• قالب جميل ومناسب للمدونات الشخصية ، يحتوي على العديد من الميزات والسمات الانيقة
  • نسخة مطورة من قالب مدونة رشيد ، قالب مناسب للمدونات الشخصية ويوجد به عدة اضافات
  •  تعرف على افضل عشرة مدونات على مستوى العالم ، للتبين اين انت من هؤلاء
  •  تعرف على قائمة اكثر 30 مدونة عالمية تحقق الربح من التدوين ، وتعرف على السر الحقيقي وراء تحقيقهم لهذه الاموال من المدونات
  • اجعل صندوق التعليق في مدونتك اكثر احترافية ، واضف عليه الوان جميلة لتبهر زوار مدونتك بأناقته

0 إلي السيسي .... ماذا لو ؟

Wednesday, June 18, 2014


أنا قولت الصراحه أبدأ أكل عيش وأكتب لكل الطبقات المصرية اللي فوووووق واللي تحت !!
لأن زي ما حضراتكم عارفين مصر لسه ما عندهاش طبقه متوسطه والحمد لله ده شئ يعتبر مميز مصر وأهه حاجه تبقي مميزانا في العالم قبل ما نموت !!
في كل حته في العالم تلاقي الغني , المتوسط ( الميسور ) , الفقير ؟ إلا في البلد دي ربك أصطفاها ولغي منها الطبقه المتوسطه يا تلاقي ناس عايشه في الفلل والقصور وما تستغربش أما تعرف أن أغلي شقه في العالم أشتراها مصري وماله يا عم الله يسهله ده ماله وهو حر فيه ما فيش مشكله وتلاقي ناس عامله عشش وعايشه فيها من الصفيح تيجي تدور علي اللي في النص دول ما تلاقيش فماتستغربش يعني ! .

فقلت أبدأ أكتب للكل بحيث أنا كائن بطبعه بيحب لفت النظر بحب اللايكات الكثير بما اننا في زمن اللايكات والشير والكومنات بما فيها الشتيمه عادي المهم ألاقي تفاعل فقررت الصراحه بعد التجربه السابقه في مقال بشره خير لمجرد إني إقتربت منه أخدت في الصميم وطبعا عرفته مين هو :)

ندخل بقه في الجد ونتكل علي الله ونبدأ في أول نقطه في ماذا لو !!

آولا : كلها أيام ووزاره المالية تنشر الموزانه المالية للسنه الجديد في شهر 7 القادم بإذن لله فماذا لو طبق النظام الحالي والرئيس وحكومته الحد الأقصي للأجور علي جهات القضاء , الإتصالات , التأمينات وغيره من أجهزه الدولة اللي الرواتب فيها ملايين في الشهر شوفوا هنوفر كام يمكن استخدامه الفائض والفرق ده في أستخدامه في جهات أخره والليكن التعليم والصحة والخدمات !!

ثانيا : ماذا لو رفع الدعم تدريجي !! بتقول ايه يا بن ال...... أيوه يا عم استهدي بس بالله خود المثال ده الدولة بتدعم الدقيق و بتسلم شيكاره الدقيق بحوالي 20 جنيه للفرن يقوم يبيعه ب 100 إلي 120 جنيه وكذا البنزين وغيره من الخدمات المدعمه لا تصل لمستحقيها
ليس أمام الدوله إلي إلغاء ورفع الدعم أو فرض رقابه شديده عليه حتي يصل لمستحقيه وما تبقاش فلوس الدوله علي الأرض


ثالثا : ليه مش بنطلع معاش علي سن 55 سنه من الجهات الحكوميه !!
طيب وهنكسب ايه يعني اما نطلعه بدري  5 سنين
متوسط راتب مديرين العموم في الهيئات الحكوميه يترواح ما بين 4 إلي 8 ألاف جنيه بإختلاف الهيئه ومكان العمل لو طلع 5 سنين بدري هنوفر براتب بتاعه مش أقل من تعين ثلاث شباب علي الدرجه الثالثه أو 4 مؤهل متوسط بحد أدني هتاخد 3 إلي 4 تعينات جديده وبكده هيبقي عندك كل سنه تعين شباب وفي خلال 6 سنين او 7 هتقضي علي البطاله تماما

حيث أن المدير العام عندما يبلغ ال55 سنه بيكون دوره شبه منعدم في الإداره مع كامل الإحترام ليه غير انه بيجي يقرا الجرنال ويروح وما هو إلا عبئ عي موازنه الدولة وفي شباب قاعد عاطل فياريت يطبق حتي يجدد الدم في الهيئات الحكومية

هنكتبفي بالثلاث نقاط دول لو تم درستهم بجدية وتطبيقهم هيضخ مئات من المليارات في الموازنه المصرية

رابعا : دي أنضافت جديد لأن المقال تأخر نشره يوم كامل علشان الكهربا قطعت فيها وكتبته ثاني وراجعته لماذا لم يبدأ مشروع قومي في الإعتماد علي الطاقة لشمسية ده درجه الحراره بتوصل ل 40 مرتاح في البحري ما بالك في القبلي :)

كالعاده في نهايه كل مقال مالكش خيراث ثاني

للتواصل مع الكاتب لزوم الشتيمه والذي منه بس دوس هنــــــــا 
ولو انت ليك بس في الشتيمه علي تويتير دوس هنــــــــا 


تحياتي 
محمود السيد 

تابع القراءة

0 بشره خيـــر

Monday, June 9, 2014


العبد لله اللي هيتشتم بعد قراءه المقال :)

بشره خير كلمه ترددت كثيرا في الوسط المصري خلال الأيام السابقه وكل ما تكلم حد يقولك يا سيدي بشره خير وقوم نادي علي أخوك البورسعيدي ولا الصعيدي !! هقوم انادي ياعم هو انا هخاف يعني 

واما ناديت بقه لقيت
بشره خير إما تقولها وتقابل إبتسامه ويقولك والنبي ما معكش نغمه الأغنيه دي ما بزهقش منها وكالعاده الشعب المصري أول ما تنزل أغنيه حلوه سواء الحبيبه ولا المتدينين ولا اللي لا مؤاخذه منهم يسمعوها و يعيدوها لعند ما ينزل السوق الجديد وهكذا بدايه من أبو موته وصل مرورا بتسلم الأيادي أخيرا وليس بأخرا بشره خير واللي والظاهر كده والله أعلم اليومين الجايين كده هنلاقي موضه الأغنيه الوطنيه كده هتبقي هي اللي في السوق .

