الفتنه لم تنتهي بعد فالقادم أســـــــوأ إن لم تتحركوا

إمبامبه دي مقدمه فقط لكبت و تباطئ قانوني المشكله الناس باصه ليها علي أنها فتنه طائفيه بين مسلم ومسيحي ولكن المنظور بتاعها أكبر وأعلي وأسع وزي ما نت عايز تقول قول أكبر من كده ليــــــــــــــه بقه 

زي ما قالوا السلفيه أيوه السلفيه يا عمنا في مشكله صول بأطفيح وهما اللي هدوا الفتنه ورجعوا الطمأنينه للناس المسيحين هناك والكل رضه بحكمهم وده لأنهم أهل ثقه عن المجلس العسكري والشعب علي الرغم إن لينا بعد التحفظات علي أرائهم الدنيويه وليس الدينيه لأننا لسنا أهل ذلك .... المهم بقه 

دلوقت أي حاجه تحصل تلبسها السلفيه ويطلع الإعلام يقول يا جدعان ألحقوا السلفيه بيخربوا في البلد ويطلعك شويه عيال شبيحه كده زي اللي في سوريا ويخوفوا أهلنا هناك يركبوا علي الموضوع ويخلصوا فيه وتلبس السلفيه في الأخر .

الموضوع دلوقت بقه أكبر من كده ليه لأن فيه فتنه يبقي فيه أسباب يبقي فيه أشخاص يبقي فيه تصرفات يبقي يبقي يبقي هي كده طبعا مش شيطاني والعياز بالله ولا أيه ....

الأسباب من وجهه نظري المتواضعه لحل الأزمه دي ونخلص بقه وكفاينا شعارات ومسكنات 

• إنشاء مشروع دور العباده الموحد اللي هيدخل الكنيسه والأزهر تابعا للدوله وما فيش حاجه إسمها الكنيسه دوله داخل دوله الكلام ده كان زمان ولا الأزهر ليه قراراته المنفرده.

• محاسبه كل رمز من رموز الفتنه في الأزهر والكنيسه ومش بس كده سيبونا إحنا بقه نتصرف معاهم هاتووم بس وما لكوش دعوه ...

• إعاده تصحيح الخطاب الديني في الأزهر والكنيسه .

• السيطره علي القنوات الإسلاميه والمسيحيه اللي بتروج للفتنه دي والنهارده واحد مسيحي علي قناه الحياه مع رولا خرسا بعت ليها إسماء القنوات المسيحيه المستفزه اللي بتسفز مشارع المسلمين .

• نشوف بقه أيه حكايه الأسلحه اللي موجوده في الكنيسه دي والكلام ده بقه مش كلامنا وزير الداخليه بنفسه بيدرس دلوقت قرار لتفتيش الكنائيس وإخلائها من الأسلحه .

• زي يا جماعه ما بتقولوا السلفيه السلفيه والبع البع القادم ياريت برده نشوف المتشدين اللي داخل الكنيسه الأرثوذوكسيه وده من كلام معظم الأقباط نفسهم ..

• لابد من سياده القانون علي كل الكنيسه والأزهر بيحث الأمر القضائي وتحقيقات النيابه لا ترجع ولا ترد .

• نشوف بقه شويه العيال بتوع أقباط المهجر وبتوع البع بع السلفيه المتشددين اللي عاملين مواقع بيشتموا فيها ويسخنوا بعض وبالأخص بتوع المهجر ليه بقه لأنهم بيسبوا في النبي محمد أما البع بع التانين اخرهم يسبوا في أشخاص مش نبينا عيسي لأننا مأمنين بيه برده ونردع المواقع دي لأنها سبب في الفتنه برده .

• نجيب حد عاقل من الطرفين الكنيسه والأزهر يقعدوا مع بعض والسلفيه كمان ونحل بقه حوار المختطفات ده ونخلص من قمع الكنيسه .

• ثوره من داخل الأزهر لتطهير رموز الفتنه وثوره أيضا من داخل الكنيسه لتطهير رموز الفتنه اللي كانوا موجودين ومأيدين للنظام السابق المفروض يتردموا كده كلهم من الطرفين

ساعتها بقه بعد ما ندرس الكلام ده ونشوفه ممكن نقول بقه الفتنه إلي طريق النهايه غير كده هنشوف لسه الجاي أسوأ صدقوني فيه قله مندسه من الطرفين عايزه تزعزع الإستقرار ونقول في النهايه ولا يوم م أيامك يا مبارك وكمان يعني ايه شويه عيال كده يروحوا النهارده عند ماسبيروا يقولوا عايزين حمايه دوليه ويطلع واحد تيت زي نجيب جبرائيل رئيس حروق الإنسان في مصر اللي هو أصلا بعيد كل البعد عن الحروق دي يقولك هنلجأ إلي الحمايه الدوليه ........ لمين بقه الكلام ده عدوا عدوا عدوا بقه كللام فاضي صحيح


وفي النهايه يا شباب كلنا أخوات ومشتكرين في المصير الشوري المحشور زي ما قال الزعيم رغم إننا زعلاننين منه بس يلا شاهد

الموضوع خطير ولااااااااااااااازم وقفه من الطرفين

دمتم في سلام الله وحفظه