• قالب جميل ومناسب للمدونات الشخصية ، يحتوي على العديد من الميزات والسمات الانيقة
  • نسخة مطورة من قالب مدونة رشيد ، قالب مناسب للمدونات الشخصية ويوجد به عدة اضافات
  •  تعرف على افضل عشرة مدونات على مستوى العالم ، للتبين اين انت من هؤلاء
  •  تعرف على قائمة اكثر 30 مدونة عالمية تحقق الربح من التدوين ، وتعرف على السر الحقيقي وراء تحقيقهم لهذه الاموال من المدونات
  • اجعل صندوق التعليق في مدونتك اكثر احترافية ، واضف عليه الوان جميلة لتبهر زوار مدونتك بأناقته

أرجووووووووووكم إخلعوا زي الدين علي باب السيــــاسه

Sunday, March 20, 2011


بغض النظر عن النتيـــــجه أنا محترمها جدا جدا جدا ومتأكد جدا أنها من منبع إختيار الشعب البسيط دون تزوير في الأوراق ولكن 
إنـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــي أعتـــــــــــــــــــــــــــــــــــــــــــــــــــــــــــرض
أيوووووووووووووووووووه بتعترض عارف ليه .
لأننا مش هنتخلص من دكتاتور يجي دكتاتور تاني مش ممكن وأه بقه أن الدكتاتور الجديد ده يجي متخفي في عبايه الدين 
لألألألألألألألألألألألألألألألألألألألألألألألألألألألألألأه بقه 
وتيجي تكلم حد يقولك لو مش عاجبك ميدان التحرير هيروح فين ده كلام يا جدعان 
الثورات بينها أعمار وناس بتموت هو فرح بقه كل شويه نطلع نعمل ثوره وبتـــــــــــاع 


رجعنا تاني للقمع ولكن المره دي قمع فكري والمطر يركب الثوره ....ويثبتك يا أخي أتريد من العلمانيه السيطره علي مصر 
يا ولدي ايوه يا أبونه الإخوان المسلمين هيدبحوووونا 

يا عم إتلهي منك له ليها ليها ليها ليها ليها له 

كنتوا فيـــــــــــــــــــن أيام الثوره 
الكنيسه قالت مش من عاده الأقباط لخروج في تظاهرات ولا الشغب
والسلفيه قالوا أيها المسلمين لا تخرجوا ولا تنصتوا لهذه الفوضه الخلاقه اللي مش عارفين مين اللي وراها 
الأخوان لا علاقه لنا بثوره 25 يناير 


عااااااااااارف يا عمي أن الناس دي سلفيه وإخوان دفعوا كتيـــــــــــــــر في السجون والإعتقلات ولكن الإخوان دفعوا مش علشان مثلا حبهم لمصر أكيد هما بيحبوها ولكن دفعوا لأنهم المنافس القوي للوطني وزي ما شوفنا جمال عبد الناصر عمل فيهم أيه


والسلفين دفعوا لأنهم لو قالوا كلمتهم الناس هتقوم ومش هتقعد لأنهم بيقولوا قال الله وقال الرسول ودي ما فيش فيها جدال
يعني الواحد يموت في سبيل الله..............وقتها


أنا مش ضد دووووول ولا دوووووول ولكن أرجوووووووووووعكم إخلعوا زي الدين علي باب السياسه ولا تتاجروا بألام الناس
وتقولوا واجب شرعي والماده الثانيه والعبط ده 
والناس مش محل حرب بينكم وبين الكنيسه ولا محل حرب بين الكنيسه والسلفين ولعوا في بعض سوري يعني بعيد عن بساطه الشعب الغلبان ده 


أقسم برب العزه أنا النهارده بتكلم مع أتنين بالصدفه واحد بيقول الحمد لله قولت نعم علشان أنصر الإسلام واللي جنبه قاله يا عم مالها ومل التعديلات الماده الثانيه 
قال: يعنيــــــــــــــــي أيه قولتله ضحكوووووووووووا عليك


والثاني بنت برده مش فاهمه واما فهمتها اللي هيحصل بعد نعم قالت يلا بقه انا لبســــــــــــــت وما حدش سمي عليه




عايز أقول أيه نفسي ما يتتكررش جمعه الإستفتاء علي المنابر تاني ومش عايزين المشايخ يروجوا الناس علي حاجه سواء كانت صح أو خطئ في السياسه سيبوا الناس تفهم وبعدين تقول رأيها وأكيد الشعب المصري أما بيفهم اللي مطلوب منه بيصدر القرار السليم
زي الثوره العسوله دي 