وبشره خير تقولها قدام واحد وكأنك سبيته بأمه ولا حاجه وينهال عليك بالسباب واللعان وحاله من الهستريا تجيله ويقولك علي ايه والظاهر كده والله أعلم الواد ده إخوان او مش إخوان بس بيحبهم مالهاش حل ثاني يعني مش فقاقه هي !!

بشره خير انتشرت زي البرق لدرجه ان لي أصدقاء من والعياذ بالله شايفين ده إنقلاب عسكري كده واللهم أحفظنا شايفين السيسي كده مجرب حرب بس بيحبوها يعني عادي الناس عاجبهم اكيد الصوت والطريقه بتاع حسين الجسمي أكيد مش عاجبهم الحان عمرو مصطفي حضرتك .

إتنصب السيسي إمبارح علي عرش مصر شئت أم أبيت هتروح تدق باب القصر وتضرب الجرس هتلاقي صوته جاي من جوه القصر بيقول مييييين ! أفندم خير عايز حاجه . أزاي اقدر اساعدك !

اللي حصل إمبارح في تنصيب السيسي رئيس للبلد دي بيأكد أنها فعلا بشره خير 

هو إحنا ليه ما عندناش ثقافه " إن ده شغلك وعملته زي ما مطلوب تعمله " !! مش فقاقه يعني هي
ليه دايما اللي بيعمل المطلوب منه بنكفاءه رغم إن ده الطبيعي يعني وبياخد مرتبه علي كده !!
ليه بنديله حق مش حقه
وبعد ما يخلص شغله المطلوب منه يقولك كل سنه وانت طيب الحلاوه يا باشا
وكل فئه بتطلب الحلاوه بثقافتها بقه وبطريقتها يعني
يعني عدلي منصور كلف بفتره ما برئاسه البلد وأصاب وأخطأ ليه بنديله قلاده النيل علي الواجب بتاعه !!
السيسي عمل المطلوب منه كوزير دفاع وشال الإخوان ووقف مع الشعب نجيبه رئيس للبلد ونديهاله !!
بدايه انه أخد رتب لا يستحقها من البداية زي فريق أول في عهد مرسي
و المشير في عهد عدلي منصور 
تحسه كده خود وهات مع عدلي منصور

ليه دايما بنجيب اللي علي هوانا لو عمل اللي إحنا عايزينه ونحطه في مكان مش بتاعه ونسيب الكفاءات !!
البلد الفساد فيها أسلوب حياه ولن نتقدم أبدا

بشره خير يا سيسي 

واللي حصل إمبارح في ميدان التحرير من تعريه فتاه تعريه كاملة من ملابسها لسه شايف  عمال أخد مع نفسي واحوش نفسي علشان هستخدم ألفاظ عمري ما استخدمتها من يوم ما دخلت التدوين او الفيس بوك
الشعب ده بن و... مريض ومازلت مصر علي أن البلد دي محتاجه هتلر مصري يحرق فئه كبيره منهم في محارق إن لم يكن الشعب كله
الناس دي مش محتاجه تأهيل نفسي لا الفئات دي عايزه إباده بشرية هما واللي يتشددلهم
انا قلبي بيتقطع علي منظر البنت اللي قالعوها تماما هيكون حالتها النفسيه إزاي ولا أهلها ده انا يا راجل لو حصلي ده في الشارع ممكن أموت فيها فمبالكم ببنت شكلها بيقول ما دخلتش دنيا لسه

والغريب ولاد الع...ص الشمتانين ويقولك السيسي ورجالته طيب يا بن العر.. يارب أشوف ده في أمك وأختك ومراتك ولا كمان اشوفه بيتعشق فيها كمان يا خنزير فاهمني يا بن الكلب!!

والأغرب بن القماشه اللي بيصور ده أستاذ  ده جاب أماكن العوره بتاع البنت وسط الزحمه ازاي مش عارف واول حد نشر الفيديو هي رصد

والله أفتكر في مره قاعد في المترو في برلين ورايح المستشفي وبنت قدامي لابسه دريس وقصير ورجلها مفتوحه ومش لابسه أند وير تحته وربي ما في واحد بص عليها ولا اتحرك ولا الهوا !!

شوفت الناس عريانه في الشواطئ والسونات وحمامات السباحه ما شوفت حد تعرض ليهم ولا لمسهم

العيال للي اتمسكوا دول علي الله أشوف الخنزيره بتقولك رافضي الإنقلاب اخدوا إعدام دول يتسلموا وش للبنت وأهلها ولو السيسي ما عملش حاجه في الموضوع أقوله ك.مك يا سيسي وعقبال مراتات و عيالك ومراتك أولهم ده أول إختبار في أول يوم تتولي فيه الرئاسه

قلبي بيوجعني من المنظر وياريت ما حدش ينشر الفيديو ده

بشره خير يا شعب

=====

للتواصل مع الكاتب لزوم الشتيمه والذي منه بس دوس هنــــــــا 
ولو انت ليك بس في الشتيمه علي تويتير دول هنــــــــا 

أصل إحنا شعب متدين بطبعه وقبل ما تشتم روح علي اول المقال وشوف صورتي أترضاه لنفسك :)

تحياتي 
محمود السيد 
تابع القراءة

0 القول السديد في صاحبي الإخوان عبمجيـد في أحداث الحرس الجمهوري

Friday, July 12, 2013

عبمجيد ده واد غلبان ما حيلتوش يا عيني غير قيراطين زارعهم وارثهم من ابوه المرحوم وواخدهم أمانه يكمل مسيره الوالد ويستر علي أهل بيته , وأهه كده ساعات بيلقط رزقه في حاجات ثانيه وإهي بتسند معاه في نهايه كل شهر .

عبمجيد ده واد فيه نزعه إلتزام بسيطه بيحب يقرب من ربنا وقت الشده ووقت العون ووقت اليسر ووقت السجود ووقت الشكر , في جمب بيته زاويه بسيطه دايما فيها يصلي الصلوات وبيحافظ عليها بإستمرار .

عبمجيد ده نشأ وسط الإخوان من صغره وحب فيهم التقرب إلي الله والإعانه علي العبادات سويا وكان بيطلع معاهم رحلات ومصايف ومعسكرات شبابيه مدعمه .

كان دايما يكلموه عن الشهاده في سبيل الله في سبيل الوطن زرعوا في قلبه حبه للشهاده ...

