التسجيل الصوتي للرئيس المخلوع مبارك

أنا مش مصدق بجد أيه الحلاوه دي مش عارف يا جيشي يا جميل ألاحق علي أيه ولا أيه والله أنت صعبان عليه بجد من اللي انت فيه
يعني أقولك تباطئ في محاكمه الفاسدين ولا تأخر محاكمه رموز الجزب الوطني ولا شغلك لوحدك والإنفراد بالقرارات ده ولا
اللي حصل في ميدان التحرير ليله 9 فبراير .
كله كوم ومبارك ده كوم تاني بقه قولنا حاكموه الراجل أتشل وبعدين طلع أحد المقربين قال ده بقه إخرس ومش بيتكلم يسمع من بوؤك يا خويه....

وبعدين في الراجل ده هو عايز أيه عايز مصر تبقي ليبيا يعني ولا العراق والشعب يقتل في بعضه ولكن بجد الراجل ده بيثبتلي غبائه كل مره وكل تصرف بيعمله ...
يعني تعنته وتأخره في الظهور علينا ايام الثوره قلب الموازين ضده
دلوقتي المفروض يمثل قدام النيابه قالوا إخرس  وهيروحله في دوله شرم الشيخ قضاه يحققه معاه هو بقه بغباء جمي أبنه طلع في تسجيل صوتي وخصه للعربيه وإتكلم فيه

التعليق علي التسجيل بقه :

• بيقولك كذب وإفتراء الكلام علي ثروتي دي يعني قالوا للحرامي إحلف أنتوا عارفين الباقي بقه .
• بيقولك أنا علي إستعداد علي أي مكاتبات لمخاطبه الجهات الخارجيه علشان الإطلاع علي ثروتي .
• الإخوه المواطنون هو مفكر نفسه لسه الرئيس ولا ايــــــــــــــــــــــــــــــــــه؟
• جيمي ولول براء من تضخم ثروتهم من السلطه ؟؟؟؟؟؟؟ دول عيال كسيبه لأ يا شيـــــــــخ .........
• تقليب الورق في الصوت زي البيانات ؟؟؟ هو الراجل ده أما تنحي أخد رجالته معاه لسه ولا ده كلام جيمي ....
• السلاموا عليكم أول مره يقولها في خطابته بجد عايز أترمي في حضنه وأعيط ...............

إحنــــــــــــــــــــــــــــــــــــــــا إسفين يا رئيس بجد العيال التيت دول إزاي بيظلموك كده انت ما عندكش فلوس خالص كلهم كذابين وانت اللي صح سويسرا كذابه والإتحاد الأوربي اللي جمد أرصدتك كذاب واللجنه اللي مسافره كذابه وكله كذاب يا كبيرنا ....

إزاي طل علينا بطلته البهيه وسجل التسجيل ده ؟؟؟؟؟؟؟؟
ولا عنده غرفه ساون في القصر الجامد ده بجد تصرفات الراجل ده والبيانات اللي كان بيطلعها ما لهاش غير تفسيرين

1. عايز يوقعنا مع الجيش وده في المشمش و من هنا يحرج المجلس الأعلي للقوات المسلحه .
2. يعمل حرب أهليه بين متعاطفين معاه وناس كشفاه ونرجع بقه نشوف مواقع زي الجمل .

أنا بقوووووووووووول نروحح علي ميدان مصطفي محمود بقه ونقوله إرجع يا ريس إنفخنا وكمل سرقه فينا بس ما حدش سأل نفسه سؤال إشمعنه في التوقيت ده يعني اما يومه قرب بقه 
خلااااص انا بقول نروح نستقبله عند النيابه بالطبل والزمر ونقوله إسفين يا كبيرنا 




بجد أحا علي المجلس العسكري عيب قوي كده أما نشوف بقه البيان علي الفيس بوك بتاعكم هيقول ايه 


وياريت وأنا بعلنها من هنا وأقسم بالله هوافق 
أنا عايز إقامه جبريه زيه يكون فيها قصر جامد وحرس وفلوس ومزز والله والله والله ما هتكلم ولا أطلع بيانات زيه وأحرجكم بقه
شوفته إني أحسن منه فكروا وردوا عليه