• قالب جميل ومناسب للمدونات الشخصية ، يحتوي على العديد من الميزات والسمات الانيقة
  • نسخة مطورة من قالب مدونة رشيد ، قالب مناسب للمدونات الشخصية ويوجد به عدة اضافات
  •  تعرف على افضل عشرة مدونات على مستوى العالم ، للتبين اين انت من هؤلاء
  •  تعرف على قائمة اكثر 30 مدونة عالمية تحقق الربح من التدوين ، وتعرف على السر الحقيقي وراء تحقيقهم لهذه الاموال من المدونات
  • اجعل صندوق التعليق في مدونتك اكثر احترافية ، واضف عليه الوان جميلة لتبهر زوار مدونتك بأناقته

إقتراحات إقتصاديه للمجلس العسكريه مستوحاه من ثوره يوليو 52

Monday, April 11, 2011


ثوره 23 يوليو 1952 تقريبا لو راجعتها هتلاقي التاريخ بيعيد نفسه نفس الأسباب ونفس الإهداف ولكن الإختلاف في سياسه تطبيق أهداف الثوره ..........

يعني ثوره 23 يوليو كان المجلس العسكري صاحب الإنقلاب مشغول بتحقيق الإستقرار وإستعاده الثقه للخارج بعد تغير السياسات والأشخاص بالإنقلاب اللي معظمنه عارفه ......
علشان كده علموا مبدأ جميل أدي العيش لخبازه يعني مالهومش في الإقتصاد عملوا أيه بقه وده أول إقتراح بقوله للمجلس العسكري الحاكم دلوقتي  :

إنشاء مجلس تنميه للناتج القوي  : زي اللي إتعمل في ثوره 23 يوليوا وده بقه هيعمل إيه إن شاء الله
  1. إستغلال المواد المتاحه للدوله إلي إقصي حد ممكن .
  2. يكون مستشار للوزاره المعنيه اللي هي الماليه يعني في تنميه وتقديم المشاريع الإستثماريه .
  3. يقدم سياسات إقتصاديه علي أسس علميه .
  4. يلعب دور الوسيط بين القطاعين العام والخاص من حيث تنميه العلاقه بينهم ....
بذمتكم  لو المجلس عمل كده وأنشئ الجهاز السكره ده وأسند ليه القضايا الإقتصاديه وسلمه المفتاح وتفرغ بقه للي عمله المجلس وقتها 23 يوليوا

  • نشر الإستقرار وثقه الدول الخارجيه .
  • جلب المستثمرين تلقائي بعد ما الإستقرار هيرجع .
  • تطوير بقه الصناعه ويمضي بقه علي الشغل بتاع المجلس اللي فات ده .
  • عمل حاجه جامده في الزارعه زي قانون الإصلاح الزراعي لسنه 1952  ....
بالنسبه بقه للزراعه نعمل حاجه زي قانون الإصلاح الزراعي ده :

بالعربي كده يعني نعمل حد أقصي لملكيه الفدان أيام الثوره بتاع يوليو كان 200 فدان واي زياده علي كده توزع علي الفلاح اللي ما عندوش بس ده إتعمل وقتها علشان يحجم الإقطاعين الزراعين وينشر العداله الإجتماعيه يعني ناخد حاجه شبيه له ونحجم شويه اللواءات اللي بينزلوا في الإنتخابات فلاحين وهما عندهم مئات الأفدنه وناس تانيه مش لاقيه إسهم في الأراضي الزراعيه

ياريت يحصل تجريم علي مسأله مباني اللي فتحت بالهبلوا دي في الأراضي الزراعيه إحنا بنخسر حوالي 50 فدان في السنه نتيجه تحويلها لمباني علشان صاحبها جشع وعايز يضاعف السعر ويدخلها في الكردون ..

شوفوا بقه شويه القوانين السكره دول من المجلس العسكري في ثوره 23 يوليو 1952 بقياده اللواء محمد نجيب

120 لسنه 1952 : وده إتعمل علي أساس 49% لابد أن تكون مملوكه للمصريين في أي شركه مساهمه جديده وده يعني بالعربي بيقول لأي حد مش مصري تعاله إعمل شركات مهما كانت جنسيتك وبالتالي بيفتح الشغل أمام المستثمرين الأجانب ,,

306 لسنه 1952 : تنشئ مناطق حره بقه وتعيش الشباب دول وتجمعهم وهيكون المناطق دي في الإسواق الحره والأماكن المجاوره ليها وكمان تخفيف الضرائب علي الإستثمارات الإجنبيه في الوقت ده .......

156 لسنه 1953 : إنشاء لجنه إستثمار وده الجامد بقه تنشئ لجنه إختصاصها بس الإستثمارات بالعمله الوارد بيها وكمان اللي يلاقي صعوبه بعد ما نجيبه يستثمر يرجع ويحول فلوسه تاني بعد موافقه اللجنه طبعا علشان الأسواق الماليه ما تنهرش ..

شويه قوانين لوووووووز بجد علي بقه رفع معدلات الضريبه الجمركيه علشان نحافظ علي الإنتاج المحلي ما عدا السلع الإستهلاكيه تخفضه عليها وساعتها بقه نبقي مجبرين نتنج بقه .........

حرام يا شعب إحنا دلوقتي بنسحب من المخزون  بتاعنا عايزين نتنج ويارب المجلس يسمع ويعمل مجلس للإنتاج القومي بجد هيفرق كتير وخصوصا علشان خبرته الإقتصاديه تكاد تكون معدوووومه

عايز أعرف رأيكم في الموضوع ده أيه ؟؟؟ والإقتراحات دي

0 comments:

Post a Comment

ما يضاف من التعليقات من الساده القراء غير مسؤل عنها وهذا رايهم ولهم الحق وتذكروا قبل أي تعليق كل إناء ينضح بما فيــه
إتعلقوا بالعافيـــــــــــه *_*

 
مدونة ناشـط إيـجابـي © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates