أنا ربـــــكم الأعلـــــــــــــي

أيوه يا عم قبل ما تدخل وتشتم وتقول مين الكافر بن الكافر ده 
أيوه بعترف أنا ربـــــــــــــــــــكم الأعلي ولازم تطيعوني وتسمعوا كلامي ومش عايز نقاش ولا جدال....
كل كلامي صح أسمعوا مني وأتعلموا


عايز تقول أيه من الكلام ده ياااااااااااض يا بن التيت انت انا خارج من الموضوع ده 
لأ أستني قبل ما تخرج أفهم مين اللي بيقول كده الأول وليه قالها


بصوا فرعون ده كان مريض نفسي يعني عايز الكل يسمع كلامه ويطيعه بدون عصي أوامره ودلوقتي هعمل حاجه وعايزيكم تركزوا فيها جدا جدا جدا أنا هدخل تشبيهات ظهرت لنا بعد الثوره ولكن مجرد تشبيه صوري و مواقف مش تشبيه شخصيات معاذ الله..
مهما كان جبروته وسلطته.




----


1- أمن الدوله اللي نال سقوطه من أيام .أكتشفنا أنه كان يعامل المصرين علي أنهم عبيد أجمع بدون تفرقه لا حتي مسؤل كبير ولا مين ..دول حتي كانوا بيتصنتوا علي بعض وكان ربهم الأعلي هو العادلي لعنه الله وأماته وعذبه زي ما عذب الناس
وكمان فجر لينا إمبارح الكاتب بلال فضل مع يسري فوده علي ontv أن العادلي بصفته قبل وزير للداخليه كان رئيس جهاز أمن الدوله قال أنه هيكشف قريبا بالمستندات ميليشيات العادلي .
دول بالصلي علي النبي عاملين زي الحرس الجمهوري بتوع الرئيس وفي الأخر سمعنا مصايب أنه كان ناوي ينقلب علي الرئيس لصالح جمال مبارك ..
يعني من الأخر كده حبيب العادلي يعتبر اللي كان ممشي البلد وماسكها 
وكمان كلنا شوفنا الورق اللي تم تسريبه وهما بيتصنتوا علي مين حسين سالم وجمال مبارك في صفقه الغاز وغيرهم م كبار المسؤلين ده حتي الوزير الحالي للداخليه اللواء منصور عسوي قال أنهم تصنتوا عليه..
يعني من الاخر العادلي كان عايز الشرطه والشعب يقولوا له ويأكدوا
صدقت أنت ربنا الأعلي والعياذ بالله....


2 -  ثاني شئ بعد ثوره 25 يناير قضينا علي دكتاتور واحد وهو الرئيس المخلوع مبارك وظهر إلينا كم من دكاتير الشعب المصري وأصبح كل من لا يفهم ولا يعلم شئ بل حتي الفاهم ينحاز لرأيه فقط دون السماع للرأي الأخر ويدخل معك في مناورات وإشتغلات بل بالعكس أحيانا تفقد أقرب الأصدقاء ليك وانا لسه إمبارح في حوار فوجئت بواحد صاحبي مسحني من علي أصدقائه لكوني عبرت عن رأيه وقبله فنان أيضا للأسف مشهور أنه دلوقتي وسط الميدان وبيأسس حزب شيوعي
نفس الكلام يعني لو ما أتفقتش معاه وقولت له صدقت زي ما جنود فرعون كانوا بيقولوا ليه علي أي كلام وخلاص
أنا ربكم الأعلي والكلام الفاضي ده يقتلهم ويموتهم وصاحبنا دلوقتي الدكتاتور يمسحك أو يخاصمك ....


3 - ثالث شئ بقه وهما الأشخاص راكبي الموجه بدأوا في الظهور بعد ما الثوره خلصت و فجأه لقوا تجاهل الإعلام ليهم 
وكده فبدأوا بقه يظهروا جنب المسؤلين في الإجتماعات و ويقولوا تصريحات وكلام عبيط من شرفاتهم من خارج مصر
وأي بلبله وأي كلام فاضي معقول وهما اللي قالولي أقول
وعلي النهج ده خالف تعرف علشان الناس تبص عليك
يقولك مره تهديد للجيش ومره تانيه تلاقي عامل زي الناس اللي بتيجي جنب اللعيبه وتبوس فيهم وهما بيتكلموا في حوار 
تلاقيه واقف جنب المسؤول ويظهر معاه
يعني حاجات كلها ظاهره للناس جميعا والشعب دلوقتي بقه عارف مين اللي معانه ومين اللي ضددنا....






وفي الأخر يا عمنا يالي داخل تشتم أنت وكفرتني فهمت أنا أقصد مين وفعلا دي حقيقه ياريت تشاركني بتعليقك وتقولي أنهي واحد فيه الحالات السابقه بتقابلك فعلا و بضايقك .....


ودووووسوا علي الشير بقه والصلاه علي النبي كده علشان ما أغضبش عليكم