ثغره الشعــــــــــــــــب المصري لدي الإخوان إترصدت خلاص ....

في علم الهاكر في حاجه إسمها ثغره بيستخدمها الشخص الهاكر في إقتحام جهاز أو سرفر الضحيه ومن خلالها بيعمل كوكنت علي السرفر أو الجهاز وفي الغالب بتكون حاجه كده إسمها بورت مفتوح أو مشكله في لغه البرمجه لدي السرفر ,,,,,,,,,,,,,,,,,
يعني أنا من باب حبي للعلم ده وعندي فيه خلفيه كويسه حبيت أربط بينه وبين اللي حصل النهارده أو بمعني أصح علي مر الفترات الماضيـــه ’,,,,,,

الشعب المصري كان فيه ثغره كبيره قوي للنظام السابق وهي الخوف والجهل والسلبيه واللامبالاه اللي ورثها للأسف من أجيال الأجيال و تم توراثها إلي أن وصلت إلينا وكان ده سبب إستمرار النظام السابق الفتره دي كلها من حوالي 60 سنه إلي الأن والتحرر من العسكر
ولحظه رجوع د.برادعي ورصده للثغره دي وكلامه الدائم في رجمه ليها وترميمها وعمل جدار ناري لسد إستغلال الثغره دي من قبل النظام السابق
من خلال نشر التوعيه و كشف ثغرات الشعب لنفسه بدأ الشباب في التحرك والتضحيه بنفسه في سجون ومعتقلات وترخيم بقه من أمل الدوله ( بتسكين اللام ) .

وكان خالد سعيد الله يرحمه أيضا في تحصين الشباب بالتحميس ومن هنا بدأ هدم وكشف كل اللي متخفي وراء الثغره دي وبعد القضاء علي النظام القمعي السابق بدأ يظهر لنا ( الشعب  الطيب ) مستغلي للثغره أيضا من إناس بيننا لم نتصور لهم بذلك
ولكن الشباب المتابع والواعي يعرف هذه الفئه الأخري المستفيده من الثغره الموجوده لدي الشعب المصري,,,

الإخوان كانوا بيدونا درس اليوم في ميدان التحرير وللثوار اللي بدأوا يتكلموا وينشروا حوار 23 يناير مع د.عصام العريان وأنهم لا علاقه لهم ب 25 يناير وأنهم بيرفعوا 10 مطالب فقط من أجل تهدئه الأوضاع  وأنهم ركبوا الثوره في التحرير وشبه سرقوها من الثوار بعد رفضهم المشاركه أصبحت الثوره جميله وحووه ......

أنا لا أنكر دور الشباب القليل اللي شارك معانا يوم 25 يناير من الإخوان ولكني أتحدث عن فكر ومنهج ,,,وأيضا دورهم في إستخدام شعارات الدين في إستفتاء الدستور يوم 21 مارس الماضي
وبعد الهجوم المحق من الشباب صاحب الثوره علي الإخوان لكشفهم علي عامه الشعب وتحذيرهم من أن هناك مؤامره لخلق ديكتاتور جديد ولكن في عباءه الدين هذه المره ....

فأراد الإخوان إعطائنا الشباب الثائر درس علي هذا التطاول عليهم وكشفهم أمام جموع الشعب العظيم فقرروا عدم المشاركه في مظاهره المليونيه اليوم بتاريخ 1 أبريل وسحب رجالهم وسحب شعارتهم الدينيه التي كانت تجعل من الناس الخروج ولكنهم نسوا أنهم يخاطبوا شباب ثااااااااائر أطاح بمن لا يستطيعون إطاحته في ستين عاما من أيام الزعيم عبد الناصر ,,,,

اليوم إتحداك لو شوفت إخوانجي في التحرير أو سلفي غير إنه مع نفسه كده راح يعني مثلا علي سبيل المثال :
يعني انتوا عارفين إني مصاب من مصابي الثوره في قدمي ومش بخرج كتير غير للضروره كنت علي الفيس معظم اليوم وبرصد الدنيا ماشيه إزاي كان رمز إخوانجي علي الفيس عندي قاعد علي الفيس وهو كان إمبارح بيدعوا للخروج علي التحرير مباشره وعدم التظاهر في ميادين في المحافظين وأنهم كشباب إئتلاف الثوره لا علاقه لهم بالمظاهرات في ميداين المحافظه وده خلا الثورجيه يهيجوا عليهم بالسباب والقذف في الصفحه :)

وكمان اليوم وانا خارج من المسجد وقت صلاه الجمعه لقيت إخوانجي بارز في بلدي لم يذهب للتحرير وغيييييييييييره كتير علي الجمهوريه ولكن بفضل الله الشباب نجح اليوم في مظاهره المليونيه وسنظل إلي الأمام دائما

لذلك أنبه الإخوان بأن ثغره الشعب المصري خلاص إترصدت وتم وضع برنامج مكافح للهاكر ممتاز وهو نشر التوعيـــــــــه
وأصبح الشعب وااااااع

لا شعارات دينيه نافعه ولا تزوير في الإنتخابات  نااااااااااااااااااافع

التوعيـــــــــــــــــــــــــــــــــــه هي الحـــــــــــــــــل