ورثه النظام السابق وأمن الدوله بالأسمـــــــــاء

هل سقط النظـــام من وجهه نظرك ؟؟؟؟؟
أيوه يا عم سقط والله العظيم سقط امال مين اللي في السجن دول ؟؟؟
من وجهه نظري المتواضعه لم يسقط إلي الأن ما زال ذيول الوطني وبقاياه وفلوله عايشين في المردغه وبيهصوا بقه
ومازال أفكارهم متوارثه بيننا إلي الأن عن الأشخاص الشرفاء .....

في مقالي السابق تحدث عن صوره جديده للجنه الإلكترونيه للحزب الوطني ونبهت إلي أن اللجنه دي نزلت الشارع وكان المقال بعنوان اللجنه الأرضيه للحزب الوطني ...وتحدثت عن موقفين حدثوا لي بينهم ساعات قليله تهدف إلي إرجاع مبارك للأمن والأستقرار بدل من الفوضي الخلاقه الناجمه عن الثوره .وتشويه صوره شباب الثوره ونشر روح الإحباط ,

ولكن نخشي جميعا من ورثه النظام السابق وأمن الدوله وللأسف دوووووووول مش عملاء ولا حاجه ولا بيكرهوا الوطن بل بالعكس ممكن يكون كاهرين للنظام السابق أكتر من منك وكل مشكلتهم أنهم ورثوا النظام السابق ......

من يومين لفت إنتباهي أسره جديده في جامعه المنصوره تحت إسم سفينه النجاه
والله الأسره جذبت إنتباهي وقررت أتعرف عليهم وعلي فكرهم لسببين

الأول : أنهم جماعه ما شاء الله ملتزمين دينيا وفيهم أحد المعارف القدامي .
الثاني : إسم الأسره خلا يبقي عندي فضول لمعرفه أفكار الأسره دي .

المهم بدأت أتعرف عليهم وأتكلم معاهم ولقيت واحد فيهم واخد شويه شباب في جنب كده وبيتحاور معاهم ويقنعهم في شئ منتهي من الأساس وهو سلبيه السلفيه السابقه في النظام الفاسد والثوره والله من غير ما أطيل معاه قولت له يا أخي الكريم أطوي الصفحه دي وأبدا صفحه جديده ......

ومش هتكلم معاكم في الموضوع ده لأن دار بيني وبينه حوار غليظ شويه ولكن لا فائده من عرضه عليكم غير الإحباط ....

جت سيره الدكتور برادعي وعرف إني في حزب ليبرالي زي الجبهه وفي حمله دعم البرادعي رئيس ؟؟؟؟؟؟؟؟؟؟؟

إزاي مرجعيتك إسلاميه وفي حزب زي ده وكمان بتدعم البرادعي العلماني واللي بنته يهوديه؟؟؟؟؟
أنا بقه إزبهليت من الكلام ده

وبدأت أعرض عليه ملابساته واحده واحده وأرد عليه
يعني بنت الدكتور مسلمه والدليل موجود كان رده إستبينه عدي دي
الدكتور مزدوج الجنسيه إزاي وهو هيترشح للرئاسه لأن القانون يمنع المزدودج رده عدي دي
مراته أجنبيه إزاي دي من كفر الدوار رده عدي دي؟؟؟؟؟؟؟؟؟؟؟؟؟؟؟؟


قولتله لا تقذفوا لناس بالباطل ولا تخوضوا في الأعراض كي لا تندموا يوم لا ينفع فيه الندم و الخوض في أعراض الناس شئ مش سهل وعاقبته وخيـــــــــــــــــــــــــــــــــمه,,,,,,,

كان إنطباعي أني إنصرفت وأنا في سؤال في رأسي محتاج ليه إجابه ؟؟؟؟؟

هل فعلا الأسره دي سفينه النجاه لشباب جامعي أمي وجاهل في أمور دينه وسياسته والحياه العامه أم يحتاجوا لسفينه نجاه لهم؟؟؟؟


المشكله أن النظام  مات وسقط ولكن ترك وراءه العادات والأفكار المتوارثه بين الشعب وهي قال وقيل وبيقولوا وسمعنا ....
وكثره الإشاعات ..

يعني طلع من كام يوم إشاعه منتشره بتقول إن في شباب ملتزم بيحيط كنيسه القديسين تقريبا وعايزين يكسروها والناس جريت علي هناك المسلمين قبل المسيحين لقوها إشـــــــــــاعه

وبالأمس وإنتشر كمان إشاعه أن فيه شباب سلفي النهارده هينزلوا يرشوا ميه النار علي وش الغير محجبات وضربهم وسحلهم
وطلعت الجماعه السلفيه نفت الكلام ده

عوامل انتشار الإشاعــة:

أـ تبرز الإشاعة دائما في أجواء الترقب والتوقع،وعدم الاستقرار واللاثقة.
ب ـ وجود أجواء التوتر النفسي التي تخيم على المجتمع.
ج ـ سوء الوضع الاجتماعي والاقتصادي،وتفشي ظاهرة البطالة في المجتمع.


وعلي ما أعتقد وقتنا ده متوافق مع العوامل الثلاث دي في إنتشار الإشاعات وتوغلها كمان

السؤال الأخير هل الإشاعات دي مصدرها التوارث من النظام السابق ولا بقايا النظام السابق ؟؟؟؟

وفيه فرق كبير بينهم

التوارث هتلاقيه موجود بينا والناس فعلا بتحب البلد ولكن عندها شويه جهل ورثته من الإعلام الفاشل السابق وثورات التشويه علي الشرفاء أما بقايا النظام كلاااااااااااااااااب لا يهمهم غير إثاره الفوضي والبلبله وسرقه وتشويه الثوره وشبابها

وبكده إسماء الورثه هم :

الجاهل
الأمي
الودني ( اللي بيسلم ودنه لقال وقيل )
المنعزل عن الدنيا والحياه والواقع

عندك إضافات ؟؟؟