قلمي جـــــف .......................يا ولاد الهرمـــه

أخر مره طليت عليكم بموضوع جديد ليه كان يوم 11 في الشهر ده ووكان مجرد بحث قرأته وحبيت إضيفه إلي معلوماتكم وهو كان إقتراحات للمجلس العسكري إقتصاديه تقدر ترجع له......

ومش لاقي كلام أقوله ولا حاجه أعلق عليها ولا أدونها قولت وبعدين بقه معقول مش هاكل عيش في البلد دي بعد الثوره ......
قعدت أستني أي حاجه أعلق عليها مش لاقي تعالوا نشوف كده

الأول : الأمن ما شاء الله في الغالبيه بقوا ناس سكره وناس محترمين يارب يهديهم دايما و وبدأوا يشتغلوا وينزلوا الشارع فعلا وبكده ما بقاش فيه أمان نراظي فيــــــــــه و أما الشباب بينزلوا مظاهرات الجمعه بجد بيحزنوا إدمان بقه بعيد عنكم الغازات المسيله للدموع والضرب والكلام ده ولكن تمام كده .............وربنا يديمها نعمه علينا ويحفظها من الزوال ويهديلنا الأمن كده دايما...

الثاني : مجلس الوزارء كان تعليقانا معظم شباب الثوره والإئتلافات في جميع المراكز كان فيه إجماع عن لابد من خروج كل من وزير الرشوه مشعل بتاع الإنتاج الحربي و كمان د. يحي الجمل وده شيدووووووووا تحتيه عشروميت خط ليه بقه

• تقاعسه فتره طويله في ملف الإعلام وتخلصيه مره واحده .
• بيظبط قانون كده ويفصله في محاكمه الحراميه والتصالح معاهم جنائيا علي حد ما سمعنا ...
• تصريحاته وسقطتاته اللي بتشعل الفتنه كتير وكلامه الذائد عن الماده الثانيه بطريقه مستفزه .
• حديثه ودفاعه عن محاكمه فتحي سرور بحجه أنه صاحبه ......
• وتطاوله علي الذات الألاهيه في برنامج مصر النهارده مع خيري رمضان .

فالبتالي كان لازم يمشي من وجهه ناس كتير وكمان هو مش أضاف حاجه للوزراه بل بالعكس سمعنا عن خلافات كتيره بينه وبين السيد عصام شرف....

الثالث : تأخر ملف محاكمه الفاسدين والرئيس المخلوع الحرامي هو عياله ووزارته كلها دلوقتي كلهم مشرفين في طره لسه الهانم زي ما بيقول الوزراء وهي سوزان مبارك اللصه الحره ولكن هتنضم إن شاء الله خلال أيام

الرابع : كله كوووووووووووووم والبند ده كوم تاني فئران الحزب الوطني مش هلاقي حد أقاضيه كده
يعني لا أمن أراظي فيه
ولا حزب وطني أقاضيه
أقوليلي بقه أعمل ايه في الفراغ ده ؟؟؟؟؟؟؟؟؟؟؟؟؟؟؟

وقال أيه صلعت السادات بيقولك الجديد قال ليه يعني هي نقصاك انت كمان أرحموووونا بقه هو طعم الحزب حلو كده كل اللي يدخل فيه ويدوق طعمه يبقي مش عايز يخرج من أمه لازم نخلعك ولا ايه يا صلعت :))))))))))

مش لاقي مواضيع بجد أكتب فيها ولا أعلق عليها زي ما رصدت ليكم كده  وحالنا وقف وهنتجه بقه لهدفي الأساسي وهو نشر التوعيه وكل فتره أضيف ليكم معلومه نسفتاد فيها مع بعض وياريت تتابعوا مشروعي وهو قريتك دولتك وأحب أقول للحراميه في الأخر

قلمي جف يا ولاااااااااد الهرمه