حيره بقه إنتخابات الرئاسه الأول ولا البرلمان الأول حيـــــره بجد

بعد تعين د. عصام شرف رئيسا للوزراء في الفتره الإنتقاليه هدأت الأمور وأزداد إرتياح الناس جميعا لأنه رغبه شعبيه .
بدأ الصوت يعلي ويتفرغ بقه للي جاي والناس ترجع بقه شغلها وتشوف مصالحها ويبقي يوم الجمعه من كل أسبوع 
يوم مش مظاهره ولكن إحتفال وتفكير للمجلس الأعلي للقوات المسلحه بمطالبنا المتبقيه .


طيب دلوقتي بقه في أمرين محتاج تعليقات ومشاركات فيها وسماع رأيكم فيها
هل يبقي مين الأول بقه 
الإنتخابات الرئاسيه ولا البرلمانيه وأيها تفضل دوله برلمانيه ولا رئاسيه 
بصراحه أنا لسه بدور وبفهم في مسأله الدوله الرئاسيه والبرلمانيه دووول 
ولكن دلوقتي يشغلنا قوي قوي
مين يحصل الأول إنتخابات مين ؟؟؟؟


لو قولنا البرلمانيه الأول نبقي ظلمنا الأحزاب اللي لسه تحت التأسيس ومش هتشارك وكده يبقي حرام بجد لأن معظمهم من ثورجيه لثوره المصريه ..
بس ممكن يحصل برده تزوير وبيع أصوات والكلام الفارغ ده


طييب لو قولنا إنتخابات رئاسه الأول
هيبقي فيه مشكله في ان الرئيس القادم هيكون علي الدستور القديم وبكده يبقي كأنك يا أبو زيد ما غزيت




طيب أنت بقه تفضل أيه رئاسيه الأول ولا برلمانيه وتفضل الدوله تكون إزاي برده