فجأه صاح أحد أفراد الإخوان أمام منزل عبمجيد المبني من الغوص والطين اللبني يا عبمجيد الشهاده أمامنا الان فهي بنا فأركب معنا إنا إلي دعم مرسي ذاهبين فهو القائد الإسلامي الإسلام يسقط إلي الهاويه فهم عبمجيد ونظر إلي أمه المكلومه وإخوته نظره العزه وإسترداد الكرامه إني ذاهب فتيقنوا إن الإسلام قادم وسينتصر .

ففرح عبمجيد أنه ذاهب لنيل الشهاده لتحرير ودعم الإسلام من السقوط للهاويه ضد العلمانين وبني لييبرال 

ده نبذه مختصره عن عبمجيد البسيط اللي يمثل نسبه 70 % من جماعه الإخوان المسلمين المعزوله بأمر الشعب . عندما نشروا أسماء قتلي الحرس الجمهوري أخذت أبحث عن أسماء أحد قاده الإخوان المسلمين أو أبناءهم او مشاهيرهم لم أجد في الكشوف أسماءهم .

فأعدت النظر مره ومره لم اجد ؟

هل صفوت حجازي إسمه موجود صاحب الدعوه لإقتحام الحرس الجمهوري لتحرير قائد الإسلام صلاح الدين الايوبي محمد مرسي ؟
هل عائله حجازي وأبناءه موجودين ضمن القتلي ؟

هل إسم القيادي البلطاجي مع حذف الألف إسمه موجود حينما صرح إن مثل هذه العمليات وخصوصا ف سيناء لن تنتهي إلا بعوده القائد مرسي ؟

هل أبناء قاده الإخوان الأخرين متواجدين ضمن المصابين ؟

أين قبض علي خيرت ؟ فيه الميدان ولا في شقته وسط أبناءه ؟

ولكن وجدت إسم صديقي في البدايه عبمجيد ونال الشهاده هكذا يضحي الإخوان بأبناء البسطاء في سبيل دعم مصالحهم 

في النهايه 

إليكم تتحدث الصوره 



محمود السيد

Twitter 
تابع القراءة

0 25 يناير و 30 يونيو وما بينهمــــا

Thursday, July 4, 2013

الوقت المستغرق بين ثوره 25 يناير 2011 و إستكمالها وتصحيح مسارها في 30 يونيو عامين ونصف تقريبا ملئيين بالأحداث ما بين  حكم عسكري وحكم إخواني .


  فالأول سلم السلطه للثاني في إنتخابات شهد لها الجميع بالنزاهه وعدم التزوير وبإراده شعبيه كامله إختارت ما بين من هو أقرب للثوره وما بين من هو ضد الثوره وأختارت د.مرسي كأول رئيس مدني منتخب للبلاد ...

وتسلم البلاد في 30 يونيو 2012 وسط تهليل وتكبيبر من الثوار جميعا بإنتصار أخر بقايا الثوره ضد مرشح من أسموه مرشح مبارك د.أحمد شفيق . 

وخطب مرسي في التحرير عاري الصدر مرحبا للرصاص وسط تهليل شعبي وإستقبال تاريخي . ومن ثم أخذنا أكبر خاذوق في تاريخ الثوره , نجد الإخوان يسيطروا علي كافه مرافق الدوله ويسعون للأخونه دون النظر إلي مطالب الشعب والأزمات التي تمر بها البلاد في وقت من الطبيعي إنه وقت ثوري وأصبح هنا أزمات ف الكهرباء والبنزين وأرتفاع أسعار وإنخفاض قيمه الجنيه المصري لأول مره ف التاريخ مقابل العملات الأوربيه فأصبح اليورو يساوي 11 مصري والدولار اقترب إلي 7 جنيهات كل دي مش اسعار سوق سوده دي اسعار بنوك ومكاتب صرافه وبلطجه وفساد دون نيه واضحه بالإرتقاء بمصر .

أخذ أسلوبهم في التعالي علي الشعب وما بقاش حد عارف يكلمهم ولا عارف ياخد منهم حق ولا باطل ولا حتي مجرد النقاش معاهم ويسعون إلي سيطره كامله ونسوا إن هذه السيطره كلنا جميعا نزلنا في ثوره يناير لإنهاء عهد مبارك , قالي صديق طيب خليهم يظبطوا البلد وبعدين يسرقوها بلاوش الجوع ده بالسلطه وبالفعل ما فيش مكان تقف فيه وإلا تلاقي صديق سابق للإخوان أو جار أو حتي زميل عمل وإلا ان يشتكي من إسلوبهم ...

خلاص إنتهي عهدهم والشعب قال كلمته ونهي عهدهم في 4 أيام فقط والجميع يعتقد إنهم هيقاموا للرجوع للسلطه أبدا 


 نزلت علي الشارع اشوف الوضع كده.... قابلت كام إخواني عدي من عليه والكسره ف عينهم ووشهم ف الأرض وكأن ماتلهم حد ... عرفت قد أيه إنهم بيستميتوا ع السلطه , دلوقتي كل همهم مش إنهم يرجعوا السلطه هما خلاص تيقنوا إنها بلا رجعه , هما بيستغلوا شبابهم ف الشوارع وبيضحوا بيهم ومخبين عيالهم في بلاد الكفر وأقصي ما يتمنوه تركهم بدون اعتقالات وسجون !
اللي مفكر إنهم هيعملوا حاجه يقولي عملوا أيه لقيادتهم وهما بيتخطفوا وبيطاردوا دلوقتي في بيوتهم زي ‏كتاتني و مرسي اللي مش عارفين عنه حاجه .


في النهايه  أنا ما بحبش أدي حد بلوك ولا أحرمه من رأيه إنما بعد غلطتنا ف ثوره 25 يناير وعملنا فيها عقلاء وقولنا لا للإقصاء وخليك حنين ولم الشمل أنا بقول أنا مع إقصاء تام لكل من يحمل الفكر المزيف المسمي "الفكر السياسي الإسلامي " وإقصاء كامل لجماعه الإخوان وإرجاعهم للسجون مره أخري وفتح الطريق للسلفين فقط بالعوده للمساجد ودروس العلم فقط ومكانتهم في قلوبنا وخلع عباءه الدين علي باب السياسه وأدعوا بيد من حديد لهم فهؤلاء وأتباعهم من المغبين أخطر علي مصر من جماعه الحزب الوطني 
لأن أخطر أنواع الفساد هو المرتدي لثوب الفضيله ...



وإدعوكم لقراءه مقالي هذا بعنوان " أرجووووووووووكم إخلعوا زي الدين علي باب السيــــاسه "

كتبته في مارس 2011 بعد إنتصار الثوره وبدايه دخول التيار الإسلامي السياسي للمشهد وأربطوه بالأحداث اللي وصلنا لها اليوم تحياتي 

سأنتظر تعليقاتكم وأراءكم

محمود السيد 

Facebook 
Twitter
تابع القراءة

0 الحلقه السابــعه : يوميات سرحان

Sunday, December 9, 2012
إعتذار واجب النشر :

قبل البدء في الحلقه السابعه من يوميات سرحان أشكر كل المتابعين المنتظرين للحلقات الجديده وأعلن إعتذاري عن توقفي عن الإستمرار في كتابه حلقات جديده لظروف خارجه عن إرادتي .

حيث توقفت عن الكتابه عن حلقات جديده منذ 3 مارس 2012  الماضي أي قبل سفري لألمانيا لإستكمال العلاج من إصابتي في ثوره يناير .

وذلك لأني عدت إلي مصر منذ أيام أخذت قسط من الراحه وبدأت بإذن لله في الكتابه مره أخري .



الحلقه السابعه : 


كالعاده يبدأ يوما ليس بجديد في حياه سرحان ففي بدايه يومه يبدأ بصلاه الصبح كعاده المصريين ويتناول الإفطار ومن ثم يخرج لعمله مره أخري .

سرحان لأول مره يخرج ليجد يوما ليس بجديد كالعاده يتراوح ما بين مواصلاته للذهاب للعمل أو الإستماع لحديث الأطفال والنساء والرجال في الاتوبيس ما بين طالب وموظف وأم و عامل يشكوا هموم الدنيا بعضهم بعض قبل البدء في العمل ومن ثم يسير منطقه ثم يصل لمكان عمله المتغيير وفقا لطبيعه عمله في مستلزمات البناء فدائما تتغير مع تغير الزبون !!

أي صاحب البنايه مكان العمل الجديد الذي يبدأ يومه أمامه وينتهي به أن يعود إلي العمل وكما يظهر لمتابعي اليوميات فهو يومه محصور في أشياء تكرر وليس بجديد .


ولكن اليوم بدا له شئ بجديد لم يكن متعودا ليراه فوجد تأخير ملحوظ في وقت الأتوبيس رقم " 105 " الذي يعتاد به للذهاب يوميا للعمل أو إلي أقرب مكان للعمل .

وهنا بدأ في إستماع ما يستمعه يوميا أثناء طريقه للعمل من بين طلاب وأبناء وأباء وعمال وموظفين ولكن هذه المره ليست بداخل الإتوبيس في أثناء السير بهم كالمعتاد إنما بدأ في الإستماع في محطه الاتوبيس .

وكان الحوار اليوم أيضا جديد ليس فقط في تغير المكان المعتاد الإستماع فيه لمثل هذه الموضوعات إنما بدأ في سماع لهجه جديده بين جميع الفئات فكان في الأيام الماضيه يستمع لكل فئه وعمرها . فكان الطالب والتلميذ يكرر يومه في المدرسه أو الجامعه او موقف له حدث بالفعل في الفصل او الكليه أو الجامعه .

الموظف والموظفه والعامل بالتأكيد يشكوا من ضيق الحياه وتعامل صاحب العمل الذي يذداد إستعباد لهم ويقتص من قوت يومهم ويمص في دمائهم وبالتأكيد كانت هذه أقرب لحكايات لقلبه لأنه مثله مثلهم عامل فنسي أنه طالبا لكثره مخالطته بالعمال والموظفين وقليل جدا ما يختلص بالتلاميذ زملائه .

الشعب كله الأن بجميع فئاته يتحدثوا في السياسه وعلي المرأي والمسمع وفي الشارع !! كان هذا صعب جدا الحدوث ولكن في تسلسل الأحداث كانت قد حدثت إحتجاجات في الشوارع علي النظام الحاكم التي أدت في النهايه لسقوطه و نقلت السلطه إلي الجيش للتحكم في الأمور لحين إنتداب رئيس شعبي بالإقتراع و مجالس النيابيه والإنتخابيه 

لم تكن المفاجأه لديه سماعه لأطفال وتلاميذ في مراحل مبكره جدا للحديث عن السياسه والحديث بمثل هذه اللغه التي من الواضح أكبر بكثير من سنونهم ولكنه لإيمانه بهذا الشعب المقهور المظلوم وإمكانياته لم يفاجأ إنما فوجئ للحديث في العلن وفي الشوارع عن ديكتاتور وظلمه بدون خوف .

هنا بدأت مرحله جديده تسلم فيها الجيش قلاده الامور الجميع فرح وهلل لها وأستقبل نزول الجيش وتسلم المناطق المدنيه بالحب والزهور .

بعد تأخر لموعد الأتوبيس قرابه 15 دقيقه وصل وتحرك بهم ليبدأ طريقه المعتاد للذهاب للعمل ولكن أيضا لم يكل كمثل كل يوم !!

أنتظروا الحلقه القادمه لمعرفه المزيد 


تحياتي 

                                                                                                                                      




الحلقات السابقه :





تابع القراءة

3 الحلقه السادســـه : يوميــات سرحان

Saturday, March 3, 2012


في نهايه يومه الملئ بالأحداث ما بين العمل والمذاكره ومساعده إخوته احيانا في ما يصعب عليهم ومتابعه اخبار الدنيا ومشاهده برامج التوك شو بيكون يومه ملئ بالتعب والإرهاق .


حان وأقترب وقت النوم والراحه لبدء يوم جديد أشبه بسابقه مع بعض الأحداث الجديده , أعتاد علي دخول غرفته قبل موعد نومه بساعه أو ساعتين أحيانا إن أتيح له ذلك ما بين التصفح والقراءه والأطلاع علي بعض أمهات الكتب في العلوم المختلفه ما بين التنميه البشريه وعلم النفس والعلموم الأخري المشوقه والمسليه .


ولكن كان لا يستمتع أو بمعني أكثر دقه لا يستفيد بكثيــر من قراءه كتب التنميه البشريه !! موقف غريب فكيف لشخص لا يستفاد من قراءه هذه الكتب الرائعه فكل سطر فيه بمعلومه بل كل كلمه فيه بمغزي .


