• قالب جميل ومناسب للمدونات الشخصية ، يحتوي على العديد من الميزات والسمات الانيقة
  • نسخة مطورة من قالب مدونة رشيد ، قالب مناسب للمدونات الشخصية ويوجد به عدة اضافات
  •  تعرف على افضل عشرة مدونات على مستوى العالم ، للتبين اين انت من هؤلاء
  •  تعرف على قائمة اكثر 30 مدونة عالمية تحقق الربح من التدوين ، وتعرف على السر الحقيقي وراء تحقيقهم لهذه الاموال من المدونات
  • اجعل صندوق التعليق في مدونتك اكثر احترافية ، واضف عليه الوان جميلة لتبهر زوار مدونتك بأناقته

3 الثوره تنهار بييد ثوارها !!!

Monday, December 12, 2011

هو فيه أيه يا شباب لم تعد تتظاهر وتتفاخر بكونك ثائر من ثوار 25 يناير إلي أن تنهال عليك السباب والألفاظ يا من خربتوا البلاد يا من سرقتوا البلاد يا من قسمتوا الشرطه يا من هجمتوا علي الأقسام  ..... وفي النهايه أدي الثوار وأدي الثورجيه وأدي اللي أخدناه من الثوره !!!

وكأنك كنت عايش في باريس أو كندا أو أمريكا و غيرها من الدول المتقدمه !!

هذه عبارات نسمعها جميعا يوميا بل كل ساعه بل كل لحظه عندما يكتشفك الأخرون بأنك من شباب 25 اللي شاركوا في إنهاء نظام فاشل سرق الكثير من البلاد ونهب خيراتها وأهلها وسرطن الغذاء وقتل الأطفال بالأميه التي نشرها من خلال خروجهم مجبرين من مدارسهم لمساعده أسرهم علي إستحمال مشاق الحياه والتكاليف الذائده وغيرها من هموم لحياه اليوميه التي نمر بها جميـعا .


ما بتسألش نفسك سؤال وتقول هو في أيه !! .. الناس دي كانت إمبارح لسه فرحانين بالثوره أول ما نجحت بإسقاط أول أقطاب النظام السابق أيه للي حصل لده كله .

هل فعلا كرهنا الناس ف الثوره زي ما بيقولوا ؟
هل فعلا الثوره تغيرت مساراتها من أهداف عامه إلي أهداف خاصه ؟
هل فعلا سيطرت ع الثوره جماعات أو أحزاب لم تكن من الأساس مشاكرين فيها أو داعمه لها من البدايه ؟


كل هذه الأفكار والأسأله تدور ف رأسك وتحتاج إلي إجابه .....


إليكم بعض النقاط الهامه ف هذه المسأله .

  • يجب علي الثوار وأبناء الشعب المخلصين المشاركين ف الثوره من البدايه العمل علي توعيه الناس بجو الثوارت !!يعني يفهموا إن ما يحدث الأن من تعطل بعض الإنتاج و إرتفاع بعض الأسعار راجع إلي بعض الإنتهازين من أبناء النظام السابق مازالوا مسيطرين ع بعض المنشأات الحيويه والسيطره عليها من جانب شرفاء يحتاج لدعم من أفراد الشعب .
  •  يجب علينا أيضا توعيـــه أفراد الشعب بمخاطر ما يسموا بالفلول القائمين ع الثوره المضاده وهم أصحاب هذه الإشاعات من إنفلات أمن ومش هتلاقي تاكل بكره والعجله واقفه !!.
  • يجب علينا تقبل الحوار بصدر رحب دون النرفزه أو التعصب وتمالك أعصابك فأكسب تعاطف من حولك ودعمهم لقضيتك خيرا من أن تكون صاحب قضيه وتخسر الأخرين دي نقطه هامه ف نجاح كثير من الحوارات .
  •  يجب علينا أيضا تصحيح مسار الثوره من مطالب سياسيه بحته إلي مطالب شعبيه أو إعاده التوازن بينهما .
  • يجب علي الحاكم ( مجلس العسكري ) أيضا تسليم السلطه ف أقرب وقت لرئيس مدني يجتمع عليه الشعب من خلال صندوق إنتخابات .
  •  يجب علي الأحزاب تفعيل المصلحه العامه علي المصلحه الخاصه من كراسي وزاريه أو برلمانيه تنهي بالبلاد ف فتنه .

فيجب علينا جميعا أن نعمل سويه علي عدم إجهاض الثوره ولكن هذه المره سيجهضها من قاموا بها فلا تستغرب أم تلاقي حد من اللي كان ثائر معاك بالأمس هو من يختلف معك اليوم .. الموضوع وكل ما فيه هو أن الحكايه أن صاحبك مرض بالفرجه علي التلفزيون المصري !!!

يعني كل العصبيه دي وتكتم ف نفسك وتسأله انت شوفت ده فين يقولك التلفزيون المصري :((( بتبقي عايز تقوم تلكمله بس ده بيني وبينك أوعي تقوم تعمل كده ... الموضوع محتاج حنكه إداره حوار لصالحك .

يعني علي سبيل المثال : 

اليوم كنت ف زياره أحد مدرسين كليتي ف المنصوره وكان يوجد حوار حول أحداث محمد محمود وإعتداء الأمن وما شابه ذلك في التحرير فكان لي لشرف أني اعتصمت معاهم أيام بسيطه  ولكن تواجدت يوميا بإستمرار ف الميدان وعيشت الأحداث لحظه بلحظه منذ إندلاعها وقلت بها شهادتي هنــــا ولكن هذا الدكتور كانوا من المؤيدين للثوره من قبل قيامها ولا أشكك ف وطنيته وحبه لمصر وحرصه عليها ولكن عندما وجدت منه حده ف النقاش سألاته أنت بتشوف الكلام ده فين ف التلفزيون المصري !!!

قالي أه .... هنا بقه كان لابد من التوضيح بالصور والشهاده الصحيحه بصفتي واحد ممن حضروا الأحداث وغالبها ووضحت ليه ان المصابين دول بتوع محمد محمود معظمهم أطباء وصيادله وده حقيقي روح وشوف القصر العيني الفرنساوي وبدأت ف تغير المسار اللي واخده عن شباب ورجال محمد محمود ..

هل التحرير يتواجد فيه بلطجيــه !!! أيوه ليه لأ انت تحت ايدك 50 ألف واقفين أزاي تقعد تسيطر عليهم أكيد لأ ولكن بيطهر الميدان أول بأول

في النهايه شايف الشفره ف إداره هذه المعركه الجداليه هي فن الحوار وإنك توصل ليه المعلومه الصحيحه ونخشي ف النهايه أن تنهار الثوره علي يد ثوارها .


التوعيـــــــــــــــــــــــه هي الحـــل .




الصفحه الرسميه محمود السيد 
 الحسابي الشخصي ع الفيس بوك
 
تابع القراءة

0 لا لخلــط الجيــش بالمجلـس

Wednesday, November 16, 2011









عندما تجدني بكل قسوه وعنف أوجهه النقد اللزيع شديد اللهجه للمشير حسين طنطاوي لأنه فاجأنا يوم تخريج دفعه جديده من أكاديميه الشرطه وكان أول ظهور له أنهم جميعا أجمعوا علي عدم إطلاق رصاصه واحده تجاه الشعب المصري يعني بالعربي كده بيقولك أحنا حمينا الثوره والثوار من القمع والهتك بيهم زي ما عمل فيهم العادلي وجنوده الله ياخدهم .


وإذ فجأه يطلع علينا بعد شهادته ف محاكمه مبارك بأنه لم تصدر لهم أي أوامر بضرب المتظاهرين من مبارك أو غيره !!!


المشير المشير بيرد علي المشير الشاهد !!! وفجأه ظهر فيديوا ليه في الأكاديميه وقتها أنه قال كده ولكن كان يزاع لأول مره !!


وعندما يتهاون المشير في محاكمه عادله لقتله الشهداء ومصابي ثوره 25 يناير ولا نريد أخد العاطل ف الباطل ومحاكمات ثوريه بل نريد محاكمات عادله وفقا للدلائل والشهادات الموجوده بدون الضغط ع اي طرف .


عندما يتهاون أيضا في محاكمه الفاسدين ومبارك وأعوانه وسرعه القبض عليهم إلا بعد رغبات شعبيه شديده ومظاهرات كثيره !!


وعندما يتأخر الإهتمام  برعايه مصابي الثوره وأسر شهداءها إلي الأن !!


وعندما يترك النظام القديم كما هو مسيطر علي الوظائف الحكوميه من خلال المجالس المحليه وغيره بدون حلها !!


وعندما نجده لا يفتح تحقيق لواقعه ماسبيروا ليكشف لنا من هو السبب الحقيقي ويترك أصحاب الفتن من قساوسه و مشايخ لم يقدموا للمحاكمه !!


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


وعندما تجدني أوجهه نفس الإنتقاد شديد اللهجه للسيد اللواء الفنجري صاحب تحيـــه الشهداء الشهيره التي أسلجت صدورنا جميعا
لأنها توحي بإعترافهم بأرواح الشهداء النقيه الطاهره عندما يخرج علينا مهددا لنا ومشيرا بأصبعه !!!


وعندما تجدني أوجهه له اللوم الشديد بصفته نائب رئيس صندوق رعايه أسر شهداء ومصابي اثوره ويتأخر في تحقيق الحياه الكريمه والمناسبه لعلاج المصابين معاشات للحالات الحرجه  منهم من شلل و كفف وغيره وسفر الحالات للخارج إلي الأن بعد مرور ما يقرب من 10 أشهر  !


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
 وأقولك ثاني  رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني أيضا أوجهه نفس اللوم شديد اللهجه لملك الإشاعات اللواء الرويني عندما يخرج علينا متهما شباب نقي ومحترم شارك بخبرته المعقوله السياسيه في الثوره المصريه من حيث التغضيه و المشاركه كأي مصري يحب البلد دون الزعامه لأن الثوره قامت بشعبها وليس بحركه او حزب ويتهم بالعماله ويعود ويطالبوا الحركه بإجتماع مع المؤسسه العسكريه ودعوتهم للقاءات السياسيه !!


وعندما تجدني أوجهه له كل اللوم بما سببه من إحداث فتنه ووقيعه بين أبناء الشعب في واقعه العباسيه زهق فيها الأرواح وقال لأهالي العباسيه أحزروا من الشباب جايين يولعوا في بلدكم وكل الحكايه كانت مسيره سلميه لوزاره الدفاع إتفقنا معها أو إختلفنا .




لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الثالثه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس




وعندما تجدني للمره الرابعه أوجهه نفس اللوم شديد اللهجه وللازع للواء ممدوح شاهين ترزي القانون بتاعهم عندما يقولك الدستور ما سقطش ورجع سقطه ورجع دخل تعديلات وبعدها أعلن إعلان دستوري يعني مالوش لازمه الإستفتاء من الأساس وعندما يقولك المجلس لا يصنع دستور ولا يشرف عليه ودلوقتي بيصنعوا وعندما يقولك 6شهور وهنطير ونسيب البلد لمجلس مدني واتاريهم مشرفين ل إبريل 2012 ..


لا تشمئز مني وتقول أنت بتقول أيه لا تهيــــــــــن السيد عضو المجلس  فهو رموز للجيش !!
أقولك للمره الرابعه رمز الجيش اللي قبله بيحاكم دلوقتي ما حدش فوق القانون وندعوك لعدم خلط الجيش بالمجلس


أرجوكم لا تخلطوا بالمجلس والجيش ... الجيش المصري العظيم له منا كل الإحترام .




وإليكم هذه العباره إنها خارج المساق ولكن أريد منها التشبيه

إن انتشار ( الكفر )في العالم يحمل نصف أوزاره ( متدينون ) بغضوا الله إلى خلقه بسوء صنيعهم وسوء كلامهم

قالها العلامه محمد الغزالي يقصد بها أن من نسب نفسه للدين يسؤه في نفس الوقت لذلك هذه دعوه منه لعدم نسب أفعال الأخرين من لمتدينين إلي الدين وأقولها لا تنسبوا غباء المجلس العسكري إلي الجيش .


وعندما رأي أول رئيس مصري اللواء محمد نجيب بعدم دخول الجيش في السياسه كانت النتيجه عزله وإجباره علي التنحي .






وإليكم بعض المقولات التاريــخيه تعزيزا عن الفصل بين الجيش والسياسه




المشير محمد عبدالغني الجمسي وزير الحربية (الدفاع) المصري السابق:

إن الرجل العسكري لا يصلح للعمل السياسي قط، وإن سبب هزيمتنا عام 1967 هو اشتغال وانشغال رجال الجيش بالألاعيب في ميدان السياسة؛ فلم يجدوا ما يقدمونه في ميدان المعركة






من أقوال الفريق سعد الدين الشاذلي رحمه الله:


"ليس هناك خلاف حول حتمية تبعية القيادة العسكرية للقيادة السياسية، حيث أن الحرب هي امتداد للسياسة بوسائل أخرى. وفي الدول الديموقراطية تكون القيادة السياسية منتخبة بواسطة الشعب، وبالتالي فهي تمثل الشعب وتعمل على تحقيق أهدافه، في حين أن القيادة العسكرية غير منتخبة وبالتالي يجب إخضاعها لإشراف القيادة السياسية"


كتاب: مذكرات حرب أكتوبر





من أقوال اللواء محمد نجيب في كتابه: كنت رئيسا لمصر:

":لقد خرج الجيش من الثكنات، وانتشر في كل المصالح والوزارات المدنية فوقعت الكارثة التي لا نزال نعاني منها إلي الآن في مصر,, كان كل ضابط من ضباط القيادة يريد أن يكون قويا فأصبح لكل منهم "شلة" وكانت هذه الشلة غالبا من المنافقين الذين لم يلعبوا دورا لا في التحضير للثورة ولا في القيام بها"






يوم 18/11 كلنا نازلين نقول لألألألألألألألأ للإستمرار المجلس العسكري في الحكم لأنه ما بيعملش حاجه لينا من أهداف الثوره تعالوا نتفق علي مجلس مدني ونرشح شخصيات ونقول زي ما الراحل السادات قالها بعد وفاه عبد الناصر وطرح إسمه للإستفتاء الشعبي كرئيس جمهوريه لو رفض أول إسم نرشح ثاني وثالث ورابع لعند ما يشمل كل الفئات الشعبيه بكل طوائفها ونعمل بقه من أجل بناء البلد وتنميتها ويظهر لينا ثمار الثوره اللي هما مصرين علي جعل الفئات والطبقات البسيطه لكرهها .



يوم 18/11 هيكون إسترداد الثوره بإذن وإستكمالها من العسكر اللي سرقها مش حماها !!
هينزل الإسلامين علشان المبادي الفوق دستوريه
هينزل المصابين وأهالي الشهداء علشان حقوقهم في العلاج مهدوره .
هينزل لا للمحاكمات العسكريه علشان ال 15 ألف المحبوسين من المدنين
هينزل أطباء التحرير علشان الفساد الموجود في وزاره الصحه
... هينزل من رجاله 6 أبريل المخلصين للبلد دي علشان يتضامنوا
هينزل الليبرالين والعلمانين علشان يقولوا لا لحكم العسكر
هينزل أصحاب الثوره من أبناء الشعب لحمايه ثورتهم
هينزل شرطه العادلي علشان يطحنوا من الثوار ( العادلي بس المحترمين لأ )

يوم من أجل مصر لابد من كسبه جميعا ... انا نازل يوم 18/11 وهعتصم لو كلنا أجمعنا ع كده وانت موقفك ايــه


التوعيــــــــــــــــــــــــــــــه هي الحــــــــــــل



محمود السيـد


fb.facebook

تابع القراءة

2 الحلقه الخامســه : يوميــات سرحـان

Friday, November 11, 2011




بعد الحوار القصير الذي دار بين سرحان ووالدته ليسألها عن سبب نزولها للبحث عن مصدر رزق من خلال تاجر في المنطقه يستأجر النساء يوم السوق ليبيعوا بضاعته ولهم نسبــه في ذلك .


فأنتهي الحوار بينهما عندما عاد من لعمل ونظر لها وسألها أخذت في البكاء ليس لعملها فليس في العمل عيب ولكن لأنه لم يعش سنه كباقي أصحابه وكمرحله سنه حيث أنه شال الهم بدري ( علي حد وصفها ) ولكنه كان راض علي ذلك ودائما يحمد الله .


فبدأ يستريح من العمل ويخلع ملابسـه ويأخذ حمام ع السريع ويأخذ وجبه الغداء والعشاء مدمجيــن ف بعض وبعدها يبدأ يقلب في كتبه ويشوف مناهجه ويكلم أصدقاءه ع اللي بيخدوه ووصلوا لفين وكده .


كان ليه صديق مقرب منه جدا يتصل بيه يدردش معاه شويه حوالين الكليه وأحداثها وأحداث الدفعه وأيه أخر المستجدات والدكاتره والمواد ولدنيا والمواقف ... كان بيحب يتابع أول بأول ويطمن علي صحابه وياخد يكلموا في مواقف في شغله ومواقف في كليه وبيشغل نفسه يعني علشان مش يمل .


ويحاول قدر الإستطاعه يكون متابع مع الدكاتره أول يكونوا سابقينه بشويه مش كتير علشان مش يهرب منه المناهج وخصوصا أن كان نده مواد كثير .


ومواد العملي زي الرياضيات واللي فيها مسائل كان بيستمع بيها قوي أما مواد النظريه كان بيرتبها ويظبط محاضرتها وتتذاكر مره واحده قبل الإمتحانات علشان مش تطير لأنكم عارفين التعليم في الجامعات كان عامل زي اللزقه ترميه وتطلع تجري وتنساه 


ويفضل يدردش فيهم بقه ويشوف الدنيا ماشيه إزاي وياخد المحاضرات وينقل وكان بيحب يتابع أول بأول علشان يعرف المواد اللي هو ضعيف فيها اللي هو كويس فيها ويركز ويعيش كأنه في الجامعه بالظبط وكان صاحبه ده بيمده أول بأول قدر الإستطاعه .


ورغم كل ده كان برده بيدي لإخواته الصغيرين من وقته ده علشان يساعدهم في حل الواجب وكمان يشرحلهم اللي واقف معاهم لأنهم مش بياخدوا دروس وكان بيحاول يخليهم يعتدموا ع نفسهم زيه كده بالظبط ويحضروا حصصهم كامله في المدرسه قدر الإستطاعه أي نعم ما كانش ده بيتم كثير علشان انتوا عارفين معظم الطلبه بيعتمدوا علي الدروس والمدرسه بتكونف فسحه ليهم والمدرسين كمان عايزين الكل يروح عندهم في الدروس . 


ولكن كان بيعودهم إنهم يعتمدوا علي نفسهم قدر الإستطاعه ويذاكروا ويحضروا الحصص وكان ربنا مبارك ليهم وكان مستواهم كويس وبينجحوا بدرجات كويسه .

وكان كمان بياخد جوله في التلفزيون ما بين برامج التوك شو والأفلام والبرامج التنمويه رغم كل التعب والإجهاد الفكري بسبب متابعته للكليه ومزاكره لأخواته الصغيرين ومساعدتهم بس كان صاحب فكر ومثقف ومتابع لكل الأمور حواليـه وقارئ جيد للأحداث وكان بيحب قراءه الكتب كده يوم الأجازه ويقرا في تاريخ الزعماء .


كان يومه يوم رجل أعمال ملئ بالأحداث والأفعال الشاقه ما بين العمل والمزاكره ومتابعه إخوته والحديث مع والدته ومتابعه البرامج التلفزيونيه والترفيه عن نفسه فما كان ينقصه غير نوت ومديره أعمال تنسق له مواعيــده ولكن بدون أجر أو تعطيه أجر علي ذلك لأنها ستتعمل منه إداره الوقت لم تعلمها من قبل ولا في دراستها تي لو كانت حاصله علي الدكتوراه

سرحان كان مواطن مصري بسيط من الله عليه بالبركه في كل شئ في الوقت والصحه والجهد والعمل والرزق .



وبكده يخلص يوم سرحان ويبدأ في التجهيز للنوم من خلال طقس معيـن نقوله بقه في الحلقه القادمه ..


دمتم بخيـــــر




محمود السيـد


fb.facebook



الحلقات السابقه :




 


تابع القراءة

1 الحلقه الرابـعه - يوميـات سرحـان

Friday, November 4, 2011




عندما وصل سرحان لمحل عمله والقي السلام علي المعلم وعلي من وصل من أصدقائه العمال ... بدأ في تغير ملابسه بملابس العمل وعندما وصل الجميل بدأوا في الإتكال علي الله والعمل .


هو طبيعه عمله في المقاولات وزي ما قولنا قبل كده هو بيحب يستغل القوه البنيه اللي ربنا وهبه إياها للحصول علي راتب كويس يكفيه ويكفي اسرته ويقدر يدخر كمان لزواج وتجهيز إخوته البنات وتحمل تكاليف دراستهم كمان .

ولكن عندما رأي والدته في السوق وهو بتحاول كسب رزقها أيضا عرف أن الحياه غاليه وأن ما يتركه لها لا يكفيـها فقرر أن يزود جهده علشان يعلي راتبه وبالتالي يكفي مصاريفهم ووالدته لا تحتاج للعمل .



هو طبيعه عمله صبي مونه يعني بيقف تحت إيد الصنايعي اللي بيبني ويناوله المونه ( الأسمنت مع الرمل ) ودي طبعا مجهده جدا لأنه بيطلع سلالم خشب وينزل وهكذا شايل بقه طالع نازل بس دائما بيحمد ربه علي نعمه قوه البنيه اللي ربنا منحه أياها ولكنه كان بيحب عمله ده وكان طموح رغم ما يعانيه من ضيق الظروف اللي بيمر بيها .


كان ينظر لعالم العمل بتاعه بتركيز زي ما بيقول لابد من فصل نفسك عن الدنيا أثناء العمل لأن بتكون شغال علي سقالات مرتفعه لو ما ركزتش هتلاقي نفسك واقع علي جدور رقبتك . 


وكان يعجبه حياه النحل التي يراها أمامه بين العمال الصنايعيه كله مركز في عمله وكله بيكمل كله وهكذا في بناء أي صرح كبير تراه أماكم في الأماكن المرتفعه وعمارات وغيره من البيوت .


كان طبيعه عمله يبدأ من التاسعه صباحا وينتهي الساعه 6 المغرب يفصلهم ساعه راحـه لتناول لغداء وشرب الشاي والراحه الجسديه .


كان أثناء الراحه الخاصه به يتناول كوب من الشاي ويتغدي لوحده .. كان دائما يحب أن يكون بمفرده ليس لأنه متقعد أو حاجه أو تكبر ولكن هذه هي شخصيته .

يحب أن يقوم بدور المراقب دائما للاحداث من أمامه ويسجل إستفادته من كل موقف أمامه يراه .... وأثناء تناوله للغداء والشاي بتاعه رأي موقف يكاد يجعله ينبهر منه من أحدي العاملات معهم من النساء .



طبعا كان فيه شغال معاهم برده ستات بيرفعوا الرمل ويشتغلوا شغل لا يتحمله أي راجل .. كان بيستغرب مش علشان شايف ست شغاله ولكن ليه يجبرها أنها تشتغل شغل متعب زي ده !! وفين زوجها ؟

حاول كده يتابع الحوار بين إحدي الإمرأتين ووجد أنهما لزوجين لا يعملان ويعيشان علي عمل زوجاتهم !!!!!



كان يستغرب انه يكون في رجاله كده يعيشوا عال علي ستاتهم زي ما بيقول وبيوصف ولكن ما صدقش غير اما شاف بعينه وأخد يفكر هل هيكون مصير أولاد هؤلاء النساء نفس مصيره في العمل والخروح لمساعده أسرته !!!

كان دائما يحمد الله علي حياته ولم يكن يائسا منها أو حزين أو متقنط من رحمه الله بل دائما كان يؤمن بأن الله لن يتركه وأنه مخبيله الخير زي وصفه وهو بيتبسم ويقول كده .

إنتهي وقت الراحه وبدأوا في إستعاده النشاط مره أخري للعمل ويكاد عملهم لا يخلوا من الهزار والغناء لمصابره بعضهم البعض ولكن زي ما قولنا سرحان بطبيعته لا يحب الإختلاط لأنه يعتبر الوحيـد الجامعي صاحب الفكر وسط العمل ولذلك كان صاحب العمل يحبه دائما ويعامله معامله خاصه .



وما إن قارب العمل علي الإنتهاء ويجهز كل واحد إنه يلم عدته ويعينها في مكانها ويسلمها للمعلم بتاعه ويغير لبسه ويتكل علي الله يروح .


وهكذا ينتهي عمل سرحان ما بين العمل والإجتهاد وساعه الراحه ولتأمل والإستفاده من طريقه العمل في بناء سرح عالي ينسب في النهايه لعمل جماعي وليس لفرد !!

فكان دائما حريص علي التعلم مما يراه أمام عينه وكثير الملاحظات لنفسه ولغيره , وعندما عاد للمنزل وجد والدته علي حرج منه لأنه راها في السوق تبحث عن رزقها !!



ولكنه للمره الثانيه تبسم في وجهها وقبل يدها وقال لها أعدك إني هحاول أزود من طاقتي وأبقي صنايعي في عملي علشان راتبي يزيد وأكفيكي من الخروج للبحث عن باب رزق يسد ليكي ما تحتاجيه .


فأنخرطت في البكاء وقالت له سامحني لم نجعلك تعيش سنك مثل باقي أصدقائك فكبرت بدري وشيلت الهم قبل الأوان .


قال لها إدعيلي وإن شاء الله ربنا هيعوضني خير إن شاء الله .


ما إن تركها وبدأ يسامر إخوته الصغيرات ويقلب في كتبهم الدراسيه ويبحث عما يجدوه صعب ويفهمه ليهم فكان سرحان
أخا , أبا , عائلا , وصديق , وكل شئ لإخوته وأسرته ووالدته :)

دمتم بخيـــر



نلقاكم في الحلقات القادمه من يوميات سرحان 






 


محمود السيـــــــــــــــــد
تابع القراءة

1 لماذا تخـاف يا سياده المشيــر !!

Wednesday, November 2, 2011


في مثل هذا اليوم من العام الماضي من شهر فبراير لعام 2010 سألت نفسي سؤال وشاركت فيه بعض أصدقائي علي مدونتي وجروب معا ضد السلبيه أن ذاك اللي كان متنفس لكثير من أصدقائي علي الفيس بوك حول حال مصر والسلبيه المنتشره وقتها لماذا تخاف يا سياده الرئيس !!


ووجهت كلام إلي المخلوع مبارك وقتها وسألته ليه كل الإحتياطات دي ... حاطط نفسك رئيس لكل حاجه القائد الأعلي للشرطه والداخليه والشعب وكل حاجه وكان وقتها لا قانون بيهم ولا قضاء يلم يعني ممكن تاخد أحكام قضائيه زي ما أنت عايز وفي النهايه المجلس سيد قراره !!
وكان عامل الداخليه الجيش الخاص بيه ... علشان مش اطول عليكم واقلب عليكم العادلي وأيامه وكل واحد يفتكر الإقلام اللي أخدها سواء في أمن الدوله ولا في الشارع ولا رخصه اتسحبت منك عنوه من أمين مالوش لازمه وأجج مشاعرك وتكسر الشاشه !!

لأ وفرها لأخر المقال وإكسرها مره واحده أو إخبط في اللي جنبك مراتك عيالك صاحبك اي حد او حتي اللي علي الجهاز اللي جنبك في السايبر هيحصل ايه يعني ... علقه تفوت ولا حد يموت.



بسأل النهارده في مثل هذا اليوم اللي سألت فيه مبارك ليه بتخاف وبعدها بكام شهر إتسجن يمكن الدايره تلف علي صاحبنا :) ,, اللهم أحفظنا .


طل علينا معالي نائب رئيس الوزراء السلمي بيه من أبناء الوفد بوثيقه دستوريه الصلاه علي النبي كده الراجل ده بيقولنا الشعب ده فوضني عنه بالكلام اللذيذ ده .؟


ونشوف البند ده يقول ايه ؟

الدولة وحدها هى التى تنشئ القوات المسلحة، وهى ملك للشعب، مهمتها حماية البلاد وسلامة أراضيها وأمنها والحفاظ على وحدتها وحماية الشرعية الدستورية ولا يجوز لأية هيئة أو جماعة أو حزب إنشاء تشكيلات عسكرية أو شبه عسكرية.

يعني بالعربي كده يا فكيك لو نويتم علي ثوره ثانيه ولا ثالثه هتلاقي في إستقبالكم مش الشرطه بقه المره دي لألألألألألألألألألألألأ هنلاقي الجيش لأنه هو المنوط بحمايه الشرعيه الدستوريه للحاكم بأمره الأن وهو سياده اللواء المشير طنطاوي :)


ولو فكرت تعمل تجمعات او معسكرات هينفخوك بحجه تشكيلات عسكريه ويجيبوك واقف في مكان فاضي بتفكر او بتفضض للبحر يقولك اللواء الرويني ملك الإشاعات وإبنه زوبايدر شايفينه يا شعب مصر والله ما حدش فاهم حاجه :)) دلوقتي هيأمر البحر ويطلع منه الإسلحه بتاعته :))


البند الثاني في المقال :


ويختص المجلس الأعلى للقوات المسلحة دون غيره بالنظر فى كل ما يتعلق بالشئون الخاصة بالقوات المسلحة ومناقشة بنود ميزانيتها على أن يتم إدراجها رقماً واحداً فى موازنة الدولة، كما يختص دون غيره بالموافقة على أى تشريع يتعلق بالقوات المسلحة قبل إصداره.

كلام سليم ما هو برده ما فيش معارض او شاب هيطلع يعتصم علشان يقولك هو الجيش بيعمل ايه هنا في المكان ده وبيدرب ليه !!! 
وبرده بالنسبه لميزانيه الجيش دي يعني ممكن اختلف واتفق ؟

أنا بصراحه مش عارفه هي هضر فيه ايه لو إتناقشت بندوها مثلا بشكل علني في مجلس الشعب :( يمكن من مصلحتنا ماشي ليه لأ ؟
ما دام رئيس الدوله هيكون القائد الأعلي ليهم ويعرف ايه اللي بيحصل ولا هيكون طرطور ومش هيرفع عينه فيهم ؟


ما هو برده حته مدنيه دي راعباهم تقريبا إزاي أدي تعظيم سلام لشخص مدني ويبقي رئيسي ناهيني ونافخني تفتكروا الجيش بيأمن نفسه وعايز يعمل دوله داخل دوله ؟؟
 

طيب حته بيقولك سريه وهتتعرض في البند الأول في ميزانيه الدوله إزاي ؟؟؟ هيحطوا الخانه دي مكتوب عليها ايه في الموازنه مبلغ علي طول يعني ولا سريه ولا ايه بالظيط عايزين مثال علي ده ؟؟

ولو المجلس مثلا حب يشرع حاجه بخصوص القوات المسلحه من فساد او غيره لازم يوافق عليها هما الأول ؟؟ طب وده إسمه كلام يعني مبارك برده هنقوله علشان نشرع عليك حاجه لازم توافق

ده إستخفاف بعقول الشعب وتكبير للمشاكل وبيخلق دوله للجيش يسيطر عليها الجينرالات !!!!!!!!!!!1


وبكده الصراحه من الواضح فعلا نيتهم لتسيلم السلطه لمدني فعلا وتسلميها وخلاص ولكن لرئيس دوله هيكون طرطور في أيدهم هما مقاليد الأمور ومش كفايه إنه هيكون في قلبه الرعب بسبب الإطاحه بمن قبله ونهايته السجن والحبس وأي مظاهره تخرج هتلاقيه طالع يطل علينا ببيان  

في النهايه بوجهه رسالتي للسيد المشير طنطاوي ليه الخوف ده !!! ظنناك حامي للثوره فعلا وبعد كده قولت ما فيش أوامر جاتلنا بضرب الميادين والمتظاهرين أمال ليه حميته الثوره ومن مين بالظبط ؟

وكمان بتقولوا فيه وقيعه في الشعب وعايزين يدخلونا في صدام مع الجيش وكلنا قولناها للمره المليون زي ما نتم قولتوا مش هنفتح النار علي أبناءنا ولكن بتفتحوا إحيانا هنقولها لم نرضي أن ندخل في صراع مع قواتنا المسلحه لأنهم أهلنا وإخواتنا ولو ده حصل هيكون العاقبه وخيـــمه ولكن إسمحلي أقولك في النهايه أري غباء مبارك يتكرر في تقميع الشعب من محاكمات عسكريه للثوار وترك المفسدون في الأرض والبلطجيه .

ووضع رجال القوات المسلحه فوق القانون اللي كان واخده قبلها مبارك وهو دلوقتي في السجن !! 

ده حتي يا سياده المشير أجلتم تكريم المصابين وأهالي الشهداء إلي عيد ميلاد فخامتك نفس طريقه مبارك وفي الأخر سمتوه يوم من أجل مصر ولا جبتوا سيره المصابين ولا الشهداء هو ايه النظام مش معترفين بينا ولا ايه ؟؟



نتمني ألا يسوقكم غبائكم للضياع بالبلاد إلي أحداث لا يحمد عقباها .

وفي نهايه مقالي زي لمره اللي فاتت من السنه برده اللي فاتت أقول المره دي مش ربنا يستر عليه من مبارك وأعوانه ولكن من المحاكمه العسكريه ويقولك بيقول عبارات مناوؤه :))


التوعيــــــــــــــــــــــــــه هي الحـــــــــــــــل


محمود السيــــــــد
تابع القراءة

0 الحلقـــه الثالثه : يوميـــات سرحــان

Saturday, October 29, 2011
في نهايه الحلقه السابقه بعد الموقف اللي رأه سرحان بين ظابط الجيش المتقاعد والمرأه العجوز التي تطالب بتطبيق العداله في تقاسم بلاء الحكومه من إهمال للمناطق العشوائيه وإنتشار الأمراض والأوبئه وغيره من مفاسد الحكومه .


ولم يكن مندهش في الموقف غير من هذا الظابط المتقاعد الذي وقف يتعنت لإمراه عجوز أن تتحمل وحدها هذه المياه الملوثه الخارجه من البكابورت المندلع أماهم .


ولكنه أطمئن من موقف الشباب اللي أجبروا هذا الرجل علي قبول الوضع بتهديده بمرضه النفسي الناجم عن الكبت داخل المؤسسه العسكريه التي قضي فيها حياته تنفيذا للأوامر ومرض العظمه وغيره وطبقوا جميعا العداله في تقسيم الأذي الناجم عليهما السيده والظابط المتاقعد ليس بالقوه إنما بالإتحاد وكان هذا الموقف يتمني أن يراه سرحان في مواجهه الحكومه الفاسده ويتمني أن يري هذا اليوم بل ويشارك فيه .


وعندما قرر السير متجهه لعمله لأن متبقي عليه 5 دقائق علي العمل وهو دائما يحافظ علي الوصول في ميعاده ومنتظم في ذلك وهذا ما سنراه من شهاده صاحب العمل بذلك .


وجد موقف أيضا أثناء سيره للعمل جعله يندهش ولكن بقوه ووقف ليتأكد مما رأه , وعندما إقترب من السيده تأكد ما كان يلاحظه من بعد .


إنها والدته وحولها قفص به طيور تستعد لعرض بضاعتها بما فيـه علي الماره والجمهور في السوق .. وعندما إقترب منها خشت منه وإنخرط وجهها في الإحمرار ولكن ما قام به غير التبسم في وجها وعلم جيدا سبب وجودها هنا وقام بتقبيــل يدها وقال لها حديثنا في البيت يا أمي بإذن الله .


وقرر الإستمرار في طريقه للوصول للعمل الذي كان علي بعد الأمتار القليله من لقاء والدته . ولكنه أظهر لأمه غير ما بداخله وأخذ يتسائل ؟؟


متي وصلت وكيف ولماذا ؟


فمتي وصلت فهي خرجت بعده مباشره حيث أنها كانت تنتظر خروجه للعمل وبعد ذلك تخرج في التجمع الذي يقوم به نساء المنطقه علي عربيه بيكم تحملهم لمكان السوق ويجلسوا يعرضوا البضاعه ويبيعوا ويسترزقوا وكل بائعه لها نسبه علي ذلك .


ولكنه سأل نفسه إزاي وصلت قبلي وأنا لسه متصل بيها منذ قليل عندما تذكر مصروف أخوته البنات وطلب منها تركه لهم ؟


ولماذا ؟؟ هو كان مفكر أن ما يتركه لها من جزء كبير من مرتبه لها بيقضي البيت ومصارفيه ؟


ولكنه أظهر لها عكس ما بداخله ولم يكن حزين أيضا عما علمه أن والدته تخرج بعض الأحيان لكسب رزكها لأنه لم يكن كمثل الشباب الجامعي الذي يتفاخر بعمل والده بكذا أو كذا أو يتهرب من ماضيـه وأصله ليس كذلك إنما هو شاب مكافح بسيط يتفاخر بأسرته وتربيته الكريمه التي ترباها .


فأخذ في طريقه لإستكمال الوصول للعمله ولكن علي عاتقه حمل ثقيل لم يكن يعمل أن مفارقه والده أصيبته بالحمل والورث الثقيل هذا كله علي عاتقه ولكنه تأكد من ذلك ليوم عندما رأي والدته تخرج لمضاعفه رزقهم وأن ما يتركه لم يكن كافي لهم وهي لم تظهر له ذلك بل كل ما ترززقه لهم هو الرضا علي قضاء الله وقدره .


وعندما دخل سرحان عمله ألقي سلامه علي الحاج صاحب العمل وأصدقائه من وصلوا معه ورد عليه صاحب العمل ... دائما بتوصل في مواعيــدك يابني ربنا يرضي عليك ويرزقك بالحلال !!
حتي صاحب العمل كان يحبه ويبتوسم فيه الخير لصغر سنه و أنه لم يكن يعيش كباقي أصحابه هذا السن من فرفشه ومرح وغيره ويدخل سرحان علشان يغير ملابسه ويرتدي ملابس العمل ويتوكل علي ربه ويبدأ عمله 




وده اللي هنكمله في الحلقه القادمه من طبيعه عمله 




دمتم بخيـــر 


محمود السيــــــــــــد






 
تابع القراءة

2 الحلقه الثانيه - يوميـــات سرحـان

Friday, October 21, 2011


إنتهت حلقتنا السابقه من يوميات سرحان وقد حان الوصول إلي محطه عمله ويستعد للنزول ....


إذا بسرحان علي جنب يا أسطي لو سمحت يبصله الكمثري أياه برده لسه شايل منه يظهر !! دي مش محطه يا بيه
يا ريس المحطه القادمه علي بعد 200 متر تقريبا من عملي ليه تمشورني !!
هو كده يا بيه يعني أخد غرامه علشان خاطر سواد عيونك !

ماشي يا أسطي أما نشوف أخرتها ايه معاكم . يرد عليه يقوله لأ يا بيه مع الحكومه والشرطه اللي ربنا يجيب عاليها واطيها وما تخليناش نروح بقه ورا الشمس بكلامنا ده يا بني .
أنا مش حمل بهدله ولا أقسام ولا المشوره لحساب البيه الظابط بتاع المرور .



يبص سرحان للكمثري ويقول في نفسه الراجل برده عنده حق من اللي بيشوفه وانا كمان عندي حق أنزل هنا ولكن هنعمل أيه .

كده بيدأ سرحان معظم أيام شغله عند قرب نزوله يا إما يدخل في مناوره مع الكمثري زي ما شوفنا . لإما يكون في كمثري شاب معلم كده يقول للسواق هدي هنا وعلشان سرحان شاب يقدر ينزل من غير ما العربيه تقف ولا يتأذي كمان السواق .





ينزل سرحان سواء بمشكله مع كمثري او بالإتفاق علي النزول مع كمثري أخر شاب يبدأ مشوار في السير علي الأقدام حوالي كده مسافه يعني تترواح لحوالي 700 متر كده داخل الحواري لعند ما يوصل لمكان شغله , هو كان ممكن ياخد تك تك لأن التاكسيات مش بتدخل الأماكن دي , ولكن طبعا شاب وبيحب يتمشي شويه وبالمره كمان يوفرله قرشين بيته أولي بيهم .


طبعا كالعاده صاحبنا سرحان بيحب يلاحظ كل حاجه حواليه وهو ماشي من ناس رايحه شغله وناس رايحه مدارسها وناس نازله تجيب أكلها وناس ماشيه شايله همها ... ونااس .

وماشي يسمع طب من الأخر يا حاج لأ كده السعر عالي ومن حواليه الناحيه التانيه الخضار ده دبلان كده ليه لأ شكله مش صابح .


يظهر كده من وصف صاحبنا سرحان أنه في طريقه للعمل بيمر علي سوق وأماكن عشوائيه .


وفجأه لقي مشكله بين ست وراجل علي الصبح وزعيق والناس ملمومه حواليهم فبص في ساعته لقي لسه قدامه ربع ساعه عن ميعاد عمله !!

فقرر يقف يتابع لأنه مش من المرجله راجل يزعق مع ست .

قرب كده منهم وحاول يفهم من الناس الواقفين او من الكلام المرسل من الطرفين هو أيه المشكله .



الست بتقوله أنا باب بيتي واطي والميه هتنزل فيه كده وده ما يرضيش حد .

الحاج وأنا مالي يا ست أنتي المهم ما تعديش من أدام بيتي أنا , أنتي مش عارفه أنا مين انا ظابط جيش متقاعد وبيجيلي ناس محترمين إزاي يشوفوا منظر ده قدام بيتي !



الست يا بيه لا ظابط جيش ولا بياعه خضار دي أصول والدين معامله يا حاج هو أنت مش مسلم ولا أيه . 


الميه دي لا زنبي ولا زنبك دي زنب الحكومه اللي ربنا يبتليهم بجميع الأمراض زي ما هما باعتنيها لينا كده بس لازم نشيل قرف الحكومه دي سوا والجيران لبعضيها يا بيه والنبي وصي علي سابع جار وانا البيت اللي لازق فيك ولا أنا علشان ست غلبانه !!


بصلها الراجل بعنتظه كده أنتي هتوجعي دماغي ليه روحي عيطيلهم !

المنظر كان صعب بصراحه وكان فيه شباب واقفين وكده أضايقوا من فكر ظابط الجيش المتقاعد ده وقالولوا لولا سنك الكبير كنا شربانك الميه دي لأسلوبك السئ وبعدين أنت عامل فيها بيه وظابط جيش وبن زوات روح عيش في جاردن سيتي أيه اللي جايبك في المنطقه الشعبيه دي !!

ولا أنت عايز تطلع عقدتك فينا أما راجل مريض صحيح !!



تقريبا الشباب داسوا علي الجرح فعلا ولقي نفسه الإنسحاب أهونله لأنه أكنشف

فسرحان وقف مزهول أن فيه ناس قلبها جامد قوي كده أنه يقف أمام سيده ويعاندها في شئ يأذيها , الموضوع بإختصار أن المجاري ضربت علي الناصيه وبحكم عوامل الجو والتربه في أماكن فيها إنحدارات فالتالي بتقف فيها .

والسيده الغلبانه دي بيتها عتبته واطيه علشان كده المجاري هتدخل للمدخل جوه وهي كانت بتعمل جسر يعمنع ده ولكن هتخلي المجاري توصل أمام منزل البيت الباش المتقاعد ولكن بعيد عن مدخله .

وسيادته رفض المهم بعنوه الشباب وقوتهم في إحقاق الحق إجبروا علي قبول هذا الأمر نصره للسيده الغلبانه .

وقرر سرحان أن يمشي في طريقه لعمله لأن خلاص متبقي 3 دقائق علي ميعاد العمل وفجأه يشوف منظر يخليه يتثبت مكانه من الزهول وده اللي هنعرفه الحلقه القادمه .



دمتم بخيــر


محمــــــود السيـــد



باقي الحلقات






تابع القراءة

3 الحلقه الأولي من يوميات سرحان

Thursday, October 13, 2011







سرحان مواطن بسيط في رقبته كوم لحم سابهم أبوه ليه وإنتقل إلي رحمه الله وفي نفس الوقت ما زال بيدرس في الجامعه

سرحان يومه بيبدأ الساعه 6 الصبح يصلي ركعتين الصبح والفجر وياكله لقمه هنيه ويتكل علي المولي علي شغله ويقول إستعنا علي الشقي بالله :)

بيشتغل شغلنه تجيب فلوس تقضي مصاريفه ومصاريف بيته وأخواته اللي في رقبته ولسه في مراحل التعليم المختلفه وعلاج والدته المريضه .

بعد ما بياكل اللقمه الخفيفه اللي تخليه يبدأ يومه في الشغل بنشاط يبدأ ياخد مواصلته اللي بتخليه يخرج قبل شغله بحوالي ساعه علشان يروح الشغل في ميعاده , بيقف طبعا ينتظر الأتوبيس المواصله الرسميه للشعب المصري , بينتظر معاليه يوصل ويزاحم بقه لعند ما يركب من الزحمه والحمد لله ركب سرحان الأتوبيس ولكن علي الباب بس :)

بس مش مهم ما دام حط رجله علي العتبه يبقي فيه أمل ويقف والكومثري بينادي الأجره يا أساتذه اللي لسه ما حاسبوش !!

طبعا هو ما ينفعش يمد أيده في جيبه يطلع الأجره لأنه لو عمل كده هيدفعها ولكن وهو في حضن عربيه ثانيه لأنه يادوب واقف علي الباب متشعلق وماسك بأيده الأثنين .

الكومثري الأجري يا ساده !! سرد سرحان يقوله حاضر بس اما ادخل وهحاسبك ويدخل في مناوشه مع الكمثري هو حد قالك تركب ويبدأوا الأثنين يشدوا قصاد بعض

زاحم الأتوبيس ليه يرد يقوله ما حدش قالك تركب وانت شايفه زحمه !!
أنا عندي شغلي ولازم ألحقه في ميعاده يرد الكومثري خدلك تاكسي يا بيه
سرحان هو أنا لو معايه فلوس التاكسي هشتغل ليه ويدخل بينهم الناس صلوووووووووووا بينا علي النبي

عليه أزكي الصلاه والسلام يبدأ الأتوبيس يخف شويه لأنه بيعدي في طريق في بدايته المصالح الحكوميه ويبدأ ينزل الموظفين لمصالحهم والحمد لله ينال سرحان الشرف بالدخول لساحه الأتوبيس ويناله الشرف أيضا بالجلوس علي إحدي الكراسي المتهالكه وقبل ما ينوله الشرف الجامد ده ويقعد !!

يسمع صوت الأجره يا أفندي !! أكيد عارفينه الكومثري المخنوق علي الصبح من نفسه :(

أكيد مراته معكننه عليه وسايباله طلبات كثير يجيبها وهو جاي ويطلع خنقته في الزباين , يبعت أخونا سرحان الأجره نص جنيه ويجلس يستريح علي الكرسي اللي القعاد علي تعب لأنه قديم ومتهالك .

بيبص في الأتوبيس علي الوجوه حواليه بيلاقي لناس تبصله !! هو فيه ايه يسأل نفسه وينظر للوجوه فعلا بيبصوله
يسأل نفسه ليه يعني هو ملفت للنظر

يقول كل الوجوه اللي راكبه معايه موظفين او طلبه في زي المدارس او الجامعات إلا هو وكام واحد معاه زيهم زي عمال بس أشمعني هو اللي بيبصوا ليه

لأنه أصغرهم واللي في سنه رايحن جامعتهم او مدارسهم وبيلاقي علي وشهم سؤال !! انت ليه مش رايح جامعتك ولكن ده لسان حالهم ومش بيسألوه طبعا .

يقعد ويجي يريح ضهره علي الكرسي قبل ما يروح شغله الشاق مش لاقي حاجه يركن عليها ظهره لأنها متهالكه للغايه !!

يظهر الأتوبيس ده من أيام الملك فاروق :))

عمال يركز مع الناس اللي راكبه معاه ويبص ليهم كده من غير ما ياخدوا بالهم ويشوف هل لسه متابعينه او بيبصوا عليه ؟ يلاقي كل واحد بيتكلم مع اللي جنبه وانشغلوا في مشاكلهم


سمع حوار بين أثنين ستات جنبه كده


 هنبطخ ايه النهارده !!
ده الخضار غالي !! أنتي عارفه كيلوا اللحمه بكام النهارده !! الواحد يعدي يجيب اتين كيلوا فاكهه بربع المرتب !!

ترد تقولها والله ما انا عارفه أجيب للبنت حق درس خصوصي منين ده ومش بس كده ؟ دي عايزه درسين في الماده أصلها عقبال عندك في الثانويه والمدرسين لا بيدخلوا يشرحوا ولا حاجه .

يقعد يفتكر هو أيام مدرسته والثانويه أنه كان متحمل تكاليف نفسه بنفسه ولا كان بيشوف درس خصوصي ولا غيره ولا كان بياخد لا واحد ولا أثنين كان بيحافظ علي المذاكره من الكتب الدراسيه قدر الإستطاعه اللي ما فيش فيها الإمتحانات

أهه كان بيقضيها من زمايله وورق أصلهم كانوا عارفين ظروفه .

يبص الناحيه الثانيه يلاقي راجل بتنهد ويقول ..

أجهزها منين .. يادوب المرتب مكفينا بالستر ,,, ده بنت فولان جابت وبنت فولان عملت وبنت فولان وبنت فولان وبنت فولان !!!!!!

أنا مالي ما تخليها علي قدنا وتبص لعيشتنا !!

هو يقصد يجهز بنته اللي علي وش جواز منين وجايلها عريس

يدخل معاه في الحوار واحد قاعد جنبه علي الكرسي يا راجل سيبها علي الله ما حدش بياخد أكثر من نصيبه .

يا أفندي بنتي وأمها كل شويه بنت فلان جابت كذا وعملت كذا والست مراتي تقولي لازم نبدأ نفرشلها في جهازها علشان العرسان بيجيوا علي الكلام ده .

وأنا يادوب بيكفينا المرتب ويمشينا بالحلال يا بيه ربنا يغنينه عن الحرام وغيره فلان اللي بتكلم عنه ده بياخد رشاوي في مكتبه ودايما فاتح الدرج ؟

تعرف انا برفض اي رشوه الحمد لله انا بأدي عملي علي أكمل وجهه ومرتبي ده باخده نظير كده ونحمده ونشكره علي نعمه الحلال

يرد يقوله والله بكره ربنا يرزقك من حيث لا تعلم اللي مع ربنا دايما كسبان يا أستاذ
يقوله ونعم بالله بس الست مراتي والبنت يعرفوا كده يا أستاذ .

ويقوله إن شاء الله هيعرفوا وبكره تبقي عال العال بس هي بنتك سنها كام لامؤاخذه !! علشان برده الواحد عازر الستات اليومين دول خايفين علي بناتهم من قطر الزواج !!

يقوله أبدا يا أستاذ دي في 2 أعدادي !!!!!!!!!!!!!!!!!!!!

لراجل يقوله ربنا يديك طوله العمر يا بيه وتجوزها وبصله بصه غريبه وقام من جنبنه يظهر فكره مجنون :)

سرحان وقتها جه في باله أخته اللي في الثانويه هي كمان اللي الدروس مخلصه عليه في الراتب واللي هي كمان علي وش جواز أصلها ثانوي فني :)

ضحت وما دخلتش عام لأنها عايزه ترحم أخوها من همها وتتجوز بدري ومش تشيله مصاريف كثيره !! وتخف عليهم البيت وتتجوز

ٌقال في نفسه أما دي في الأعدادي وبتعمل كده أمال أختي اللي في الثانويه الفنيه وكلها سنتين وتتخرج هنجهزها منين !!!!!!

ياخد نفس عميق ويقول أمنت بيك يا رب وبنبيك محمد أكفيني بحلالك عن حرامك .

وفجأه بيه يسمع وراه صوت ضحك كده يحاول يخرجه من جو الغم ده ... لقي طفلين في الكرسي وراه واحد بيقول للثاني أيه

واخد سندوتشات أيه معاك النهارده وأنا هقولك ونبدل ونعمل غدويه أكل أيه رأيك ؟
يرد صاحبه يقوله ماشي بس اعرف انت واخد ايه معاك النهارده .. قاله واخد أثنين واحد جبنه بالطماطم والثاني جبنه بس من غير طماطم ..
الثاني يقوله وأنا واخد حلاوه وبيض

يبقي نبدل في الفسحي ونعمل غديوه ماشي ... يقوله ماشي

أنت أخدت كام مصروف بقه النهارده يقوله أثنين جنيه يادوب مواصلات وجنيه أصرفه في المدرسه
يقوله وأنا كمان

أذ بسرحان يضايق جدا ويفتكر أنه نسي يسيب مصروف أخواته الصغيرين علي الترابيزه زي عوايده وهو مصروف متواضع ربع جنيه لكل واحده

لأن المدرسه قريبه منهم يا دوب بيمشوا بتاع كيلوا ونص علي رجلهم لعند ما بيوصلوا ...

أذا بيه يقرر أنه يكلم والدته ويقولها أدي لأخواتي المصروف من معاكي لعند ما أرجع

ويفاجأ أنه خلاص المحطه الجايه نزوله وينزل يتمشي لعند مكان شغله وده اللي هنكمله في الحلقه القادمه ......




تابع القراءة

0 مقدمه يوميــات سرحان 2011

Monday, October 10, 2011

 بسم الله الرحمن الرحيــم 

 في البدايه سأقدم لكم من هو سرحان لتعرفوا عمن تقرأوا يوميــات ؟

سرحان شاب في العشرينات من عمره مصري محب لبلاده عاطل شويه ويشتغل شويه حال معظم الشباب شارك في  الثوره المصريه 25 يناير .

حاله قبل الثوره كان في ملل دائم محبط مضايق دايما مش عارف أمته الفساد اللي في البلد يخلص وامته الظلم ينتهي وأمته الشعب ينطق ويفوق من الغيبوبه ويقول للظالم لأ .

شاف حالات تعذيب كثير في السجون من خلال الموبايل بتاعه لأن مالوش في النت ولا حوارات الفايس بوك علي حد وصفه , عمره ما شارك في مظاهرات او وقفات ما عندوش وقت ولا جهد لكده .

لأن شغلته صنايعي وشغله بيهد الحيل ويادوب بيجيب مصاريف اللي تكفيه ويساعد بيها أمه المسكينه صاحبه المرض وكام أخت  أبوه مات وسابهم كوم لحم في رقبته علشان كده ما عندوش وقت يتابع النت والحاجات دي زي العيال الفاضين علي حد وصفه وكمان بيخاف علي صحته من السهر والأفلام الوحشه اللي بيقولوا عليها علي النت دي .
وكان  في الجامعه وليه مصاريف ولكن مش كان بيحضر للأسف لأنه في الشغل  . ورغم ده كان متفوق وبينجح ويقضي السنه بسنه وده ربنا مبارلكه فيها .

أمه وأسرته الفقيره بتناديه كل يوم بمصاريفهم !!!!!

كان نفسه يتجوز وسنه بيكبر ولكن زي ما أنتم عارفين لا سيط ولا غني يعني بالعربي ماعندوش تركه ولا شغل ورثهم من بعد موت ابوه .

سرحان يومه بينتهي اما بيرجع من شغله مهدود وبيبتدي اما يصحي الفجريه يصلي ويروح شغله يجيب قوته و قوت أهله .
كان يوم الخميس ده عيده يروح يسهر مع صحابه علي القهوه يلعبله كام دور شطرنج علي كام دور بونج كده طالع جديد وهو ترابيزه وفيها مضربين وبيقعدوا يصدوا الكوره لبعض :)

كان يقصد البينج بونج لأن وقتها كانت لسه جديده اللعبه وانتشارها وكان دايما بيحرص يكون في قهوه مش مليانه بمرضي شرب السجائر و الجوزه علشان بيخاف علي صحته , لأنه لو حصله حاجه ما حدش هيصرف علي أهله وخصوصا انه من شجره مقطوعه .

وطبعا بيروح ينام علشان يصلي الجمعه .

بإختصار ده معظم ملامح حياه سرحان الشاب البسيط الغلبان المطحون وطبعا أما نبدأ إن شاء الله نسرد ليكم يومياته وموقفه من الثوره وايه اللي حصله وازاي حياته بتضيق بيه



تابعونا في الحلقات القادمه بإذن الله

الحلقه الأولي

Ma7moud ELsaid _ محمود السيــــد


تابع القراءة

0 محمود السيد يكتب : فلول أرحم من فلول

Monday, October 3, 2011

قبل أي شئ مغزي المقال في هذه القصه المعبره جدا جدا جدا  قصه شاب مع زوجه إمام المسجد

كان في شاب اسمه خالد وعنده صاحب اسمه وائل ..
وكانوا لا يخافون الله فيما يفعلون ..
وفي مره من المرات قال وائل لخالد أنا تعرفت على زوجة امام المسجد ..
وهي عايزاني أروحلها البيت ..
وانا أخاف يطب علينا زوجها !!


فايه رايك لو بعد الصلاة تجلس تتكلم مع الامام ..
وتلهيه شوي لعند ما يقولك هروح  تكلمني ؟

خالد قال قشطه يا معلم عيش
وفعلا بعد الصلاة راح خالد وسلم ع الامام ..
وجلس يحاول يتكلم معاه ..
وأما  خلص كلام يدق على وائل ويقله ان الشيخ حيرجع بيته ..
وطبعا على طول وائل يرجع لخالد ..
ويحكيه اللي صار وفضل الحال هكذا لفترة طويلة ..
وصار في صداقة بين خالد وبين امام المسجد ..
من كثر ما يجلس معاه لدرجة ان ضميره بدأ يأنبه ..

وفي يوم خالد أخذ قرار وقال لازم أقول للشيخ المسكين !!

حرام لازم يعرف زوجته ايه بتعمل فيه ..
وراح للامام وقاله : ياشيخ بصراحة أنا ما كنت أجلس معاك لله في لله ..
ولكن كنت أجلس علشان أغطي على صاحبي ..
لأن زوجتك تخونك معاه ..
تعرفوا إيش رد الشيخ قال : بس أنا مش متزوج !!!!


هنا الصدمة !!!

عرفتوا وائل كان يروح لزوجة مين؟؟؟؟؟

كان يروح لزوجة خالــد !!!!!!!!!!!!!!!!!!!!!!!!!!!!!!

 
كارلوس لاتوف جاب من الأخر
هو ده حالنا دلوقتي بالظبط قعدنا نقول فلول فلول حاسب الفلول وكل ما تحصل حاجه نقول اللي عملها الفلول وأعداء الثوره هما الفلول وعملنا فيهم بالظبط فزاعه زي اللي عملها الأمن الوطني في الإخوان المسلمين قبل الثوره وكان عاملهم بعبعماشي يا سيدي عرفنا ان فيه فلول عاملين زي كفار قريش و عارفين انهم أعداءنا ولكن شوفت انت فلول من طراز تاني عاملين فيهم صاحبك خالد واحنا بقه وائل

عاملين نمهد لخالد ومش عارفين انه بيخونا كذلك المجلس العسكري والمعارضه المزيفه اللي للأسف في الظاهر انهم حموا الثوره وفي الأخر بيقولك مبارك ما أداش أوامر بالضرب ويطلعوا علينا بفيديوا يذاع لأول مره يقول فيه المشير أن ما جالوش أوامر بالضرب لا هو ولا أصحابه !عارفين

المشكله مش في تأخير ظهور الفيديوا ده او فبركه !!
ولا المشكله ليه المشير ما شهدتش زي ما احنا عايزن
ولا المشكله ان مبارك ما يتعدمش
ولا المشكله ان المجلس العسكري كذب علينا
المشكله المجلس العسكري حمانا من مين وقت ما قال انه رفض يطلق نار علينا !!!!!!!!!
وليه مصدعين دماغنا كل شويه الجيش انضم للشعب ما دام مبارك كان مع الشعب
صح ولا ايه وبالنسبه بقه للمعارضه المزيفه اللي ظاهرها معانه في الثوره وهما أصلا ماشركوش في الثوره ومش عايزين نقلب مين اللي كان ضدها ومين اللي رفع 12 مطلب وقال لا علاقه لنا بمظاهرات 25 يناير وبعد كده بقت ثوره مباركه ..وتعليقي علي ممثلي الأحزاب اللي مضوا علي أتفاقيه المجلس العسكري هاتلي أسم واحد فيهم كان في الثوره غير للأسف مصطفي النجار .

والباقي فلول مين محمد أنور لاسادات ومين رامي لكح ومين السيد البلوي ومين بتاع حزب النور ومين بتاع الإخوان الناس دي ما شوفناهاش في الثوره غير متأخر .

مش عايزين نخوض في الكلام ده علشان احنا محتاجين دلوقتي نتفق وليس نختلف زي ما المثل بيقول
حرص صاحبك ولا تخونوووووووووووووووووش وفي النهايه فلول أرحم من فلول
تابع القراءة

0 محمود السيد يكتب : إنها حقا غزوه الصناديق !!

Friday, September 30, 2011

قبل الإستنفار والتشنج ويملي وشك الغبار وتخاف وتقول ايه التطرف ده دي غزوه شريفه غير غزوه أياها اللي أخطأ قائله من شده الفرح كما وصفه فضيله الشيخ محمد إسماعيل المقدم .

بدون فزلكه ولا لغه فصحي بالعربي كده صندوق إنتخابات مجلس الشعب القادم لابد أن تحرسه كما تحرس بيتك وحريمك ومالك وتاخد كفنك وانت رايح عليه !!
لأن لم تقم الثوره ويزهق أرواح شهداء وترمل النساء ويصاب من يصاب علشان في النهايه تزور الإنتخابات تاني وكأنك يا أبو زيد ما غزيت .
لأ طبعا مش هنسمح كده أبدا أبدا أبد في أولي التجارب الديموقراطيه للشعب المصري اللي بيدافع فيها عن حقه وحق الأجيال القادمه . بغض  النظر عن الخلاف دلوقتي مين اللي جاهز والماده 5 من قانون الإنتخابات اللي بتحرم الأحزاب من الترشح علي قائمه الفردي أو إلغاء الفردي أو الفلول الوطني و انا مش جاهز !!

كل إلي أعرفه مر 8 شهور من الثوره وبين فيها من اللي في الشارع ومين اللي مش في الشارع وهل اللي مش في الشارع دلوقتي هل بكره هيكون في الشارع او بعده او الشهور القادمه ؟

وأنا ضد الأصوات اللي بتنادي ببقاء العسكر لمده كمان لعند ما تستقر البلاد ولأول مره أختلف مع من أحببني في السياسه وجلعني عضو سابق في حزب الجبهه وتشرفت بالنقاش معاه أكثر من مره وهو د.أسامه الغزالي حرب ولكني دائما أري الغزالي حرب من النخبه ولا تواجد له في الشارع فهو بمجرد مستشار تجيبله تسمعله تتسلطن تعيش تكبر دماغك وكده
ولا أنسي حواره الجامد مع مدحت شلبي في عز معمعه الثوره عندما طالب بتنحي مبارك ولا جدال عن زال ولا حل غير ده بس انا مش مع الصوت ده اللي بيتنادي بتأخير الإنتخابات .

حدد المجلس الإنتخابات أخر شهر نوفمبر القادم وأول جلسه للمجلس في شهر 3 ماشي نبدأ بقه نشتغل علي كده وبعدين عايز تأخر أكثر من كده ايه ..
ده في 8 شهور طلع 7 أحزاب من الحزب الوطني المنحي !!
عايز كل ما تطول تديهم فرصه للإنتشار لألألألألألألألألألألألألألألألألألأ يا عم مش لاعب :)

لازم نركز في الفتره دي علي تحقيق الإنتخابات وعز العسكر وتسليم السلطه وأديكم شايفين ما حدش عارف ياخد حقه من العسكر لا مصاب ثوره ولا مدرس ولا طبيب وكلها إعتصامات وعطله علي الفاضي .
لو عايز إستقرار فعلا هات إنتخابات وبعدها رئاسه ونعيش بقه ويجي رئيس يخلصنا كل المشاكل دي واللغط ده
في محاكمه الفاسدين وتحقيق مطالب الثوره .

تجربه رجب أردوجان مع غزوه الصناديق
في مؤتمر ديفوس العالمي الزعيم يطيح بالخنزير


بعدما أطاح مصطفي كامل أتاتورك بالخلافه العثمانيه 1922 وأعلن إنضمامه للغرب بحجه إستلهام التقدم وإلغاء التخلف الناجم عن الإسلام في الدوله التركيه .

فأعلنها صريحه بعلمانيه الدوله ومعاداه كل ما هو إسلامي وبدأ في تحويل العديد من المساجد إلي متاحف ومنع المحجبات من الإلتحاق بالتعليم الجامعي ........... إلي أن ظهر هذا الزعيم أردوجان ولكن من قبله أستاذه أربكان الذي تميز بالحماسه الزائده مما دفعه إلي دفع الثمن وعدم إستطاعته لتوصيل فكرته للشعب ولا الدوله ولا تحقيق ما يريد

من إعاده إسلاميه الدوله ولكن أنظر ماذا فعلا أردوجان .

دخل أردوجان الإنتخابات من خلال غزوه الصندوق وسط تصارع شديد من أحزاب الدوله العلمانيه الحزب الشعبي غيره ولكن عندما فاز في المره الأولي 2002 بدأ في تحويل تركيا من دوله كادت إلي الإفلاس إلي دوله من أقوي إقتصاديات العالم وبدأ أيضا في تحجيم الجيش العلماني المقاوم لكل ما هو مسلم وبدأ في تعديل الدستور وتحقيق كل ما يريد لصالح الدوله والإسلام من خلال صندوق الإنتخابات وها هو يفوز بالمره الثالثه علي التوالي بإنتخابات البرلمانيه ويسيطر علي الحكومه بمفرده .

وأصبح من أقوي الشخصيات المؤثره في العالم وتم إختياره مرتين في صحيفه time الأمريكيه وغيره من الجوائز العالميه والعربيه فكل ما قدمه هذا الرجل وما وصل إليه من خلال غزوه شريفه للصناديق من خلال برنامج إنتخابي وتواجد شعبي وعدم تفرقته بين الكردي والعلوي والأتاتوركي والعلماني والإسلامي بل جمعهم جميعا تحت رايه واحده حب الوطن .

لذلك أعتقد أن هذا الرجل وحزبه وحكومته فانون في تركيا إلي أن يتوافهم الله لما يقدموه للشعب والحكومه وستحكم بذلك صناديق الإقتراع .

فصناديق الإقتراع لغه الأقوياء ويخشاها دائما الجبناء الغير متواجدين بين الشعب .

الأن سنثبت للعالم أن الإسلام والديموقراطيه يلتقيان ولا يتصارعان علي عكس ما يدعي البعض ..... رجب طيب أردوجان


تابع القراءة

0 إنفراد حواري مع السيد رئيس حزب المعارضــه

Monday, September 5, 2011




السلاموا عليكم السيد رئيس حزب المعارضه .. كيف حالكم !! معذره قبل الإجابه أرجوا منكم أطفاء السيجار  حيث أن رائحته فواحه وعندي حساسيه علي صدري من الدخان .. وتقريبا هو من نوع فخم !!

نظر إلي وقال : لا أستطيع الحديث بدونه . ثم أذن لي بالتنقل إلي مكان أخر في الحجره .

فعندما قررت التحرك إلي الأريكه الموجوده في زاويه الحجره .... شعرت بالبروده فنظرت فوقي وجدت التكيــف وطبعا لا أستطيع الجلوس في مكان قريب منه كما أوضحت من قبل لظروفي الصحيه ومرضي بالحساسيه ..

فقررت الجلوس بجانب الشرفه وسط الهواء النقي ودرجه الحراره الطبيعيه والنظر في وجهه الشعب في الشوارع وإستلهام من وجوهم الأسئله

فإنبهرت لم رأيته بعيني من حديقه أشبه بالجنـــه فقلت ما شاء الله أكيد دي في البيت اللي بجانبنا . وعندما سألته قال .
دي حديقه بيتي المتواضع !!

فقلت الحمد لله علي حديقي منزلي وهي مصرف أمام بيتي ويحلق عليها الذباب والحشرات بدلا من الفراشات اللتي أراها في حديقه السيد رئيس الحزب . ويفوح منها رائحه أشبه بالمجاري كاللتي تفوح بها رائحه العطر من حديقه السيد رئيس حزب المعارضه .

ولكن قررت التنقل إلي مكان أخر أيضا لأن إسئلتي لن تكون مستوحاه من ألام الشارع البسيط وأنا أنظر إلي هذه المناظر الخلابه والرائعه .

فأخذت مكان أخر ووجدت مكتبه فخما كل ما تحويه من كتب لا أفهم لغتها ما بين الإنجلييزيه والفرنسيه ولمحت كتب بالعربي عنوانها

كيف تصبح رئيــــــــــس !
و الأنــــــــــــــــا
والعزلـــه هي الحل
بعيدا عن ألام الشعوب
وكل ما تشتهي فالدنيا دار الملاذ !!
وإليكم مأكولات الزعماء السريه !

ونظرت له في نظرات تائهه ونظرت إلي الغرفه مره أخري لعلي دخلت حجره خطــأ ! فلت هل حضرتك السيد رئيس حزب المعارضه بنفسه أم أخذت لقاء خطأ في حساباتي الشخصيه المكلف بها اليوم ؟

فنظر إلي وأبتسم قال نعم أنا السيد رئيس حزب المعارضه
قلت إذا نبدأ الحوار

الإسم / العمر / الوظيفه
فأجاب قائلا
إسمي السيد رئيس حزب المعارضه
عمري 60 عام من المعارضه
الوظيفه رئيس حزب المعارضه ....فأنا خلقت لأعترض وأشعر بألام  الفقراء ومطالب الناس المهمومه

فقلت في ذهني كيف يشعر بمن في الشارع وهوي يعيش في الجنــــه !!

سألته ما هو برنامجك للفتره القادمه أو رؤيتك للفتره الراهنـــه ....
صمت لفتره وقال إنــــــــــــي أعترض علي طريقه الحكومه في التعامل في الفتره الراهنــه ولابد من التشاور معنا بكل أمور الشعب حيث أننا الناطق بإسمه أمامهم .

وبرنامجك يا فندم ما هو !!

قال لي اني حزين لم اراه من تكدير لشبابنا وعدم تلبيه مطالبيهم والسماع لهم ....

وبرنامجك يا فندم لتطوير المرحله الراهنه التي تمر بها البلاد الأن بعد مرحله الثوره !!لم أكن راضي عما يحدث مع أسر الشهداء والمصابين من تجاهل في العلاج

ولكن معذره هل قدمتم لهم الدعم !! يا سياده رئيس حزب المعارضه

أخد نفس طويل وقال أمـــال فكرك ايه احنا تعبنا جامد لعند ما عرفنا الناس أن فيه إصابات وشهداء نتجت من الثوره دي وده مجهود كبير طبعا  .

وهل قدمتم شئ للفلاح ومشاكل وتحدثتم عنها !!
أهالي النوبـــه
الفقراء
الموظفين
المدرسين

وكلما سألته يهرب بي وفجأه مكالمه تأخذه مني ويخرج علي الفور

ألو  مين !

نعم أنا السيد رئيس حزب المعارضه

من أنت

تمام قناه ...... برنامج ....... تريدوني التحدث عن المشاكل الراهنـه !!

ممممممممممممم

ولكني مشغوزل ليوم مع قناه ........... وبرنامج ,.......... للحديث عن ............

..................

وغدا مع برنامج ............. وقناه ..................

وبعد الغد ................

إلي أخر الأسبوع


إذا موعدنا الأسبوع القادم بإذن الله

وأتمني أن تختلقوا موضوع لي أن أتحدث فيه لأني مواضيعي هتتحرق الأسبوع ده

أغلق التلفون .

معذره أني مشغول وأنصرف .....

وختمت كلامي في حوار

عندما يخرج المصابين وأهالي الشهداء للمطالبه بحقوقهم المهدوره بعد نجاح الثوره .
وعندما يطالب الزراع والفلاحين بمطالبهم بأنفسهم .
عندما يخرج المدرسين ليقولوا حقوقنا مهدوره
عندما يهدد الفقراء بثوره جياع !!
عندما يعود المعتمرين من السعوديه ويقفوا أمام السفاره مطالبن بحقوهم

فبأي حال يتحدث السيد رئيس حزب المعارضه !!



محمود السيد

مصاب في ثوره 25 يناير
تابع القراءة

0 محمود السيـــــد يكتب : شرح مبســط لفشــل جعل العمله الرسميـــه لقناه السويس بالجنيــــه المصري

Wednesday, August 31, 2011







إنتشرت في الفترات السابقه مطالب بجعل العمله الرسميـــه لقناه السويس بالجنيــه المصري مفكرين يعني أن ده هيرفع من قيمه الجنيه المصري ....!! إزاي يعني ( من وجهه نظرهم ) 


إن الطلب علي الجنيه هيزيد من خلال السفن الماره يعني بالعربي الفصيح كل ما تجي سفينه تعدي من قناه السويس يقوللها هاتي أرجعي إشتري الجنيه المصري وبالتالي حسب نظريه العرض والطلب ... الإقبال علي الجنيه المصري هيزيد فالبتالي يرتفع قيمته مقابل العملات الأخري .!!


أولا لعمليه مش بالبساطه دي ليه بقه ..... علشان تخلي الجنيه المصري من العملات المتداوله في العالم زي اليوروا والدولار والين لابد أن يحصل تصويت من قبل أعضاء صندوق النقد الدولي واللي درس صندوق النقد الدولي هيعرف أن دول الكبار المسيطره عليه نتيجه حصصهم الكبيره وهما ( أمريكا _ أنجلترا_ فرنسا _ روسيا ...............(


وبالتالي التصويت مش هيكون لصالح الجنيه المصري دي أول الطرق القانونيه وبدليل هو احنا مهما فتحنا ومهما كان الإقبال علي قناه السويس هل هيكون زي الإقبال علي العمله الصينيه مثلا !!


يعني مثلا دلوقتي هو في حد ما بيشتغلش في الصيني ..... ده بيقولوا فيه فلوس صيني يعني لو كده كان زمان العمله الصينيه اللي والله ما أعرفها ايه ... تحولت لعمله قوميـــه  ودي مسببه مشاكل مستمره بينها وبين أمريـــكا وصندوق النقد وكل مره يجيبوا الحاج صميده علشان يفصل بينهم ولكن انتوا عارفين أمريكا دايما سايقه دور الأب الناصح  :)




ثانيا :طيب مبروك علينا التصويت نجح وأصبح الجنيه هو عمله رسميه وكل اللي هيعدي من قناه السويس هيدفع العمله الرسميه المصريه الجنيـــــــــــــــــــــه


تفتكروا المفروض أفرح ولا ايه .... دي مصيبه عارفين ليه


صلوا بينا علي النبي دلوقتي الناس بتيجي تعدي من علي قناه السويس يقوم يبصلهم الحاج محمد بكل كبر وتعالي روح يا خواجه إشتري الجنيه المصري وتعالا أعديــــك !!


ممتاز ولكن دلوقتي رصيدنا من العمله الصعبـــه هيكون ايه مصيره أما يكون أكبر الموارد اللي بتدخل العمله الصعبه لينا بنحولها للجنيه المصري ؟


يا سيدي اياكش تولع عمله صعبه ايه يا أستاذ بقولك الطلب علي الجنيه المصري هيزيد انت ايه قذافي !!
هو يقصد يقولك انت غبي :)




طيب يا حاج محمد دلوقتي فيه حاجه اسمها القاعده النقديه ... يعني مثلا الدهب قاعدته النقديه الدولار والبترول اليوروا تقريبا 


يعني علشان تشتري الدهب لازم يكون معاك دولار وعلشان تشتري بترول لازم يكون معاك يرووا


طيب يا عم الأستاذ انا مش هلبس الوليه بتاعتي دهب ومش فارق معايه !! المهم الجنيه سعره يسمع ويبقي عليه الطلب


طيب دلوقتي يا حاج محمد الدولار يعتبر من العملات الرسميه في العالم وفقا للصندوق الدولي يعني علشان تشتري اي حاجه لازم عمله صعبه فهمت بقه يا ريس !


أها طيب وايه المشكله يا سي الأستاذ ما تروح تشتري هو انا حايشك !!


أيوه كده بقه هو ده الخيط التاني يا حاج في حاله تطبيق الجنيه المصري العمله الرسميه لقناه السويس ده هيقلل ومن مخزونك من العمله الصعبه لأن قناه السويس كانت من أهم مصادر الدخل في العمله الصعبه فهمت ؟


وأما تحب تجيب عمله صعبه تشتري بيها وارداتك لابد أن تقع تحت طيله مكاتب الإستثمار وتجاره العمله في شراء العملات الصعبه ويديولك بالسعر اللي علي مزاج أبوهم لأن ما فيش عليهم رقابه في تحديد الأسعار لأن الحاجه دي وفقا للعرض والطلب وانتي معاليك في دوله مستورده وليس مصدره فالبتالي هيكون الإقبال علي شراء الدولاور عالي قوي وبالتالي سعره يزيد ...


يبقي بالعربي كده اللي هتكسبه من فرق بيع الجنيه المصري هتخسره في شراء الدولار


وكده في النهايه معاك السبيبن الأساسين والمهم في فشل تطبيق العمله الرسميه لقناه السويس بالجنيه المصري


الأول : التصويت في الصندوق مش هيكون لصالح الجنيه المصري وأنه يصبح عمله رسميه في التداول
الثاني : إحتياجك للعمله الصعبه وبالتالي هتخسر كتير قوي من شراءك الدولار من التجار زي ما وضحت من قبل .


وبعدين يا حج هو حد عاقل يقفل باب رزق جايله وبيجب ليه عمله صعبه برده :)



رأي د.حازم الببلاوي
مستشار صندوق النقد العربي في أبوظبي
نائب رئيس الوزراء ووزير الماليه في حكومه شرف

ولذلك، فإن الاقتراح بدفع الرسوم بالجنيه المصرى لا يحقق الفائدة المدعى بها لأنه لن يزيد من الحصيلة الإجمالية للعملات الأجنبية، بل وقد تترتب عليه أضرار على الاقتصاد برفع تكلفة الدولار على الدولة لتمويل ما تستورده الدولة من مواد تموينية أو أساسية. وهو أيضا أسلوب غير عملى قد يتطلب زيادة الرسوم بشكل مستمر لحماية لقيمة العائدات عند انخفاض قيمة الجنيه. وأخيرا فإنه قد تسهل من عمليات هروب رءوس الأموال إلى الخارج. فهو بذلك اقتراح غير مفيد وغير عملى ويمكن أن يكون ضارا. والله أعلم.


ده مقال للدكتور حازم ماذا يحدث لو.. جعلنا رسوم المرور فى قناة السويس بالجنيه المصرى




محمــــــود السيــــــــــد


رئيس رابطه مصابي ثوره 25 يناير
01511765984

تابع القراءة

0 كشف بأسماء المصابين الذين لم يتسلموا الشيكــات

Friday, August 12, 2011



كشف بأسماء المصابين الذين لم يتسلموا الشيكــات بمحافظه القاهره ( مرحله أولي )





( 2 )



( 3 )



( 4 )



( 5 )



كشف بأسماء المصابين الذين لم يتسلموا الشيكــات في محافظه الجيزه


( 1 )
 

( 2 )



تحديـــث:


انت مصاب او تعرف مصاب أدخل هنـــــــــــا

دي صفحه لمصابي الثوره للتواصل دووس هنــــــــــــــــا 

 سؤال وجواب في ذهن كل مصاب  هنـــــــــــــــا

جدول شيكات المصابين في المحافظات هنـــــــا 



للتواصل مع المنسقيــن في المحافظات 


مؤسس الرابطه ( منسق المنصوره ) محمود السيــد            01511765984


منسق إسكندريه   أحمـــد السيـــــد                                    0174014597       

منسق دميـــــاط    إيهاب الغباشي                                     0118211103  


منسق بورسعيـــد   حسين موسي                                           0125527817         


منسق البحيـــره  و دمنهور    علي محمد                             0162170444   


ملحوظه : 


بالنسبــه لباقي المحافظات التي لم يتم إختيار منسقين إلي الأن أو عقد إجتماعات يمكنكم التواصل مع مؤسس ورئيس الرابطه محمود السيد لحل مشاكلكم وإستفسراتكم 

 
مع تحيات رابطه مصابي ثوره  25 يناير 


01511765984



تابع القراءة
 
مدونة ناشـط إيـجابـي © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates