ليه د. هويدي في إنتقاده للسلفيه بيكون عامل زي أحمد سبيادر كده بالنسبه لوائل غنيم ولا السلفيه عامله خرم في دماغك أنت كمان.

يعني بعد الثوره خطبه الشيخ حسان في إحدي المساجد الكبري وإذيعت علي التلفزيون المصري سيادته علق بأسلوب لا يتاسب مع سنه مش مع فكره ..

بعد قضيه صول وكنيسه إطفيح سيادته علق في مقاله وزعل جدا إزاي السلفيه اللي يحلوها علني كده وكأنهم هما اللي حاكمين البلد دلوقتي فيه مشكله يجيبوا السلفيه .

ومسك بقه في الإشاعات قطع إذن .. هدم قبور .. طرد سيده .. وسيادته لو تعب نفسه هيلاقي في كل ده رد الأول بلال فضل نشر شاهد علي قطع الأذن برأ السلفيه الثاني النيابه برأت السلفيه من القبور وكذلك الثالث .

في النهايه أاتمني صوتي يوصل للسلفيه ويستفيدوا من نقطه ( 25 يناير ) ويبدأوا السطر وكنت هقول الموضوع ده من حوالي شهر في خطبه الشيخ أبو إسحاق في الجميعه الشرعيه في المنصوره ولكن لظروف ما لم أستطيع الحضور ولكني لابد من نقله في الخطبات القادمه وعلي العلن سأناقشه مع كبار السلفيه هذا المقال ..

فلابد من السلفيه أن تعيد النظر مره أخري في إستغلال الفرصه الثمينه بعد الثوره وينزلوا لسطر جديد بعد النقطه ويا مرحبا .
ونكن جميعا نسيج واحد وتقطع الطريق علي المرتزقه والمنتفعين .