فيه عباره بتقولك فاقد الشئ لا يعطيه يعني فاقد الإحساس مثلا مهما تضرب فيه مش هيجيب معاه نتيجه هو أصلا مش بيحس !!


فطبيعي مكتسب الشئ من الطبيعي ليه مش يكون متفاجئ من قراءه مثلا معلومه تقوله أن العمل الجماعي هو سبب نجاح أي مشروع لأنه من الطبيعي يعمل ذلك عمليا فكانت حياه سرحان رغم حرمانه من فتره شبابه وعدم تفرغه للدراسته وبالعربي يعني مش عايش سنه زي صحابه إلا انه كان بيستفيد ويتعلم من خبرات عمله .


فطبيعي له ما يقراه في علوم التنميه البشريه كان ينفذه تلقائيا في حياته العمليه لأن في الأصل والأساس كاتبوا هذه العلوم يستحونها ليس من خيالهم إنمما من تجاربهم ولكم في ذلك عبره  للدكتوره الراحل إبراهيم الفقي فكيف تحول من عامل في أحدي الفنادق في كندا إلي مديرها ثم إلي أحد أكبر خبراء التنميــه البشريه .


وكان يغوص أيضا في بعض الكتب الدينيه الثابته في العقيده مثل كتاب الأصول الثلاثه وغيرهم من الاساسيه في شرع الله ويختم بأيات من كتاب الله ليكون اخر ما قرأه لسانه وسمعته إذنه هي ايات الله الكريم وبعض من أذكار المساء ويستلقي علي ظهره وينام لا يشعر من كثر يومه الشاق وتنتهي طقوس سرحان قبل نومه


نلقاكم ف الحلقات القادمه 

محمود السيد 




الحلقات السابقه :





تابع القراءة

1 محمود السيد يكتب : الثلاثه يشتغلوننـا

Monday, February 27, 2012


دعونا نتذكر سويا عندما قامت الثوره وتسلسلت أحداثها واحده تلو الأخري ..... فرحنا جميعا بالبيان رقم 1 للمجلس العسكري بدون القائد العسكري لهم مبارك أن ذاك وقولنا كده بالفم المليان يا فرج النبي معقول ده إنقلاب عسكري !! ويومها قال عمر سليمان نائب مبارك وقتها أن الحل هو إنقلاب عسكري القادم والأقرب كل ده ما كنش بيعدي علينا كده بالساهل وركبناهم علي بعض ووصلنا ان خلاص مبارك نهايته قربت كده !!

ويوم التنحي 11 فبراير يوم ما يتنسيش طبعا وسلم السلطه للمجلس العسكري والجيش ووقتها قولتنا الرجاله معانا من البدايه ونزلت الدبابات واتصورنا جمبها وفرحنا إلي أن كشر الذئب عن أنيابه وتحول من أخ حميم صديق ووالد رحيم إلي أم مفترسه تأكل أبنائها !!

من فض الإعتصام في شهر مارس والقبض علي ظباط إبريل مع الإختلاف معهم ومع تصرفهم وكذلك أحداث ماسبيروا ومجلس الوزراء وشارع محمد محمود وده كنت بنفسي شاهد عليه ودونته هنا في المدونه بالصور والفيديوهات وبدا الإحباط ينتشر ويسود هل إنقلب العسكر علينا ولبسونا اللامؤاخذه الخاذوق وضحكوا علينا وطبقوا المثل اللي بيقول يا مأمن للعسكر ع الثوره يا مأمن للحاجه علي المصروف !!

ومش ننسا جميعا طبعا مشاورات العسكري وديموقراطيه اللي بتتم في القوانين وعرضها والإستفتاء طبعا بينفذوها بحذافيرها بس بين بعضيهم والشعب عليه ينفذ فقط وعملوا إستفتاء مارس وقسمونا إثنين ولبسونا ف الحيط وف الأخر طبقوا اللي عايزينه !!

الماده 28 المصيبه اللي مش عايزين يغيروها دي اللي بتقول أن إنتخابات الرئاسه غير قابله للطعن فيها انتوا ليه خايفين !! مش تقلقوا مرتضي منصور مش هيترشح انا عارف هو تاعبكم علشان خلفيته في الطعون في نادي الزمالك الراجل خلاص اكتفي بخساره البرلمان :)) 


والنهارده المجلس بيختلف وعايز يعمل إستفتاء عليه شعبي طيب هتقولوا ايه المره دي المسلم يقول نعم والكافر يقول لأ والمجلس يطبق كالعاده اللي هو عايزه !!

والسجون العسكريه اللي حطوا فيه 17 ألف عسكري ومازلوا مستمرين لولا الضغوط عليهم يعني ف الاخر المجلس العسكري طلع بيشتغلنا وهو اصلا من جواه مش معترف بالثوره الظاهر كده وانا عن نفسي الفجري من خلال تعامل أصدقائي المقربين والموثوق فيهم حضروا اللقاءات يقولوا أن لغته ليس بها إعتراف بالثوره من الموظيف في صندوق المصابين تخلي عن وظيفتها بسبب هذا الشخص علي حد وصفه انا عن نفسي لم اتعامل معه ورفضت إجتماع تم مبادرته من مكتبه بعد أزمه محمد محمود ولكن لم اهتم .


نيجي بقه ع البلوه الثانيه اللي فقت مرارتنا كل يوم ورا الثاني وهو مجلس الشعب اللي كان املنا عليه عالي وقولنا خلاص مجلش الشعب هيأدب العسكري ويعرفه يقف عند حده وجه سياده النائب أكرم الشاعر يدعوا للقصاص من قتله الشهداء وإز بهم بعد ذلك يقولوا ما فيش خرطوش ويطلع رئيس المجلس ييقولك بلغني وزير الداخليه انهم ما ضروبوش خرطوش !!!