وأتمني كمان من السلفيه أن حجتهم بطلت خلاص أما كنا بنقول ليهم يا جدعان انتوا ليه مش بتقولوا رأيكم في السياسه وتتكلموا علي الفساد الناس هتسمعكم 
يردوا يقولوا يا عم خلينا ساكتين هي هتيجي علينا ما إحنا اللي بنروح فيها
لأ يا عمي دلوقتي شوفتوا أما قولت نعم للناس قاااااااااااااااااااالوا نعم بدون فهم بغض النظر عن غلط أو صح


وعايزين بقه نستفاد منكم في السياسه بإيجابيه وليس بسلبيه

وشيــــررررررررررررر يا عم وعلي بركه الله خليهم يدبحووووووووووووني

4 comments:

Anonymous said...

محمد عزوز ...احترم جدا نتيجة الاستفتاء و الجماعة الشاطرين بتوع نعم ... اما بعد اصدقائى الاعزاء بتوع لأ .. الشارع و القررررى المصرية اصبحت الان حكرا للتيارات الدينية بجميع اشكالها ... و يشاركهم بحصة قليلة الجماعة بتوع الحزب الوطنى و الفلوس و المصالح بجميع اشكالهم .. اما حبيبى الحلويين بتوع لأ فملهومش فى الشارع و القرررررى سوى بعض الفتافيت ال بتقع بقصد او من غير قصد من جماعتى الدين و المصالح الشخصية ... و رغم انكم يا بتوع لأ .. حلوين و طيبين و قد شارك منكم الكثير فى تجهيز و اطلاق شرارة ثورة يناير فضلا عن خوض حروبها الا اننى ابشركم : اننا لو لم ننظر لانفسنا قبل ان ننظر على غيرنا .. سناخذ صااااااابونة كبيرة فى مجلسى الشعب و الشورى و المحليات و النقابات و الاتحادات الطلابية و كمان المقعد الكبير بتاع رئاسة الجمهورية .. و كما قال صديقى العزيز كريم الجهينى و احد من بتوع لأ .. سلمولى على مصر سلمولى !!
امضاء واحد من بتوع لأ

Unknown said...

تحياتى و محبتى ... للجهود الضخمة للاستاذ محمود السيد فهو فى اعتقادى كان من الجنود المجهولة المؤسسين لثورة 25 يناير ... وتحياتى لمجهودة الضخم فى نشر التوعية الثقافية و السياسية

سامح said...

تحية طيبه لما قلته ... على فكره انا من المسيحيين الذين قالوا لا لسبب عدم شرعية الدستور فقط ولا يهمني حجم التعديل او من مستفاد من ورائه ولا غيره
بس عايز اقول حاجه صغيره ولكن غاية في الاهمية ... رأينا (انا معك فيه) هو عدم تداخل الدين مع الدولة ...لكــــــــــــــن السلفيين يرون ان الدين الاسلامي شرع الاحكام لكي تعمل وتطبق على الدول والحكم الاسلامي هو عدل الله على الارض وهذا هدفهم ان يختار الاغلبية ذلك ... وعنما يحدث هذا سيكتشف الجميع ان هذا الامر صحيح وان هذا امتداد لعدل الله على الارض وامتداد لتطبيق شرائعه على الارض
هم يرون ان العالم خلق حتى يسود الاسلام ليس فقط ديناً ولمن ايضاً تشريعاً وتطبيقاً في الحكم ...هذا كان ثمرة حديثي مع احد السلفيين ... انقله لكَ دون ان اعلق بكلمة واحده عليه

Anonymous said...

انت البعيييييييييد منتش فاهم حااااااجة في اي حاجة والدين منهج حياة فبالاسلام تتحسن جميع الظروف والاحوال فبه ياخذ من الغني ويعطى للفقير وبه ياخذ على يد الظالم وبه تتمتع بالعدل والامن والامان والعزة

Post a Comment

ما يضاف من التعليقات من الساده القراء غير مسؤل عنها وهذا رايهم ولهم الحق وتذكروا قبل أي تعليق كل إناء ينضح بما فيــه
إتعلقوا بالعافيـــــــــــه *_*

 
مدونة ناشـط إيـجابـي © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates