خدعوووك فقـــالوا نعم للتعديلات الدستوريه

خدعوك فقالوا نعم من أجل الإستقرار من أجل إرضاء ربك ورسولك محمد . لا للعلمانيه والفجور والسفه وقله القيمه وحفاظا علي الدين
خدعوك فقالوا نعم من أجل إنقاذ مصر في الفتره الراهنه والبوارج الإسرائيليه علي الحدود .
خدعوك فقالوا نعم من إجل دوران العجله الإنتاجيه وحفظ أمان البلد و إشراف قضائي كامل علي الإنتخابات و إلغاء قانون الطوارئ
خدعوك فقالوا نعم من أجل دستور جديد .....
خدعوووووووووووووووووووووووووووووووووووووووك فقاااااااااااااااااااااااااااااااااااااااالوا


فاكرين في عز معمعه الثوره مين اللي كان بيقول لينا يا جدعان أرجعوا من الميادين , يا جدعان إسرائيل علي الحدود ومصر بتضيع 
وهنفلس ومش هنلاقي ناكل كمان 3 شهور وإحتياطي المخزون من المنتجات الزراعيه خلااااااااااااااص
هنشحـــــــــــــــــــــــــــــــــــــــــت يا جدعـــــــــــــــــــــــــــــــــــــــان
أمريكا هتدخل مصر يا جدعان ألحقووووووووووووووووا إنقذوا مصر يا جدعان
طبعا كلنا عارفين مين اللي إتهمنا وقال كده أيام الثوره 
غير بقه وجبه كنتاكي والإجندات والأجانب اللي في ميادين مصر وغيره وغيره ....
طبعا عارفين مين اللي قال كده في الفقره التانيه وهم فلول الحزب الوطني والمستفيدين واللي خايفين من نجاح الثوره علشان
هيتحاكموا ويكون مصيرهم السجن والعقاب.


نفاجأ دلوقت في كل ميدان وشوارع مصر الرئيسيه والقري لافتات تحث علي الفقره الأولي وهي الإستقرار وإرضاء ربك وغيره وغيره


أكيـــــــــــــــــــد زي ما بتوع الوطني كان ليهم مصلحه شخصيه والفاسدين خايفين من العقاب أكيد بتوع نعم اللي صاغوها في الفقرات 
الأولي دول ليهم مصلحه
وودنك منين يا حجا 
وتيجي تحاور واحد منهم مش عارف حاجه ولا فاهم حاجه ولا عارف مين اللي حط الدستور
كل اللي بينطبق هو شغل الخلافه الإسلاميه ياخد نعم من خليفته وينشرها بقه في المنابر والمساجد والخطب 
والغريب من ده كله لأول مره في حياتي أشوف توافق وثناء بين السلفيه و الأخوان وبعضهم البعض 
أنا اللي يعرفني شخصيا عارف قد أيه انا بدافع عن السلفيه وبحب مشايخهم الأفاضل ولا فيه بيني وبين الإخوان شئ ولا كراهيه
فكلهم أصدقائي و وانا تربيت وسط الناس دي حوالي 4 أو 5 سنين

وأنا مش ضد التوحيد بين صفوف المسلمين في شئ ولكن في أمور الدين فقط ومش يستخدموا الدين كساتر علي الكلام ده..


وفي النهايه أنا مش ضد اللي يقول نعم بالعكس أنا مبسوط إننا بنختلف وبنتاقش حوالين الأراء ونقنع بعض في النهايه 
ولكن ما يفنعش إمام المسجد السلفي أو الإخواني يستغل كده ويقول علي المنبر نعم من أجل الإستقرار والخروج من الأزمه والكلام العبيط ده ....
ده مش شغله للأسف فيه ناس بتاخد كلامه فتوي وبتمشي وراه سواء قالهم قولوا لأ أو نعم 
المهم خدعووووووووووووووك فقالوا 
وأنا مش بشكك في ضمير أو كلام حد وزي ما قولت ليكم رأيكم علي راااااااااااااااااااااااسي من فوق سواء نعم أو لأ 


وياريت اللي حصل معاه نفس التجربه النهارده أو حصل خلاف في مسجده يعلق ويقول وجهه نظري أو دوووس شيييييير
علشان نشوف أراء بعض