ما هو لازم حد يموتلكم او يتقتل ويتصاب علشان تعرفوا ان الله حق زي شهاده الأخ المحترم محمد الهلباوي اللي ماسك حمله ابو اسماعيل في اسكندريه فاكرين تعليقه علي البنت المسحوله الشريفه اللي حذائها برقاب الجميع وأول ما اخته اتخطفت قال انا اسف حسيت وجربت وعيشت اللحظات

واليوم أري مجلس الشعب يقول أن الأدب الإنجليزي قد يكون دخيل علينا من الخارج من أجل ترك أصولنا ويطالبوا بإلغاء تدريسه كلغه ثانيه

ومن قبل راي بعض الأعضاء الموقرين ان أن الثوار بياخدوا ترامدول ووجبتين !! ما هو اللي انا اعرفه انا الرجاله في الشارع وسايبين الجماعه في البيت :))

ما علينا يا عم الحاج دول اللي ماسكين البلد دلوقتي خلينا ننافقهم شويه وناكل عيش ف البلد دي :)

وطلع مجلس الشعب فشنك وبيشتغلنا هو كمان في واقع والناس في واقع اخر وهيخلوا الناس اللي بنتحايل عليهم يامنوا بالثوره لأنهم ناس غلابه وإلي الأن مش شايفين من الثور غير فواتير بتتدفع علي قفاهم هيكرهوا ويطلعوا يقولوا إحنا أسفين يا مبارك :(

كده طلع مجلس العسكري والشعب بيشتغلونا تفتكروا بقه مين الثالث اللي بيشتغلنا !!! مستني تعليقاتكم ونقاشكم في الطرف الثالث اللي كلنا عايزين نعرفه :))
تابع القراءة

0 إنسحاب موفق د.برداعي

Saturday, January 14, 2012




عندما أستقبلت شباب الحريه د.برادعي في العام القبل الماضي ف فبراير تحديدا تدفق حوله الكثير مما تعلقوا بأخر قشه لإنهاء جبروت وحكم مبارك وكان يدعونا لذلك الكثير من الأسباب ومنها أن د.برادعي شخصيه دوليه لا يجرأ النظام السابق علي المساس به كما فعلوا من قبل ب د.أيمن نور وغيره من المعارضين الشرفاء الذين حملوا علي عاتقهم قضيه الوطن .


وألتف حوله الكثير من الأفكار منهم من هو شيوعي ومنهم من هو إسلامي ومنهم من هو ليبرالي ومنهم من هو بسيط ينادي الحريه وليس له مطامع أخري  .


وبدأت التصريحات بأن النزول سيكون مره واحده للشارع تنهي فيه نظام مبارك وأعوانه وبالفعل كانت أرداه قويه من شبب جيلي لا يعرف معني للهزيمه وقدمنا الكثير للوطن أنذاك ولم ترهبنا دوله لعواجيز ولا دوله الظلم بأصواتها الشريره المنبثقه من مدافعها فاليوم مبارك وأعوانه ف السجن والبقيته تأتي بإذن الله ولكن دعوني أعلق لكم ع إنسحاب د.برادعي ولمأ أراه إنسحاب موفق


وذلك لعده أسباب :
  • بعد نتيجه الإنتخابات البرلمانيه وإكتساح قوي للإسلامين .


  • أن الرئيس اقادم سيكون إما ذو شعبيه كبيره ف الشارع أو مدعوم من الإسلامين الأكثر تنظيم وتواجد ف الشارع وهاذين السببين لا يتمتع بهم د.برادعي فالأول يتحمل نسبه كبيره منه فشل حملته وإنقسامات كثيره داخلها والثاني أنه من المستحيل أن يدعم الإسلامين د.برادعي .


  • إنضمام الكثير من المشوهين للحريه والليبراليه إلي حمله البرادعي فمجرد المناده بالبرداعي رئيس فهذا يضره أكثر ما يفيده أمثال العاهره علياء المهدي وغيره من الشذوذين والمنادين بهذا الفكر لذلك أري في حملته النسبه الكبيره من فشل البرادعي ف التواجد بين الناس وأتساع شعبيته .


  • بلال فضل : البرادعي انسحب لأنه سياسي محنك لو كان يدرك أن فرص نجاحه ضخمة لما انسحب. بلاش نغالط بعض. ده مش قرار ثوري.ده قرار سياسي صح :) .


 وف النهايه الثوره ليست مملوك لشخص بعينه أو جماعه بعينها إنما هي ملك للشعب والشباب بأكمله .


فدخول البرادعي معترك الإنتخابات السياسيه لا تحزنوا سيكون نفس مصير توفيق عكاشه ف النهايه لم يحظي بأصوات عديده وسيكون ورقه غير رابحه لذك أتفق مع بلال فضل ف وصفه لقرار البرادعي بقرار سياسي وليس قرار ثوري .. وفق الله لجميع وولي من أصلح



تابع القراءة

3 الثوره تنهار بييد ثوارها !!!

Monday, December 12, 2011

هو فيه أيه يا شباب لم تعد تتظاهر وتتفاخر بكونك ثائر من ثوار 25 يناير إلي أن تنهال عليك السباب والألفاظ يا من خربتوا البلاد يا من سرقتوا البلاد يا من قسمتوا الشرطه يا من هجمتوا علي الأقسام  ..... وفي النهايه أدي الثوار وأدي الثورجيه وأدي اللي أخدناه من الثوره !!!

وكأنك كنت عايش في باريس أو كندا أو أمريكا و غيرها من الدول المتقدمه !!

هذه عبارات نسمعها جميعا يوميا بل كل ساعه بل كل لحظه عندما يكتشفك الأخرون بأنك من شباب 25 اللي شاركوا في إنهاء نظام فاشل سرق الكثير من البلاد ونهب خيراتها وأهلها وسرطن الغذاء وقتل الأطفال بالأميه التي نشرها من خلال خروجهم مجبرين من مدارسهم لمساعده أسرهم علي إستحمال مشاق الحياه والتكاليف الذائده وغيرها من هموم لحياه اليوميه التي نمر بها جميـعا .


ما بتسألش نفسك سؤال وتقول هو في أيه !! .. الناس دي كانت إمبارح لسه فرحانين بالثوره أول ما نجحت بإسقاط أول أقطاب النظام السابق أيه للي حصل لده كله .

هل فعلا كرهنا الناس ف الثوره زي ما بيقولوا ؟
هل فعلا الثوره تغيرت مساراتها من أهداف عامه إلي أهداف خاصه ؟
هل فعلا سيطرت ع الثوره جماعات أو أحزاب لم تكن من الأساس مشاكرين فيها أو داعمه لها من البدايه ؟


كل هذه الأفكار والأسأله تدور ف رأسك وتحتاج إلي إجابه .....


إليكم بعض النقاط الهامه ف هذه المسأله .

