بالفيديوهات ملخص إقتحام أمن الدوله في الإسكندريه بالأمس

هما بيربونا ولا أيه يعني مش فاهم بعد خطاب مبارك الثلاثاء قبل موقعه الجمل رجاله التحرير رفضوا يروحوا نزل عليهم غزو بالجمال زي غزوه أحد كده والخيانه الكبري للرسول ونزل عليهم الكفار وضربوا المسلمين
تحس كده وأنت بتشوف أحداث غزوه الجمال بنفس الإحساس ويطلع في الأخر مدبرين الغزوه دي :

•  جمال مبارك وزكريا عزمي وصفوت الشريف ووزير الصحه السابق أحمد فريد وغيرهم وغيرهم .

وبعد خروج مدير أمن دمنهور علي الملأ  ويقول في تسجيل صوت وصوره ( هنا التسجيل ) ليه أن الشرطه أسيادنا في عز المعمعه والشرطه مرعوبه تنزل وخايفه من الشعب يجي هو يسخنها خلعناه لأن خلاص الشعب بقه مصدر السلطات فعلا مش كلام بس
نلاقي تاني يوم مدبحه في سجن دمنهور ويموت 53 سجين مع مئات المصابين ....


خلعنا شفيق بيه بسبب رفض الثوار ليه والشعب أجمع مهما كانت الأسباب وتعدادها .. نلاقي تاني يوم أمن الدوله شغاله تفرم في الورق ومش عايزه تسيب وراها دليل زي ما يكون شفيق بيه كان حاميهم زي ما انتوا شايفين الفيديوا كده الورق المفروم

معقول كل ده صدفه يعني ولا أيه مش فاهم ولا تخطيط هما أمن الدوله دووول مش مصرين يعني من إسمهم يعني عايزين أمن للدوله وكمان كده بالعقل هما كام في وزاره الداخليه علشان يتصدروا للشعب كله
وجدي المريض ده لااااااااااااازم يرحل ويتحاكم كمان مش بس كده
وإحنا وراهم وراهم لعند ما نحاكمهم واحد واحد..


اللي حصل بإختصار إمبارح في الإسكندريه الشباب بيحتفل زي أي محافظه في مصر إمبارح بالثوره والمكاسب وغيرها ومشيوا شويه في منطقه الفراعنه كده شافوا دخان خارج من مقر أمن الدوله فعرفوا أن فيه حاله فرم للورق جمعوا ناس وراحوا يحاصروا أمن الدوله بدأ الكلاب يضربوا رصاص حي عليهم مما أسفر عن إصابات تصل إلي 5 أو 6 حالات
منهم :
 الناشط حسن مصطفي برصاصه في بطنه وأخر أسمه عبد الله رصاصه في كتفه اليمين مع بعض الإصابات الأخري
وضربوا خرطوش وهتشوفوا في الفيديوهات إصابه إحدي الإطفال بخرطوش في بقه واتعور ونزل دم

الفيديوا الأول : ضرب الرصاص الحي علي المتظاهرين والقنابل المسيله للدموع من علي مقر أمن الدوله والشباب محاصرهم

والخرطوش زي ما هتشوفوا في الفيديوا القادم لكن معذره فيه ألفاظ قليله الأدب

ده مش بس كده دول الكفره كانوا بيزقلوا قنابل ملوتوف زي ما هشتوفوا في الفيديوا وكمان هتلاحظوا أنهم مش كانوا بس في مواجهه الشعب لأ دول كمان في مواجهه الجيش يعني خلال ما بقاش بينا وبينهم حاجه نبكي عليها

والشباب في النهايه بدأوا يقتحموا المكان بعد محاصره للمقر والجيش وصلوا علشان الأهالي مش يموتوهم ودخلوا وشاوفوا مفاجأات من وثائق وسجون تحت الأرض في الفيديوا القادم سجن تحت الأرض

لحظه قبض الجيش عليهم منظر بمليون جنيــــــــــــــــــه و أكتر وهما زي الفراخ 

وبكده نعلنها جميعا وفاه أمن الدوله دون رحمه من الله....






محمود السيد