  • يجب علي الثوار وأبناء الشعب المخلصين المشاركين ف الثوره من البدايه العمل علي توعيه الناس بجو الثوارت !!يعني يفهموا إن ما يحدث الأن من تعطل بعض الإنتاج و إرتفاع بعض الأسعار راجع إلي بعض الإنتهازين من أبناء النظام السابق مازالوا مسيطرين ع بعض المنشأات الحيويه والسيطره عليها من جانب شرفاء يحتاج لدعم من أفراد الشعب .
  •  يجب علينا أيضا توعيـــه أفراد الشعب بمخاطر ما يسموا بالفلول القائمين ع الثوره المضاده وهم أصحاب هذه الإشاعات من إنفلات أمن ومش هتلاقي تاكل بكره والعجله واقفه !!.
  • يجب علينا تقبل الحوار بصدر رحب دون النرفزه أو التعصب وتمالك أعصابك فأكسب تعاطف من حولك ودعمهم لقضيتك خيرا من أن تكون صاحب قضيه وتخسر الأخرين دي نقطه هامه ف نجاح كثير من الحوارات .
  •  يجب علينا أيضا تصحيح مسار الثوره من مطالب سياسيه بحته إلي مطالب شعبيه أو إعاده التوازن بينهما .
  • يجب علي الحاكم ( مجلس العسكري ) أيضا تسليم السلطه ف أقرب وقت لرئيس مدني يجتمع عليه الشعب من خلال صندوق إنتخابات .
  •  يجب علي الأحزاب تفعيل المصلحه العامه علي المصلحه الخاصه من كراسي وزاريه أو برلمانيه تنهي بالبلاد ف فتنه .

فيجب علينا جميعا أن نعمل سويه علي عدم إجهاض الثوره ولكن هذه المره سيجهضها من قاموا بها فلا تستغرب أم تلاقي حد من اللي كان ثائر معاك بالأمس هو من يختلف معك اليوم .. الموضوع وكل ما فيه هو أن الحكايه أن صاحبك مرض بالفرجه علي التلفزيون المصري !!!

يعني كل العصبيه دي وتكتم ف نفسك وتسأله انت شوفت ده فين يقولك التلفزيون المصري :((( بتبقي عايز تقوم تلكمله بس ده بيني وبينك أوعي تقوم تعمل كده ... الموضوع محتاج حنكه إداره حوار لصالحك .

يعني علي سبيل المثال : 

اليوم كنت ف زياره أحد مدرسين كليتي ف المنصوره وكان يوجد حوار حول أحداث محمد محمود وإعتداء الأمن وما شابه ذلك في التحرير فكان لي لشرف أني اعتصمت معاهم أيام بسيطه  ولكن تواجدت يوميا بإستمرار ف الميدان وعيشت الأحداث لحظه بلحظه منذ إندلاعها وقلت بها شهادتي هنــــا ولكن هذا الدكتور كانوا من المؤيدين للثوره من قبل قيامها ولا أشكك ف وطنيته وحبه لمصر وحرصه عليها ولكن عندما وجدت منه حده ف النقاش سألاته أنت بتشوف الكلام ده فين ف التلفزيون المصري !!!

قالي أه .... هنا بقه كان لابد من التوضيح بالصور والشهاده الصحيحه بصفتي واحد ممن حضروا الأحداث وغالبها ووضحت ليه ان المصابين دول بتوع محمد محمود معظمهم أطباء وصيادله وده حقيقي روح وشوف القصر العيني الفرنساوي وبدأت ف تغير المسار اللي واخده عن شباب ورجال محمد محمود ..

هل التحرير يتواجد فيه بلطجيــه !!! أيوه ليه لأ انت تحت ايدك 50 ألف واقفين أزاي تقعد تسيطر عليهم أكيد لأ ولكن بيطهر الميدان أول بأول

في النهايه شايف الشفره ف إداره هذه المعركه الجداليه هي فن الحوار وإنك توصل ليه المعلومه الصحيحه ونخشي ف النهايه أن تنهار الثوره علي يد ثوارها .


التوعيـــــــــــــــــــــــه هي الحـــل .




الصفحه الرسميه محمود السيد 
 الحسابي الشخصي ع الفيس بوك
 
تابع القراءة

0 لا لخلــط الجيــش بالمجلـس

Wednesday, November 16, 2011









عندما تجدني بكل قسوه وعنف أوجهه النقد اللزيع شديد اللهجه للمشير حسين طنطاوي لأنه فاجأنا يوم تخريج دفعه جديده من أكاديميه الشرطه وكان أول ظهور له أنهم جميعا أجمعوا علي عدم إطلاق رصاصه واحده تجاه الشعب المصري يعني بالعربي كده بيقولك أحنا حمينا الثوره والثوار من القمع والهتك بيهم زي ما عمل فيهم العادلي وجنوده الله ياخدهم .


وإذ فجأه يطلع علينا بعد شهادته ف محاكمه مبارك بأنه لم تصدر لهم أي أوامر بضرب المتظاهرين من مبارك أو غيره !!!


المشير المشير بيرد علي المشير الشاهد !!! وفجأه ظهر فيديوا ليه في الأكاديميه وقتها أنه قال كده ولكن كان يزاع لأول مره !!


وعندما يتهاون المشير في محاكمه عادله لقتله الشهداء ومصابي ثوره 25 يناير ولا نريد أخد العاطل ف الباطل ومحاكمات ثوريه بل نريد محاكمات عادله وفقا للدلائل والشهادات الموجوده بدون الضغط ع اي طرف .


عندما يتهاون أيضا في محاكمه الفاسدين ومبارك وأعوانه وسرعه القبض عليهم إلا بعد رغبات شعبيه شديده ومظاهرات كثيره !!


وعندما يتأخر الإهتمام  برعايه مصابي الثوره وأسر شهداءها إلي الأن !!


وعندما يترك النظام القديم كما هو مسيطر علي الوظائف الحكوميه من خلال المجالس المحليه وغيره بدون حلها !!


وعندما نجده لا يفتح تحقيق لواقعه ماسبيروا ليكشف لنا من هو السبب الحقيقي ويترك أصحاب الفتن من قساوسه و مشايخ لم يقدموا للمحاكمه !!


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


وعندما تجدني أوجهه نفس الإنتقاد شديد اللهجه للسيد اللواء الفنجري صاحب تحيـــه الشهداء الشهيره التي أسلجت صدورنا جميعا
لأنها توحي بإعترافهم بأرواح الشهداء النقيه الطاهره عندما يخرج علينا مهددا لنا ومشيرا بأصبعه !!!


وعندما تجدني أوجهه له اللوم الشديد بصفته نائب رئيس صندوق رعايه أسر شهداء ومصابي اثوره ويتأخر في تحقيق الحياه الكريمه والمناسبه لعلاج المصابين معاشات للحالات الحرجه  منهم من شلل و كفف وغيره وسفر الحالات للخارج إلي الأن بعد مرور ما يقرب من 10 أشهر  !


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
 وأقولك ثاني  رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني أيضا أوجهه نفس اللوم شديد اللهجه لملك الإشاعات اللواء الرويني عندما يخرج علينا متهما شباب نقي ومحترم شارك بخبرته المعقوله السياسيه في الثوره المصريه من حيث التغضيه و المشاركه كأي مصري يحب البلد دون الزعامه لأن الثوره قامت بشعبها وليس بحركه او حزب ويتهم بالعماله ويعود ويطالبوا الحركه بإجتماع مع المؤسسه العسكريه ودعوتهم للقاءات السياسيه !!


وعندما تجدني أوجهه له كل اللوم بما سببه من إحداث فتنه ووقيعه بين أبناء الشعب في واقعه العباسيه زهق فيها الأرواح وقال لأهالي العباسيه أحزروا من الشباب جايين يولعوا في بلدكم وكل الحكايه كانت مسيره سلميه لوزاره الدفاع إتفقنا معها أو إختلفنا .




لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الثالثه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني للمره الرابعه أوجهه نفس اللوم شديد اللهجه وللازع للواء ممدوح شاهين ترزي القانون بتاعهم عندما يقولك الدستور ما سقطش ورجع سقطه ورجع دخل تعديلات وبعدها أعلن إعلان دستوري يعني مالوش لازمه الإستفتاء من الأساس وعندما يقولك المجلس لا يصنع دستور ولا يشرف عليه ودلوقتي بيصنعوا وعندما يقولك 6شهور وهنطير ونسيب البلد لمجلس مدني واتاريهم مشرفين ل إبريل 2012 ..


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الرابعه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


أرجوكم لا تخلطوا بالمجلس والجيش ... الجيش المصري العظيم له منا كل الإحترام .




وإليكم هذه العباره إنها خارج المساق ولكن أريد منها التشبيه

إن انتشار ( الكفر )في العالم يحمل نصف أوزاره ( متدينون ) بغضوا الله إلى خلقه بسوء صنيعهم وسوء كلامهم

قالها العلامه محمد الغزالي يقصد بها أن من نسب نفسه للدين يسؤه في نفس الوقت لذلك هذه دعوه منه لعدم نسب أفعال الأخرين من لمتدينين إلي الدين وأقولها لا تنسبوا غباء المجلس العسكري إلي الجيش .


وعندما رأي أول رئيس مصري اللواء محمد نجيب بعدم دخول الجيش في السياسه كانت النتيجه عزله وإجباره علي التنحي .






وإليكم بعض المقولات التاريــخيه تعزيزا عن الفصل بين الجيش والسياسه




المشير محمد عبدالغني الجمسي وزير الحربية (الدفاع) المصري السابق:

إن الرجل العسكري لا يصلح للعمل السياسي قط، وإن سبب هزيمتنا عام 1967 هو اشتغال وانشغال رجال الجيش بالألاعيب في ميدان السياسة؛ فلم يجدوا ما يقدمونه في ميدان المعركة






من أقوال الفريق سعد الدين الشاذلي رحمه الله:


"ليس هناك خلاف حول حتمية تبعية القيادة العسكرية للقيادة السياسية، حيث أن الحرب هي امتداد للسياسة بوسائل أخرى. وفي الدول الديموقراطية تكون القيادة السياسية منتخبة بواسطة الشعب، وبالتالي فهي تمثل الشعب وتعمل على تحقيق أهدافه، في حين أن القيادة العسكرية غير منتخبة وبالتالي يجب إخضاعها لإشراف القيادة السياسية"


كتاب: مذكرات حرب أكتوبر





من أقوال اللواء محمد نجيب في كتابه: كنت رئيسا لمصر:

":لقد خرج الجيش من الثكنات، وانتشر في كل المصالح والوزارات المدنية فوقعت الكارثة التي لا نزال نعاني منها إلي الآن في مصر,, كان كل ضابط من ضباط القيادة يريد أن يكون قويا فأصبح لكل منهم "شلة" وكانت هذه الشلة غالبا من المنافقين الذين لم يلعبوا دورا لا في التحضير للثورة ولا في القيام بها"






يوم 18/11 كلنا نازلين نقول لألألألألألألألأ للإستمرار المجلس العسكري في الحكم لأنه ما بيعملش حاجه لينا من أهداف الثوره تعالوا نتفق علي مجلس مدني ونرشح شخصيات ونقول زي ما الراحل السادات قالها بعد وفاه عبد الناصر وطرح إسمه للإستفتاء الشعبي كرئيس جمهوريه لو رفض أول إسم نرشح ثاني وثالث ورابع لعند ما يشمل كل الفئات الشعبيه بكل طوائفها ونعمل بقه من أجل بناء البلد وتنميتها ويظهر لينا ثمار الثوره اللي هما مصرين علي جعل الفئات والطبقات البسيطه لكرهها .



يوم 18/11 هيكون إسترداد الثوره بإذن وإستكمالها من العسكر اللي سرقها مش حماها !!
هينزل الإسلامين علشان المبادي الفوق دستوريه
هينزل المصابين وأهالي الشهداء علشان حقوقهم في العلاج مهدوره .
هينزل لا للمحاكمات العسكريه علشان ال 15 ألف المحبوسين من المدنين
هينزل أطباء التحرير علشان الفساد الموجود في وزاره الصحه
... هينزل من رجاله 6 أبريل المخلصين للبلد دي علشان يتضامنوا
هينزل الليبرالين والعلمانين علشان يقولوا لا لحكم العسكر
هينزل أصحاب الثوره من أبناء الشعب لحمايه ثورتهم
هينزل شرطه العادلي علشان يطحنوا من الثوار ( العادلي بس المحترمين لأ )

يوم من أجل مصر لابد من كسبه جميعا ... انا نازل يوم 18/11 وهعتصم لو كلنا أجمعنا ع كده وانت موقفك ايــه


التوعيــــــــــــــــــــــــــــــه هي الحــــــــــــل



محمود السيـد


fb.facebook

تابع القراءة
 
مدونة ناشـط إيـجابـي © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates